| 1 | பிலேயாம் பாலாகை நோக்கி: நீர் இங்கே எனக்கு ஏழு பலிபீடங்களைக் கட்டி, ஏழு காளைகளையும் ஏழு ஆட்டுக்கடாக்களையும் இங்கே எனக்கு ஆயத்தப்படுத்தும் என்றான். | எண் 23:29 எசே 33:31 யூதா 1:11 |
| 2 | பிலேயாம் சொன்னபடியே பாலாக் செய்தான்; பாலாகும் பிலேயாமும் ஒவ்வொரு பீடத்தில் ஒவ்வொரு காளையையும் ஒவ்வொரு ஆட்டுக்கடாவையும் பலியிட்டார்கள். | எண் 23:14 எண் 23:30 |
| 3 | பின்பு பிலேயாம் பாலாகை நோக்கி: உம்முடைய சர்வாங்கதகனபலியண்டையில் நில்லும், நான் போய்வருகிறேன்; கர்த்தர் வந்து என்னைச் சந்திக்கிறதாயிருக்கும்; அவர் எனக்கு வெளிப்படுத்துவதை உமக்கு அறிவிப்பேன் என்று சொல்லி, ஒரு மேட்டின்மேல் ஏறினான். | ஆதி 8:20 ஆதி 22:2 ஆதி 22:7 ஆதி 22:8 ஆதி 22:13 யாத் 18:12 லேவி 1:1 |
| 4 | தேவன் பிலேயாமைச் சந்தித்தார்; அப்பொழுது அவன் அவரை நோக்கி: நான் ஏழு பலிபீடங்களை ஆயத்தம்பண்ணி, ஒவ்வொரு பலிபீடத்தில் ஒவ்வொரு காளையையும் ஒவ்வொரு ஆட்டுக்கடாவையும் பலியிட்டேன் என்றான். | எண் 23:16 எண் 22:9 எண் 22:20 |
| 5 | கர்த்தர் பிலேயாமின் வாயிலே வாக்கு அருளி: நீ பாலாகினிடத்தில் திரும்பிப் போய், இவ்விதமாய்ச் சொல்லக்கடவாய் என்றார். | எண் 23:16 எண் 22:35 உபா 18:18 நீதி 16:1 நீதி 16:9 ஏசா 51:16 ஏசா 59:21 எரே 1:9 லூக் 12:12 யோவா 11:51 |
| 6 | அவனிடத்துக்கு அவன் திரும்பிப்போனான்; பாலாக் மோவாபுடைய சகல பிரபுக்களோடுங்கூட தன் சர்வாங்கதகனபலியண்டையிலே நின்று கொண்டிருந்தான். |
| 7 | அப்பொழுது அவன் தன் வாக்கியத்தை எடுத்துரைத்து: மோவாபின் ராஜாவாகிய பாலாக் என்னைக் கிழக்கு மலைகளிலுள்ள ஆராமிலிருந்து வரவழைத்து: நீ வந்து எனக்காக யாக்கோபைச் சபிக்கவேண்டும்; நீ வந்து இஸ்ரவேலை வெறுத்துவிடவேண்டும் என்று சொன்னான். | எண் 23:18 எண் 24:3 எண் 24:15 எண் 24:23 யோபு 27:1 யோபு 29:1 சங் 78:2 எசே 17:2 எசே 20:49 மீகா 2:4 ஆபகூ 2:6 மத் 13:33 மத் 13:35 மாற் 12:12 |
| 8 | தேவன் சபிக்காதவனை நான் சபிப்பதெப்படி? கர்த்தர் வெறுக்காதவனை நான் வெறுப்பதெப்படி? | எண் 23:20 எண் 23:23 ஏசா 44:25 ஏசா 47:12 ஏசா 47:13 |
| 9 | கன்மலையுச்சியிலிருந்து நான் அவனைக் கண்டு, குன்றுகளிலிருந்து அவனைப் பார்க்கிறேன்; அந்த ஜனங்கள் ஜாதிகளோடே கலவாமல் தனியே வாசமாயிருப்பார்கள். | யாத் 19:5 யாத் 19:6 யாத் 33:16 உபா 33:28 எஸ்தர் 3:8 2கொரி 6:17 தீத் 2:14 1பேது 2:9 |
| 10 | யாக்கோபின் தூளை எண்ணத்தக்கவன் யார்? இஸ்ரவேலின் காற்பங்கை எண்ணுகிறவன் யார்? நீதிமான் மரிப்பதுபோல் நான் மரிப்பேனாக, என் முடிவு அவன் முடிவுபோல் இருப்பதாக என்றான். | ஆதி 13:16 ஆதி 22:17 ஆதி 28:14 |
