1	கர்த்தரைத் துதித்து, அவருடைய நாமத்தைப் பிரஸ்தாபமாக்குங்கள், அவருடைய செய்கைகளை ஜனங்களுக்குள்ளே பிரசித்தப்படுத்துங்கள்.	சங் 136:1-3 1நாளா 16:7-22 1நாளா 25:3 1நாளா 29:13 1நாளா 29:20
2	அவரைப் பாடி, அவரைக் கீர்த்தனம்பண்ணுங்கள்; அவருடைய அதிசயங்களையெல்லாம் தியானித்துப் பேசுங்கள்.	சங் 47:6 சங் 47:7 சங் 96:1 சங் 96:2 சங் 98:1 சங் 98:5 நியா 5:3 ஏசா 12:5 ஏசா 12:6 ஏசா 42:10-12 எபே 5:19 வெளிப் 15:3 வெளிப் 15:4
3	அவருடைய பரிசுத்த நாமத்தைக் குறித்து மேன்மைபாராட்டுங்கள்; கர்த்தரைத் தேடுகிறவர்களின் இருதயம் மகிழ்வதாக.	சங் 34:2 ஏசா 45:25 எரே 9:23 எரே 9:24 1கொரி 1:29 1கொரி 1:31 கலா 6:14
4	கர்த்தரையும் அவர் வல்லமையையும் நாடுங்கள்; அவர் சமுகத்தை நித்தமும் தேடுங்கள்.	ஆமோ 5:4-6 செப் 2:2 செப் 2:3
5	அவருடைய தாசனாகிய ஆபிரகாமின் சந்ததியே! அவரால் தெரிந்து கொள்ளப்பட்டவர்களாகிய யாக்கோபின் புத்திரரே!	சங் 77:11 சங் 103:2 உபா 7:18 உபா 7:19 உபா 8:2 உபா 32:7 ஏசா 43:18 ஏசா 43:19 லூக் 22:19 1கொரி 11:24-26
6	அவர் செய்த அதிசயங்களையும், அவருடைய அற்புதங்களையும், அவர் வாக்கின் நியாயத்தீர்ப்புகளையும் நினைவுகூருங்கள்.	யாத் 3:6 ஏசா 41:8 ஏசா 41:14 ஏசா 44:1 ஏசா 44:2 ரோம 9:4-29
7	அவரே நம்முடைய தேவனாகிய கர்த்தர், அவருடைய நியாயத்தீர்ப்புகள் பூமியெங்கும் விளங்கும்.	சங் 95:7 சங் 100:3 ஆதி 17:7 யாத் 20:2 உபா 26:17 உபா 26:18 உபா 29:10-15 யோசு 24:15-24
8	ஆயிரந்தலைமுறைக்கென்று அவர் கட்டளையிட்ட வாக்கையும், ஆபிரகாமோடே அவர் பண்ணின உடன்படிக்கையையும்,	சங் 105:42 சங் 111:5 சங் 111:9 1நாளா 16:15 நெகே 1:5 தானி 9:4 லூக் 1:72-74
9	அவர் ஈசாக்குக்கு இட்ட ஆணையையும் என்றென்றைக்கும் நினைத்திருக்கிறார்.	ஆதி 17:2 ஆதி 22:16 ஆதி 22:17 ஆதி 26:3 ஆதி 28:13 ஆதி 35:11 நெகே 9:8 அப் 7:8 எபிரெ 6:17
10	அதை யாக்கோபுக்குப் பிரமாணமாகவும், இஸ்ரவேலுக்கு நித்தியஉடன்படிக்கையாகவும் உறுதிப்படுத்தி:	ஆதி 17:7 ஆதி 17:8 2சாமு 23:5 எபிரெ 13:20
11	உங்கள் சுதந்தரபாகமான கானான் தேசத்தை உனக்குத் தருவேன் என்றார்.	ஆதி 12:7 ஆதி 13:15 ஆதி 15:18 ஆதி 26:3 ஆதி 26:4 ஆதி 28:13
12	அக்காலத்தில் அவர்கள் கொஞ்சத் தொகைக்குட்பட்ட சொற்ப ஜனங்களும் பரதேசிகளுமாயிருந்தார்கள்.	ஆதி 34:30 உபா 7:7 உபா 26:5 ஏசா 51:2 எசே 33:24-33
13	அவர்கள் ஒரு ஜனத்தைவிட்டு மறு ஜனத்தண்டைக்கும், ஒரு ராஜ்யத்தைவிட்டு மறு தேசத்தாரண்டைக்கும் போனார்கள்.
