| 1 | யோசேப்பின் குமாரனாகிய மனாசேயின் குடும்பங்களில், மனாசேயின் குமாரனாகிய மாகீரின் மகனான கிலெயாத்துக்குப் பிறந்த ஏபேருக்குப் புத்திரனாயிருந்த செலோப்பியாத்தின் குமாரத்திகளாகிய மக்லாள், நோவாள், ஒக்லாள், மில்காள், திர்சாள் என்பவர்கள் வந்து, | எண் 26:33 எண் 36:1-12 யோசு 17:3-6 1நாளா 7:15 கலா 3:28 |
| 2 | ஆசரிப்புக் கூடாரவாசலிலே மோசேக்கும், ஆசாரியனாகிய எலெயாசாருக்கும், பிரபுக்களுக்கும், சபையனைத்திற்கும் முன்பாக நின்று: | எண் 15:33 எண் 15:34 யாத் 18:13 யாத் 18:14 யாத் 18:19-26 உபா 17:8-10 |
| 3 | எங்கள் தகப்பன் வனாந்தரத்தில் மரணமடைந்தார்; அவர் கர்த்தருக்கு விரோதமாகக் கூடின கோராகின் கூட்டத்தாரில் சேர்ந்தவர் அல்ல, தம்முடைய பாவத்தினாலே மரித்தார்; அவருக்குக் குமாரர் இல்லை. | எண் 14:35 எண் 26:64 எண் 26:65 |
| 4 | எங்கள் தகப்பனுக்குக் குமாரன் இல்லாததினாலே, அவருடைய பேர் அவருடைய வம்சத்தில் இல்லாமல் அற்றுப்போகலாமா? எங்கள் தகப்பனுடைய சகோதரருக்குள்ளே எங்களுக்குக் காணியாட்சி கொடுக்கவேண்டும் என்றார்கள். | யாத் 32:11 சங் 109:13 நீதி 13:9 |
| 5 | மோசே அவர்களுடைய நியாயத்தைக் கர்த்தருடைய சந்நிதியில் கொண்டு போனான். | எண் 15:34 யாத் 18:15-19 யாத் 25:22 லேவி 24:12 லேவி 24:13 யோபு 23:4 நீதி 3:5 நீதி 3:6 |
| 6 | அப்பொழுது கர்த்தர் மோசேயை நோக்கி: | சங் 68:5 சங் 68:6 கலா 3:28 |
| 7 | செலோபியாத்தின் குமாரத்திகள் சொல்லுகிறது சரிதான்; அவர்களுக்கு அவர்கள் தகப்பனுடைய சகோதரருக்குள்ளே சுதந்தரம் கொடுக்கவேண்டும்; அவர்கள் தகப்பன் பின்வைத்த சுதந்தரத்தை அவர்களுக்குக் கிடைக்கும்படி செய்வாயாக. | எண் 36:1 எண் 36:2 சங் 68:5 எரே 49:11 கலா 3:28 |
| 8 | மேலும் நீ இஸ்ரவேல் புத்திரரை நோக்கி: ஒருவன் குமாரன் இல்லாமல் மரித்தால், அவனுக்குரிய சுதந்தரத்தை அவன் குமாரத்திக்குக் கொடுக்கவேண்டும். |
| 9 | அவனுக்குக் குமாரத்தியும் இல்லாதிருந்தால், அவனுக்குரிய சுதந்தரத்தை அவன் சகோதரருக்குக் கொடுக்கவேண்டும். |
| 10 | அவனுக்குச் சகோதரரும் இல்லாதிருந்தால், அவனுக்குரிய சுதந்தரத்தை அவன் தகப்பனுடைய சகோதரருக்குக் கொடுக்கவேண்டும். |
| 11 | அவன் தகப்பனுக்குச் சகோதரர் இல்லாதிருந்தால், அவனுக்குரிய சுதந்தரத்தை அவன் வம்சத்திலே அவனுக்குக் கிட்டின உறவின் முறையானுக்குச் சுதந்தரமாகக் கொடுக்க வேண்டும்; இது, கர்த்தர் மோசேக்குக் கட்டளையிட்டபடியே, இஸ்ரவேல் புத்திரருக்கு நியாயவிதிப்பிரமாணமாய் இருக்கக்கடவது என்று சொல் என்றார். | லேவி 25:25 லேவி 25:49 ரூத் 4:3-6 எரே 32:8 |
| 12 | பின்பு கர்த்தர் மோசேயை நோக்கி: நீ இந்த அபாரீம் மலையில் ஏறி, நான் இஸ்ரவேல் புத்திரருக்குக் கொடுத்த தேசத்தைப் பார். | எண் 33:47 எண் 33:48 உபா 3:27 உபா 32:49 உபா 34:1-4 |