| 11 | அப்பொழுது பாலாக் பிலேயாமை நோக்கி: நீர் எனக்கு என்ன செய்தீர்; என் சத்துருக்களைச் சபிக்கும்படி உம்மை அழைப்பித்தேன்; நீர் அவர்களை ஆசீர்வதிக்கவே ஆசீர்வதித்தீர் என்றான். | எண் 23:7 எண் 23:8 எண் 22:11 எண் 22:17 எண் 24:10 சங் 109:17-20 |
| 12 | அதற்கு அவன்: கர்த்தர் என் வாயில் அருளினதையே சொல்வது என் கடமையல்லவா என்றான். | எண் 23:20 எண் 23:26 எண் 22:38 எண் 24:13 நீதி 26:25 ரோம 16:18 தீத் 1:16 |
| 13 | பின்பு பாலாக் அவனை நோக்கி: நீர் அவர்களைப் பார்க்கத்தக்க வேறொரு இடத்திற்கு என்னோடேகூட வாரும்; அங்கே அவர்கள் எல்லாரையும் பாராமல், அவர்களுடைய கடைசிப் பாளயத்தை மாத்திரம் பார்ப்பீர்; அங்கேயிருந்து எனக்காக அவர்களைச் சபிக்கவேண்டும் என்று சொல்லி, | 1இரா 20:23 1இரா 20:28 மீகா 6:5 |
| 14 | அவனைப் பிஸ்காவின் கொடுமுடியில் இருக்கிற சோப்பீமின் வெளியிலே அழைத்துக்கொண்டுபோய், ஏழு பலிபீடங்களைக் கட்டி, ஒவ்வொரு பீடத்தில் ஒவ்வொரு காளையையும் ஒவ்வொரு ஆட்டுக்கடாவையும் பலியிட்டான். | எண் 21:20 உபா 3:27 உபா 4:49 உபா 34:1 |
| 15 | அப்பொழுது பிலேயாம் பாலாகை நோக்கி: இங்கே உம்முடைய சர்வாங்கதகனபலியண்டையில் நில்லும்; நான் அங்கே போய்க் கர்த்தரைச் சந்தித்துவருகிறேன் என்றான். | எண் 23:3 எண் 22:8 |
| 16 | கர்த்தர் பிலேயாமைச் சந்தித்து, அவன் வாயிலே வசனத்தை அருளி; நீ பாலாகினிடத்திற்குத் திரும்பிப்போய், இவ்விதமாய்ச் சொல்லக்கடவாய் என்றார். | எண் 23:5 எண் 22:35 எண் 24:1 |
| 17 | அவனிடத்திற்கு அவன் வருகிறபோது, அவன் மோவாபின் பிரபுக்களோடுங்கூடத் தன்னுடைய சர்வாங்கதகனபலியண்டையிலே நின்று கொண்டிருந்தான்; பாலாக் அவனை நோக்கி: கர்த்தர் என்ன சொன்னார் என்று கேட்டான். | எண் 23:26 1சாமு 3:17 எரே 37:17 |
| 18 | அப்பொழுது அவன் தன் வாக்கியத்தை எடுத்துரைத்து: பாலாகே, எழுந்திருந்து கேளும்; சிப்போரின் குமாரனே, எனக்குச் செவிகொடும். | நியா 3:20 |
| 19 | பொய் சொல்ல தேவன் ஒரு மனிதன் அல்ல; மனம்மாற அவர் ஒரு மனுபுத்திரனும் அல்ல; அவர் சொல்லியும் செய்யாதிருப்பாரா? அவர் வசனித்தும் நிறைவேற்றாதிருப்பாரா? | 1சாமு 15:29 சங் 89:35 ஆபகூ 2:3 மல்கி 3:6 லூக் 21:33 ரோம 11:29 தீத் 1:2 எபிரெ 6:18 யாக் 1:17 |
| 20 | இதோ, ஆசீர்வதிக்கக் கட்டளைபெற்றேன்; அவர் ஆசீர்வதிக்கிறார், அதை நான் திருப்பக்கூடாது. | எண் 22:12 ஆதி 12:2 ஆதி 22:17 |
