| 1 | இஸ்ரவேலை ஆசீர்வதிப்பதே கர்த்தருக்குப் பிரியம் என்று பிலேயாம் கண்டபோது, அவன் முந்திச் செய்து வந்ததுபோல நிமித்தம் பார்க்கப் போகாமல், வனாந்தரத்திற்கு நேராகத் தன் முகத்தைத் திருப்பி, | எண் 22:13 எண் 23:20 எண் 31:16 1சாமு 24:20 1சாமு 26:2 1சாமு 26:25 வெளிப் 2:14 |
| 2 | தன் கண்களை ஏறெடுத்து, இஸ்ரவேல் தன் கோத்திரங்களின்படியே பாளயமிறங்கியிருக்கிறதைப் பார்த்தான்; தேவஆவி அவன்மேல் வந்தது. | எண் 24:5 எண் 2:2-34 எண் 23:9 எண் 23:10 உன்ன 6:4 உன்ன 6:10 |
| 3 | அப்பொழுது அவன் தன் வாக்கியத்தை எடுத்துரைத்து: பேயோரின் குமாரனாகிய பிலேயாம் சொல்லுகிறதாவது, கண் திறக்கப்பட்டவன் உரைக்கிறதாவது, | எண் 23:7 எண் 23:18 |
| 4 | தேவன் அருளும் வார்த்தைகளைக் கேட்டு, சர்வவல்லவரின் தரிசனத்தைக் கண்டு தாழவிழும்போது, கண்திறக்கப்பட்டவன் விளம்புகிறதாவது, | எண் 12:6 ஆதி 15:12 சங் 89:19 தானி 8:26 தானி 8:27 அப் 10:10 அப் 10:19 அப் 22:17 2கொரி 12:1-4 |
| 5 | யாக்கோபே, உன் கூடாரங்களும், இஸ்ரவேலே, உன் வாசஸ்தலங்களும் எவ்வளவு அழகானவைகள்! |
| 6 | அவைகள் பரவிப்போகிற ஆறுகளைப்போலவும், நதியோரத்திலுள்ள தோட்டங்களைப்போலவும், கர்த்தர் நாட்டின சந்தனமரங்களைப்போலவும், தண்ணீர் அருகே உள்ள கேதுரு விருட்சங்களைப்போலவும் இருக்கிறது. | ஆதி 2:8-10 ஆதி 13:10 உன்ன 4:12-15 உன்ன 6:11 ஏசா 58:11 எரே 31:12 யோவே 3:18 |
| 7 | அவர்களுடைய நீர்ச்சால்களிலிருந்து தண்ணீர் பாயும்; அவர்கள் வித்து திரளான தண்ணீர்களில் பரவும்; அவர்களுடைய ராஜா ஆகாகைப் பார்க்கிலும் உயருவான்; அவர்கள் ராஜ்யம் மேன்மையடையும். | சங் 68:26 நீதி 5:16-18 ஏசா 48:1 |
| 8 | தேவன் அவர்களை எகிப்திலிருந்து புறப்படப்பண்ணினார்; காண்டாமிருகத்துக்கொத்த பெலன் அவர்களுக்கு உண்டு; அவர்கள் தங்கள் சத்துருக்களாகிய ஜாதிகளைப் பட்சித்து, அவர்கள் எலும்புகளை நொறுக்கி, அவர்களைத் தங்கள் அம்புகளாலே எய்வார்கள். | எண் 21:5 எண் 23:22 |
| 9 | சிங்கம்போலவும் துஷ்ட சிங்கம்போலவும் மடங்கிப் படுத்துக்கொண்டிருக்கிறார்கள்; அவர்களை எழுப்புகிறவன் யார்? உங்களை ஆசீர்வதிக்கிறவன் ஆசீர்வதிக்கப்பட்டவன், உங்களைச் சபிக்கிறவன் சபிக்கப்பட்டவன் என்றான். | ஆதி 49:9 யோபு 38:39 யோபு 38:40 |
| 10 | அப்பொழுது பாலாக் பிலேயாமின்மேல் கோபம் மூண்டவனாகி, கையோடே கைதட்டி, பிலேயாமை நோக்கி: என் சத்துருக்களைச் சபிக்க உன்னை அழைத்தனுப்பினேன்; நீயோ இந்த மூன்றுமுறையும் அவர்களை ஆசீர்வதிக்கவே ஆசீர்வதித்தாய். | யோபு 27:23 எசே 21:14 எசே 21:17 எசே 22:13 |
| 11 | ஆகையால் உன் இடத்துக்கு ஓடிப்போ; உன்னை மிகவும் கனம்பண்ணுவேன் என்றேன்; நீ கனமடையாதபடிக்குக் கர்த்தர் தடுத்தார் என்றான். | எண் 22:17 எண் 22:37 |
| 12 | அப்பொழுது பிலேயாம் பாலாகை நோக்கி: பாலாக் எனக்குத் தன் வீடு நிறைய வெள்ளியும் பொன்னும் கொடுத்தாலும், நான் என் மனதாய் நன்மையாகிலும் தீமையாகிலும் செய்கிறதற்குக் கர்த்தரின் கட்டளையை மீறக்கூடாது; கர்த்தர் சொல்வதையே சொல்வேன் என்று, | எண் 22:18 எண் 22:38 |
