1	பின்பு, பளிங்கைப்போல் தெளிவான ஜீவத்தண்ணீருள்ள சுத்தமான நதி தேவனும் ஆட்டுக்குட்டியானவரும் இருக்கிற சிங்காசனத்திலிருந்து புறப்பட்டுவருகிறதை எனக்குக் காண்பித்தான்.	சங் 36:8 சங் 46:4 ஏசா 41:18 ஏசா 48:18 ஏசா 66:12 எசே 47:1-9 சகரி 14:8 யோவா 7:38 யோவா 7:39
2	நகரத்து வீதியின் மத்தியிலும், நதியின் இருகரையிலும், பன்னிரண்டு விதமான கனிகளைத்தரும் ஜீவவிருட்சம் இருந்தது, அது மாதந்தோறும் தன் கனியைக் கொடுக்கும்; அந்த விருட்சத்தின் இலைகள் ஜனங்கள் ஆரோக்கியமடைகிறதற்கு ஏதுவானவைகள்.	வெளிப் 22:1 வெளிப் 21:21 எசே 47:1 எசே 47:12
3	இனி ஒரு சாபமுமிராது. தேவனும் ஆட்டுக்குட்டியானவரும் இருக்கிற சிங்காசனம் அதிலிருக்கும்.	வெளிப் 21:4 உபா 27:26 சகரி 14:11 மத் 25:41 ஆதி 3:10-13 எசே 37:27
4	அவருடைய ஊழியக்காரர் அவரைச் சேவித்து, அவருடைய சமுகத்தைத் தரிசிப்பார்கள்; அவருடைய நாமம் அவர்களுடைய நெற்றிகளில் இருக்கும்.	எசே 33:18-20 எசே 33:23-20 யோபு 33:26 சங் 4:6 ஏசா 33:17 ஏசா 35:2 ஏசா 40:5 மத் 5:8 யோவா 12:26 யோவா 17:24 1கொரி 13:12 எபிரெ 12:14 1யோவா 3:2 1யோவா 3:3
5	அங்கே இராக்காலமிராது; விளக்கும் சூரியனுடைய வெளிச்சமும் அவர்களுக்கு வேண்டுவதில்லை; தேவனாகிய கர்த்தரே அவர்கள்மேல் பிரகாசிப்பார். அவர்கள் சதாகாலங்களிலும் அரசாளுவார்கள்.	வெளிப் 18:23 வெளிப் 21:22-25 சங் 36:9 சங் 84:11 நீதி 4:18 நீதி 4:19 ஏசா 60:19 ஏசா 60:20
6	பின்பு, அவர் என்னை நோக்கி: இந்த வசனங்கள் உண்மையும் சத்தியமுமானவைகள், சீக்கிரமாய்ச் சம்பவிக்கவேண்டியவைகளைத் தம்முடைய ஊழியக்காரருக்குக் காண்பிக்கும்பொருட்டு, பரிசுத்த தீர்க்கதரிசிகளின் கர்த்தராகிய தேவனானவர் தம்முடைய தூதனை அனுப்பினார்.	வெளிப் 19:9 வெளிப் 21:5
7	இதோ, சீக்கிரமாய் வருகிறேன்; இந்தப் புஸ்தகத்திலுள்ள தீர்க்கதரிசன வசனங்களைக் கைக்கொள்ளுகிறவன் பாக்கியவான் என்றார்.	வெளிப் 22:10 வெளிப் 22:12 வெளிப் 22:20 வெளிப் 3:11
8	யோவானாகிய நானே இவைகளைக் கண்டும் கேட்டும் இருந்தேன். நான் கேட்டுக் கண்டபோது, இவைகளை எனக்குக் காண்பித்த தூதனை வணங்கும்படி அவன் பாதத்தில் விழுந்தேன்.	வெளிப் 19:10 வெளிப் 19:19
9	அதற்கு அவன்: நீ இப்படிச் செய்யாதபடிக்குப் பார்; உன்னோடும் உன் சகோதரரோடும் தீர்க்கதரிசிகளோடும், இந்தப் புஸ்தகத்தின் வசனங்களைக் கைக்கொள்ளுகிறவர்களோடுங்கூட நானும் ஒரு ஊழியக்காரன்; தேவனைத் தொழுதுகொள் என்றான்.	வெளிப் 19:10 உபா 4:19 கொலோ 2:18 கொலோ 2:19 1யோவா 5:20
10	பின்னும், அவர் என்னை நோக்கி: இந்தப் புஸ்தகத்திலுள்ள தீர்க்கதரிசன வசனங்களை முத்திரை போடவேண்டாம்; காலம் சமீபமாயிருக்கிறது.	வெளிப் 22:12 வெளிப் 22:13 வெளிப் 22:16 வெளிப் 22:20