14	அவர்களை ஒடுக்கும்படி ஒருவருக்கும் இடங்கொடாமல், அவர்கள் நிமித்தம் ராஜாக்களைக் கடிந்து கொண்டு:	ஆதி 12:14-17 ஆதி 20:1-7 ஆதி 26:14-33 ஆதி 31:24-29 ஆதி 35:5 யாத் 7:16 யாத் 7:17
15	நான் அபிஷேகம்பண்ணினவர்களை நீங்கள் தொடாமலும், என்னுடைய தீர்க்கதரிசிகளுக்குத் தீங்கு செய்யாமலும் இருங்கள் என்றார்.	ஆதி 26:11 சகரி 2:8
16	அவர் தேசத்திலே பஞ்சத்தை வருவித்து, ஆகாரமென்னும் ஆதரவுகோலை முற்றிலும் முறித்தார்.	ஆதி 41:25-32 ஆதி 41:54-32 ஆதி 42:5 ஆதி 42:6 2இரா 8:1 ஆமோ 3:6 ஆமோ 7:1-4 ஆகா 1:10 ஆகா 1:11 ஆகா 2:17 மத் 8:8 மத் 8:9 வெளிப் 6:8
17	அவர்களுக்கு முன்னாலே ஒரு புருஷனை அனுப்பினார்; யோசேப்பு சிறையாக விற்கப்பட்டான்.	ஆதி 45:5 ஆதி 45:7 ஆதி 45:8 ஆதி 50:20
18	அவன் கால்களை விலங்குபோட்டு ஒடுக்கினார்கள்; அவன் பிராணன் இரும்பில் அடைபட்டிருந்தது.	ஆதி 39:20 ஆதி 40:15 அப் 16:24
19	கர்த்தர் சொன்ன வார்த்தை நிறைவேறுமளவும் அவருடைய வசனம் அவனைப் புடமிட்டது.	சங் 44:4 ஆதி 41:11-16 ஆதி 41:25-16 நீதி 21:1 தானி 2:30 அப் 7:10
20	ராஜா ஆள் அனுப்பி, அவனைக் கட்டவிழ்க்கச் சொன்னான்; ஜனங்களின் அதிபதி அவனை விடுதலைபண்ணினான்.	ஆதி 41:14
21	தன் பிரபுக்களை அவன் மனதின்படி கட்டவும், தன் மூப்பர்களை ஞானிகளாக்கவும்,	ஆதி 41:40-44 ஆதி 41:55-44 ஆதி 45:8 ஆதி 45:26
22	அவனைத் தன் வீட்டுக்கு ஆண்டவனும், தன் ஆஸ்திக்கெல்லாம் அதிபதியுமாக்கினான்.	ஆதி 41:33 ஆதி 41:38 ஏசா 19:11
23	அப்பொழுது இஸ்ரவேல் எகிப்திற்கு வந்தான்; யாக்கோபு காமின் தேசத்திலே பரதேசியாயிருந்தான்.	ஆதி 45:9-11 ஆதி 46:2-7 யோசு 24:4 அப் 7:11-15
24	அவர் தம்முடைய ஜனங்களை மிகவும் பலுகப்பண்ணி, அவர்களுடைய சத்துருக்களைப்பார்க்கிலும் அவர்களைப் பலவான்களாக்கினார்.	ஆதி 13:16 ஆதி 46:3 யாத் 1:7 உபா 26:5 அப் 7:17 எபிரெ 11:12
25	தம்முடைய ஜனங்களைப் பகைக்கவும், தம்முடைய ஊழியக்காரரை வஞ்சனையாய் நடத்தவும், அவர்களுடைய இருதயத்தை மாற்றினார்.	ஆதி 15:13 யாத் 9:16 யாத் 10:1 உபா 2:30 ரோம 9:17-19
26	தம்முடைய தாசனாகிய மோசேயையும் தாம் தெரிந்துகொண்ட ஆரோனையும் அனுப்பினார்.	சங் 77:20 யாத் 3:10 யாத் 4:12-14 யாத் 6:11 யாத் 6:26 யாத் 6:27 யோசு 24:5 மீகா 6:4 அப் 7:34 அப் 7:35
27	இவர்கள் அவர்களுக்குள் அவருடைய அடையாளங்களையும், காமின் தேசத்திலே அற்புதங்களையும் செய்தார்கள்.	சங் 78:43-51 சங் 135:8 சங் 135:9 யாத் 7:1-11 உபா 4:34 நெகே 9:10 நெகே 9:11 ஏசா 63:11 ஏசா 63:12 எரே 32:20 எரே 32:21
28	அவர் இருளை அனுப்பி, அந்தகாரத்தை உண்டாக்கினார்; அவருடைய வார்த்தைகளை எதிர்ப்பாரில்லை.	யாத் 10:21-23 யோவே 2:2 யோவே 2:31 லூக் 23:44 லூக் 23:45 2பேது 2:4 2பேது 2:17
29	அவர்களுடைய தண்ணீர்களை இரத்தமாக மாற்றி, அவர்களுடைய மச்சங்களைச் சாகப்பண்ணினார்.	சங் 78:44 யாத் 7:20 யாத் 7:21 ஏசா 50:2 எசே 29:4 எசே 29:5 வெளிப் 16:3
30	அவர்களுடைய தேசம் தவளைகளைத் திரளாய்ப் பிறப்பித்தது; அவர்களுடைய ராஜாக்களின் அறைவீடுகளிலும் அவைகள் வந்தது.	சங் 78:45 யாத் 8:3-14 வெளிப் 16:13 வெளிப் 16:14
31	அவர் கட்டளையிட, அவர்களுடைய எல்லைகளிலெங்கும் வண்டுகளும் பேன்களும் வந்தது.	சங் 78:45 யாத் 8:21-24 ஏசா 7:18
32	அவர்களுடைய மழைகளைக் கல்மழையாக்கி, அவர்களுடைய தேசத்திலே ஜூவாலிக்கிற அக்கினியை வரப்பண்ணினார்.	சங் 78:47 சங் 78:48 யாத் 9:18-28 வெளிப் 8:7 வெளிப் 11:19 வெளிப் 16:21
33	அவர்களுடைய திராட்சச் செடிகளையும் அத்திமரங்களையும் அழித்து, அவர்களுடைய எல்லைகளிலுள்ள மரங்களையும் முறித்தார்.	வெளிப் 9:4
34	அவர் கட்டளையிட, எண்ணிமுடியாத வெட்டுக்கிளிகளும் பச்சைப்புழுக்களும் வந்து,	சங் 78:46 யாத் 10:12-15 யோவே 1:4-7 யோவே 2:25 வெளிப் 9:3-10
35	அவர்களுடைய தேசத்திலுள்ள சகல பூண்டுகளையும் அரித்து, அவர்களுடைய நிலத்தின் கனியைத் தின்றுபோட்டது.