| 13 | நீர் என்னிடத்திற்கு அனுப்பின ஸ்தானாபதிகளிடத்தில் நான் சொல்லவில்லையா? |
| 14 | இதோ, நான் என் ஜனத்தாரிடத்திற்குப் போகிறேன்; பிற்காலத்திலே இந்த ஜனங்கள் உம்முடைய ஜனங்களுக்குச் செய்வது இன்னதென்று உமக்குத் தெரிவிப்பேன் வாரும் என்று சொல்லி, | எண் 24:17 எண் 31:7-18 மீகா 6:5 வெளிப் 2:10 வெளிப் 2:14 |
| 15 | அவன் தன் வாக்கியத்தை எடுத்துரைத்து: பேயோரின் குமாரன் பிலேயாம் சொல்லுகிறதாவது, கண் திறக்கப்பட்டவன் உரைக்கிறதாவது, | எண் 24:3 எண் 24:4 எண் 23:7 எண் 23:18 யோபு 27:1 மத் 13:35 |
| 16 | தேவன் அருளும் வார்த்தைகளைக் கேட்டு, உன்னதமானவர் அளித்த அறிவை அறிந்து, சர்வவல்லவரின் தரிசனத்தைக் கண்டு, தாழவிழும்போது, கண் திறக்கப்பட்டவன் விளம்புகிறதாவது; | எண் 24:4 2சாமு 23:1 2சாமு 23:2 1கொரி 8:1 1கொரி 13:2 |
| 17 | அவரைக் காண்பேன், இப்பொழுது அல்ல; அவரைத் தரிசிப்பேன், சமீபமாய் அல்ல; ஒரு நட்சத்திரம் யாக்கோபிலிருந்து உதிக்கும், ஒரு செங்கோல் இஸ்ரவேலிலிருந்து எழும்பும்; அது மோவாபின் எல்லைகளை நொறுக்கி, சேத்புத்திரர் எல்லாரையும் நிர்மூலமாக்கும். | யோபு 19:25-27 சகரி 12:10 யூதா 1:11 யூதா 1:14 யூதா 1:15 வெளிப் 1:7 |
| 18 | ஏதோம் சுதந்தரமாகும், சேயீர் தன் சத்துருக்களுக்குச் சுதந்தரமாகும்; இஸ்ரவேல் பராக்கிரமஞ்செய்யும். | ஆதி 27:29 ஆதி 27:40 2சாமு 8:14 சங் 60:1 சங் 60:8-12 ஏசா 34:5 ஏசா 63:1 ஆமோ 9:12 |
| 19 | யாக்கோபிலிருந்து தோன்றும் ஒருவர் ஆளுகை செய்வார்; பட்டணங்களில் மீதியானவர்களை அழிப்பார் என்றான். | ஆதி 49:10 சங் 2:1-12 சங் 72:10 சங் 72:11 ஏசா 11:10 மீகா 5:2 மீகா 5:4 மத் 28:18 1கொரி 15:25 எபே 1:20-22 பிலிப் 2:10 பிலிப் 2:11 எபிரெ 1:8 1பேது 3:22 வெளிப் 19:16 |
| 20 | மேலும், அவன் அமலேக்கைப் பார்த்து, தன் வாக்கியத்தை எடுத்துரைத்து: அமலேக்கு முந்தியெழும்பினவன்; ஆனாலும் அவன் முடிவில் முற்றிலும் நாசமாவான் என்றான். | யாத் 17:8 யாத் 17:16 |
| 21 | அன்றியும் அவன் கேனியனைப் பார்த்து, தன் வாக்கியத்தை எடுத்துரைத்து: உன் வாசஸ்தலம் அரணிப்பானது; உன் கூட்டைக் கன்மலையில் கட்டினாய். | ஆதி 15:19 நியா 1:16 யோபு 29:18 |
| 22 | ஆகிலும் கேனியன் அழிந்துபோவான்; அசூர் உன்னைச் சிறைபிடித்துக்கொண்டுபோக எத்தனை நாள் செல்லும் என்றான். | ஆதி 10:11 எஸ்றா 4:2 சங் 83:8 ஓசி 14:3 |
| 23 | பின்னும் அவன் தன் வாக்கியத்தை எடுத்துரைத்து: ஐயோ, தேவன் இதைச்செய்யும்போது யார் பிழைப்பான்; | எண் 23:23 2இரா 5:1 மல்கி 3:2 |
| 24 | சித்தீமின் கரைதுறையிலிருந்து கப்பல்கள் வந்து, அசூரைச் சிறுமைப்படுத்தி, ஏபேரையும் வருத்தப்படுத்தும்; அவனும் முற்றிலும் அழிந்துபோவான் என்றான். | ஆதி 10:4 ஏசா 23:1 தானி 7:19 தானி 7:20 தானி 8:5-8 தானி 8:21-8 தானி 10:20 தானி 11:30 |
| 25 | பின்பு பிலேயாம் எழுந்து புறப்பட்டு, தன் இடத்திற்குத் திரும்பினான்; பாலாகும் தன் வழியே போனான். | எண் 24:11 எண் 31:8 யோசு 13:22 |