11	அநியாயஞ்செய்கிறவன் இன்னும் அநியாயஞ்செய்யட்டும்; அசுத்தமாயிருக்கிறவன் இன்னும் அசுத்தமாயிருக்கட்டும்; நீதியுள்ளவன் இன்னும் நீதிசெய்யட்டும்; பரிசுத்தமுள்ளவன் இன்னும் பரிசுத்தமாகட்டும்.	வெளிப் 16:8-11 வெளிப் 16:21-11 சங் 81:12 நீதி 1:24-33 நீதி 14:32 பிரச 11:3 எசே 3:27 தானி 12:10 மத் 15:14 மத் 21:19 மத் 25:10 யோவா 8:21 2தீமோ 3:13
12	இதோ, சீக்கிரமாய் வருகிறேன்; அவனவனுடைய கிரியைகளின்படி அவனவனுக்கு நான் அளிக்கும் பலன் என்னோடேகூட வருகிறது.	வெளிப் 22:7 செப் 1:14
13	நான் அல்பாவும் ஒமெகாவும், ஆதியும் அந்தமும், முந்தினவரும் பிந்தினவருமாயிருக்கிறேன்.	வெளிப் 1:8 வெளிப் 1:11 வெளிப் 21:6 ஏசா 41:4 ஏசா 44:6 ஏசா 48:12
14	ஜீவவிருட்சத்தின்மேல் அதிகாரமுள்ளவர்களாவதற்கும், வாசல்கள் வழியாய் நகரத்திற்குள் பிரவேசிப்பதற்கும் அவருடைய கற்பனைகளின்படி செய்கிறவர்கள் பாக்கியவான்கள்.	வெளிப் 22:7 சங் 106:3-5 சங் 112:1 சங் 119:1-6 ஏசா 56:1 ஏசா 56:2 தானி 12:12 மத் 7:21-27 லூக் 12:37 லூக் 12:38 யோவா 14:15 யோவா 14:21-23 யோவா 15:10-14 1கொரி 7:19 கலா 5:6 1யோவா 3:3 1யோவா 3:23 1யோவா 3:24 1யோவா 5:3
15	நாய்களும், சூனியக்காரரும், விபசாரக்காரரும், கொலைபாதகரும், விக்கிரகாராதனைக்காரரும், பொய்யை விரும்பி அதின்படி செய்கிற யாவரும் புறம்பே இருப்பார்கள்.	வெளிப் 9:20 வெளிப் 9:21 வெளிப் 21:8 வெளிப் 21:27 1கொரி 6:9 1கொரி 6:10 கலா 5:19-21 எபே 5:3-6 கொலோ 3:6
16	சபைகளில் இவைகளை உங்களுக்குச் சாட்சியாக அறிவிக்கும்படிக்கு இயேசுவாகிய நான் என் தூதனை அனுப்பினேன். நான் தாவீதின் வேரும் சந்ததியும், பிரகாசமுள்ள விடிவெள்ளி நட்சத்திரமுமாயிருக்கிறேன் என்றார்.	வெளிப் 22:6 வெளிப் 1:1
17	ஆவியும் மணவாட்டியும் வா என்கிறார்கள்; கேட்கிறவனும் வா என்பானாக; தாகமாயிருக்கிறவன் வரக்கடவன்; விருப்பமுள்ளவன் ஜீவத்தண்ணீரை இலவசமாய் வாங்கிக்கொள்ளக்கடவன்.	வெளிப் 22:16 ஏசா 55:1-3 யோவா 16:7-15
18	இந்தப் புஸ்தகத்திலுள்ள தீர்க்கதரிசன வசனங்களைக் கேட்கிற யாவருக்கும் நான் சாட்சியாக எச்சரிக்கிறதாவது: ஒருவன் இவைகளோடே எதையாகிலும் கூட்டினால், இந்தப் புஸ்தகத்தில் எழுதியிருக்கிற வாதைகளை தேவன் அவன்மேல் கூட்டுவார்.	வெளிப் 22:16 வெளிப் 3:14 எபே 4:17 1தெச 4:6
19	ஒருவன் இந்தத் தீர்க்கதரிசன புஸ்தகத்தின் வசனங்களிலிருந்து எதையாகிலும் எடுத்துப்போட்டால், ஜீவபுஸ்தகத்திலிருந்தும், பரிசுத்த நகரத்திலிருந்தும், இந்தப் புஸ்தகத்தில் எழுதப்பட்டவைகளிலிருந்தும், அவனுடைய பங்கை தேவன் எடுத்துப்போடுவார்.	வெளிப் 2:18 லூக் 11:52
20	இவைகளைச் சாட்சியாக அறிவிக்கிறவர்: மெய்யாகவே நான் சீக்கிரமாய் வருகிறேன் என்கிறார். ஆமென், கர்த்தராகிய இயேசுவே, வாரும்.	வெளிப் 22:18
21	நம்முடைய கர்த்தராகிய இயேசுகிறிஸ்துவின் கிருபை உங்கள் அனைவரோடுங்கூட இருப்பதாக. ஆமென்.	வெளிப் 1:4 ரோம 1:7 ரோம 16:20 ரோம 16:24 2கொரி 13:14 எபே 6:23 எபே 6:24 2தெச 3:18