36	அவர்களுடைய தேசத்திலே தலைச்சன்கள் அனைத்தையும், அவர்களுடைய பெலனில் முதற்பெலனான யாவரையும் சங்கரித்தார்.	சங் 78:51 சங் 135:8 சங் 136:10 யாத் 4:23 யாத் 11:4 யாத் 11:5 யாத் 12:12 யாத் 12:29 யாத் 12:30 எபிரெ 11:28
37	அப்பொழுது அவர்களை வெள்ளியோடும் பொன்னோடும் புறப்படப்பண்ணினார்; அவர்கள் கோத்திரங்களில் பலவீனப்பட்டவன் ஒருவனும் இருந்ததில்லை.	ஆதி 15:14 யாத் 3:22 யாத் 12:35 யாத் 12:36 அப் 13:17
38	எகிப்தியர் அவர்களுக்குப் பயந்ததினால், அவர்கள் புறப்பட்டபோது மகிழ்ந்தார்கள்.	யாத் 10:7 யாத் 12:33
39	அவர் மேகத்தை மறைவுக்காக விரித்து, இரவை வெளிச்சமாக்குகிறதற்காக அக்கினியையும் தந்தார்.	சங் 78:14 யாத் 13:21 யாத் 13:22 யாத் 14:24 எண் 9:15-22 நெகே 9:12 நெகே 9:19 ஏசா 4:5 1கொரி 10:1 1கொரி 10:2
40	கேட்டார்கள், அவர் காடைகளை வரப்பண்ணினார்; வான அப்பத்தினாலும் அவர்களைத் திருப்தியாக்கினார்.	சங் 78:18 சங் 78:26-28 யாத் 16:12 யாத் 16:13 எண் 11:4-6 எண் 11:31-33
41	கன்மலையைத் திறந்தார், தண்ணீர்கள் புறப்பட்டு, வறண்ட வெளிகளில் ஆறாய் ஓடிற்று.	சங் 78:15 சங் 78:16 சங் 78:20 சங் 114:8 யாத் 17:6 எண் 20:11 நெகே 9:15 ஏசா 48:21 1கொரி 10:4
42	அவர் தம்முடைய பரிசுத்த வாக்குத்தத்தத்தையும், தம்முடைய தாசனாகிய ஆபிரகாமையும் நினைத்து,	சங் 105:8-11 ஆதி 12:7 ஆதி 13:14-17 ஆதி 15:14 யாத் 2:24 லூக் 1:54 லூக் 1:55 லூக் 1:72 லூக் 1:73
43	தம்முடைய ஜனத்தைக் களிப்போடும், தாம் தெரிந்துகொண்டவர்களைக் கெம்பீர சத்தத்தோடும் புறப்படப்பண்ணி,	சங் 78:52 சங் 78:53 சங் 106:8-12 யாத் 15:13 உபா 4:37 உபா 4:38 ஏசா 63:11-14 அப் 7:36 அப் 13:17
44	தமது கட்டளைகளைக் காத்து நடக்கும்படிக்கும், தமது நியாயப்பிரமாணங்களைக் கைக்கொள்ளும்படிக்கும்,	சங் 44:2 சங் 44:3 சங் 78:55 சங் 80:8 சங் 135:10-12 சங் 136:21 சங் 136:22 யோசு 11:23 யோசு 21:43 யோசு 23:4 யோசு 24:8 யோசு 24:13 நெகே 9:22-25
45	அவர்களுக்குப் புறஜாதிகளுடைய தேசங்களைக் கொடுத்தார்; அந்நிய ஜனங்களுடைய பிரயாசத்தின் பலனைச் சுதந்தரித்துக்கொண்டார்கள். அல்லேலூயா.	உபா 4:40 உபா 5:33 உபா 6:1 உபா 6:2 உபா 6:21-25 எசே 36:24-28 எபே 2:8-10 தீத் 2:14