| 13 | நீ அதைப் பார்த்தபின்பு, உன் சகோதரனாகிய ஆரோன் சேர்க்கப்பட்டது போல, நீயும் உன் ஜனத்தாரிடத்தில் சேர்க்கப்படுவாய்; | எண் 31:2 ஆதி 25:8 ஆதி 25:17 |
| 14 | சபையார் வாக்குவாதம்பண்ணின சீன் வனாந்தரத்தில் தண்ணீருக்கடுத்த விஷயத்தில் அவர்கள் கண்களுக்கு முன்பாக என்னைப் பரிசுத்தம்பண்ணவேண்டிய நீங்கள் என் கட்டளையை மீறினீர்களே என்றார். இது சீன் வனாந்தரத்தில் காதேஸ் ஊர் அருகே உண்டான மேரிபாவின் தண்ணீருக்கடுத்த காரியமே. | எண் 20:8-13 உபா 1:37 உபா 32:51 உபா 32:52 சங் 106:32 சங் 106:33 |
| 15 | அப்பொழுது மோசே கர்த்தரை நோக்கி: |
| 16 | கர்த்தருடைய சபை மேய்ப்பன் இல்லாத மந்தையைப்போல் இராதபடிக்கு, | எண் 16:22 எபிரெ 12:9 |
| 17 | அந்தச் சபைக்கு முன்பாகப் போக்கும் வரத்துமாய் இருக்கும்படிக்கும், அவர்களைப் போகவும் வரவும் பண்ணும்படிக்கும், மாம்சமான யாவருடைய ஆவிகளுக்கும் தேவனாகிய கர்த்தர் ஒரு புருஷனை அவர்கள்மேல் அதிகாரியாக ஏற்படுத்தவேண்டும் என்றான். | உபா 31:2 1சாமு 8:20 1சாமு 18:13 2சாமு 5:2 1இரா 3:7 2நாளா 1:10 யோவா 10:3 யோவா 10:4 யோவா 10:9 |
| 18 | கர்த்தர் மோசேயை நோக்கி: ஆவியைப் பெற்றிருக்கிற புருஷனாகிய யோசுவா என்னும் நூனின் குமாரனை நீ தெரிந்துகொண்டு, அவன்மேல் உன் கையை வைத்து, | எண் 11:28 எண் 13:8 எண் 13:16 யாத் 17:9 உபா 3:28 உபா 31:7 உபா 31:8 உபா 31:23 உபா 34:9 |
| 19 | அவனை ஆசாரியனாகிய எலெயாசாருக்கும் சபையனைத்திற்கும் முன்பாக நிறுத்தி, அவர்கள் கண்களுக்கு முன்பாக அவனுக்குக் கட்டளைகொடுத்து, | உபா 31:7 லூக் 9:1-5 லூக் 10:2-11 அப் 20:28-31 கொலோ 4:17 1தீமோ 5:21 1தீமோ 6:13-17 2தீமோ 4:1-6 |
| 20 | இஸ்ரவேல் புத்திரராகிய சபையார் எல்லாரும் அவனுக்குக் கீழ்ப்படியும்படிக்கு, உன் கனத்தில் கொஞ்சம் அவனுக்குக் கொடு. | எண் 11:17 எண் 11:28 எண் 11:29 1சாமு 10:6 1சாமு 10:9 2இரா 2:9 2இரா 2:10 2இரா 2:15 1நாளா 29:23 1நாளா 29:25 |
| 21 | அவன் ஆசாரியனாகிய எலெயாசாருக்கு முன்பாக நிற்கக்கடவன்; அவனிமித்தம் அந்த ஆசாரியன் கர்த்தருடைய சந்நிதானத்தில் வந்து, ஊரீம் என்னும் நியாயத்தினாலே ஆலோசனை கேட்கக்கடவன்; அவருடைய கட்டளையின்படியே, அவனும் அவனோடேகூட இஸ்ரவேல் புத்திரராகிய சபையார் எல்லாரும் போகவும் அவருடைய கட்டளையின்படியே வரவும் வேண்டியது என்றார். | யோசு 9:14 நியா 1:1 நியா 20:18 நியா 20:23 நியா 20:26-28 1சாமு 22:10 1சாமு 23:9 1சாமு 28:6 1சாமு 30:7 |
| 22 | மோசே தனக்குக் கர்த்தர் கட்டளையிட்டபடியே யோசுவாவை அழைத்துக்கொண்டுபோய், அவனை ஆசாரியனாகிய எலெயாசாருக்கும் சபையனைத்திற்கும் முன்பாக நிறுத்தி, |
| 23 | அவன்மேல் தன் கைகளை வைத்து, கர்த்தர் தனக்குச் சொன்னபடியே அவனுக்குக் கட்டளைகொடுத்தான். | எண் 27:19 உபா 3:28 உபா 31:7 உபா 31:8 |