| 21 | அவர் யாக்கோபிலே அக்கிரமத்தைக் காண்கிறதும் இல்லை, இஸ்ரவேலிலே குற்றம் பார்க்கிறதும் இல்லை; அவர்களுடைய தேவனாகிய கர்த்தர் அவர்களோடே இருக்கிறார்; ராஜாவின் ஜயகெம்பீரம் அவர்களுக்குள்ளே இருக்கிறது. | சங் 103:12 ஏசா 1:18 ஏசா 38:17 எரே 50:20 ஓசி 14:2-4 மீகா 7:18-20 ரோம 4:7 ரோம 4:8 ரோம 6:14 ரோம 8:1 2கொரி 5:19 |
| 22 | தேவன் அவர்களை எகிப்திலிருந்து புறப்படப்பண்ணினார்; காண்டாமிருகத்துக்கொத்த பெலன் அவர்களுக்கு உண்டு. | எண் 22:5 எண் 24:8 யாத் 9:16 யாத் 14:18 யாத் 20:2 சங் 68:35 |
| 23 | யாக்கோபுக்கு விரோதமான மந்திரவாதம் இல்லை, இஸ்ரவேலுக்கு விரோதமான குறிசொல்லுதலும் இல்லை; தேவன் என்னென்ன செய்தார் என்று கொஞ்சக்காலத்திலே யாக்கோபையும் இஸ்ரவேலையும் குறித்துச் சொல்லப்படும். | எண் 22:6 எண் 24:1 ஆதி 3:15 மத் 12:25 மத் 12:27 மத் 16:18 லூக் 10:18 லூக் 10:19 ரோம 16:20 வெளிப் 12:9 |
| 24 | அந்த ஜனம் துஷ்ட சிங்கம்போல எழும்பும், பால சிங்கம்போல நிமிர்ந்து நிற்கும்; அது தான் பிடித்த இரையைப்பட்சித்து, வெட்டுண்டவர்களின் இரத்தத்தைக் குடிக்குமட்டும் படுத்துக்கொள்வதில்லை என்றான். | எண் 24:8 எண் 24:9 ஆதி 49:9 உபா 33:20 சங் 17:12 நீதி 30:30 ஏசா 31:4 ஆமோ 3:8 வெளிப் 5:5 |
| 25 | அப்பொழுது பாலாக் பிலேயாமை நோக்கி: நீர் அவர்களைச் சபிக்கவும் வேண்டாம், அவர்களை ஆசீர்வதிக்கவும் வேண்டாம் என்றான். | சங் 2:1-3 |
| 26 | அதற்குப் பிலேயாம் பாலாகைப் பார்த்து: கர்த்தர் சொல்லுகிறபடியெல்லாம் செய்வேன் என்று உம்மோடே நான் சொல்லவில்லையா என்றான். | எண் 23:12 எண் 23:13 எண் 22:18 எண் 22:38 எண் 24:12 எண் 24:13 1இரா 22:14 2நாளா 18:13 அப் 4:19 அப் 4:20 அப் 5:29 |
| 27 | அப்பொழுது பாலாக் பிலேயாமை நோக்கி: வாரும், வேறொரு இடத்திற்கு உம்மை அழைத்துக்கொண்டு போகிறேன்; நீர் அங்கேயிருந்தாவது எனக்காக அவர்களைச் சபிக்கிறது தேவனுக்குப் பிரியமாயிருக்கும் என்று சொல்லி, | எண் 23:19 எண் 23:20 யோபு 23:13 நீதி 19:21 நீதி 21:30 ஏசா 14:27 ஏசா 46:10 ஏசா 46:11 மல்கி 3:6 ரோம 11:29 |
| 28 | அவனை எஷிமோனுக்கு எதிராயிருக்கிற பேயோரின் கொடுமுடிக்கு அழைத்துக்கொண்டு போனான். | எண் 21:20 |
| 29 | அப்பொழுது பிலேயாம் பாலாகை நோக்கி: இங்கே எனக்கு ஏழு பலிபீடங்களைக் கட்டி, இங்கே எனக்கு ஏழு காளைகளையும் ஏழு ஆட்டுக்கடாக்களையும் ஆயத்தம்பண்ணும் என்றான். | எண் 23:1 எண் 23:2 |
| 30 | பிலேயாம் சொன்னபடி பாலாக் செய்து, ஒவ்வொரு பீடத்தில் ஒவ்வொரு காளையையும் ஒவ்வொரு ஆட்டுக்கடாவையும் பலியிட்டான். |
