1	கர்த்தர் சொல்லுகிறது என்னவென்றால்: இதோ, நான் பாபிலோனுக்கு விரோதமாகவும், எனக்கு விரோதமாய் எழும்புகிறவர்களின் மத்தியில் குடியிருந்தவர்களுக்கு விரோதமாகவும் அழிக்கும் காற்றை எழும்பப்பண்ணி,	எரே 50:9 எரே 50:14-16 எரே 50:21-16 ஏசா 13:3-5 ஆமோ 3:6
2	தூற்றுவாரைப் பாபிலோனுக்கு அனுப்புவேன்; அவர்கள் அதைத்தூற்றி, வெறுமையாக்கிப்போடுவார்கள்; ஆபத்து நாளிலே அதற்கு விரோதமாய்ச் சூழ்ந்து கொண்டிருப்பார்கள்.	எரே 15:7 ஏசா 41:16 எசே 5:12 மத் 3:12
3	வில்லை நாணேற்றுகிறவனுக்கு விரோதமாகவும், தன் கவசத்தில் பெருமைபாராட்டுகிறவனுக்கு விரோதமாகவும், வில்வீரன் தன் வில்லை நாணேற்றக்கடவன்; அதின் வாலிபரைத் தப்பவிடாமல் அதின் சேனையை எல்லாம் சங்காரம்பண்ணுங்கள்.	எரே 50:14 எரே 50:41 எரே 50:42
4	குத்திப்போடப்பட்டவர்கள் கல்தேயரின் தேசத்திலும், கொலை செய்யப்பட்டவர்கள் அதின் வீதிகளிலும் விழுவார்கள்.	எரே 49:26 எரே 50:30 எரே 50:37 ஏசா 13:15 ஏசா 14:19
5	அவர்கள் தேசம் இஸ்ரவேலின் பரிசுத்தருக்கு விரோதமாகச் செய்த அக்கிரமத்தினால் நிறைந்திருந்தும் யூதா தன் தேவனாலும் இஸ்ரவேல் சேனைகளின் கர்த்தராலும் கைவிடப்படவில்லை.	எரே 33:24-26 எரே 46:28 எரே 50:4 எரே 50:5 எரே 50:20 1சாமு 12:22 1இரா 6:13 எஸ்றா 9:9 சங் 94:14 ஏசா 44:21 ஏசா 49:14 ஏசா 49:15 ஏசா 54:3-11 ஏசா 62:12 ஓசி 1:10 ஆமோ 9:8 ஆமோ 9:9 ரோம 11:1 ரோம 11:2
6	நீங்கள் பாபிலோனின் அக்கிரமத்தில் சங்காரமாகாதபடிக்கு அதின் நடுவிலிருந்து ஓடி, அவரவர் தங்கள் ஆத்துமாவைத் தப்பிவியுங்கள்; இது கர்த்தர் அதினிடத்தில் பழிவாங்குகிற காலமாயிருக்கிறது; அவர் அதற்குப் பதில் செலுத்துவார்.	எரே 51:9 எரே 51:45 எரே 51:50 எரே 50:8 எரே 50:28 ஏசா 48:20 சகரி 2:6 சகரி 2:7 வெளிப் 18:4
7	பாபிலோன் கர்த்தருடைய கையிலுள்ள பொற்பாத்திரம்; அது பூமி அனைத்தையும் வெறிக்கப்பண்ணினது; அதின் மதுவை ஜாதிகள் குடித்தார்கள்; ஆகையால் ஜாதிகள் புத்திமயங்கிப்போனார்கள்.	ஏசா 14:4 தானி 2:32 தானி 2:38 வெளிப் 17:4
8	பாபிலோன் சடிதியில் விழுந்து தகர்ந்தது; அதற்காக அலறுங்கள்; அதின் நோவை ஆற்றப் பிசின் தைலம் போடுங்கள்; ஒருவேளை குணமாகும்.	எரே 51:41 எரே 50:2 ஏசா 21:9 ஏசா 47:9 வெளிப் 14:8 வெளிப் 18:2 வெளிப் 18:8
9	பாபிலோனைக் குணமாக்கும்படிப் பார்த்தோம், அது குணமாகவில்லை; அதை விட்டுவிடுங்கள்; நாம் அவரவர் நம்முடைய தேசங்களுக்குப் போகக்கடவோம்; அதின் ஆக்கினை வானமட்டும் ஏறி ஆகாய மண்டலங்கள் பரியந்தம் எட்டினது.	எரே 8:20 எரே 46:16 எரே 46:21 எரே 50:16 ஏசா 13:14 ஏசா 47:15 மத் 25:10-13
10	கர்த்தர் நம்முடைய நீதியை வெளிப்படுத்தினார்; நம்முடைய தேவனாகிய கர்த்தரின் செயலைச் சீயோனில் விவரிப்போம் வாருங்கள்.	சங் 37:6 மீகா 7:9 மீகா 7:10
11	அம்புகளைத் துலக்குங்கள்; கேடகங்களை நன்றாய்ச் செப்பனிடுங்கள்; கர்த்தர் மேதியருடைய ராஜாக்களின் ஆவியை எழுப்பினார்; பாபிலோனை அழிக்கவேண்டுமென்பதே அவருடைய நினைவு; இது கர்த்தர் வாங்கும் பழி, இது தமது ஆலயத்துக்காக அவர் வாங்கும் பழி.	எரே 46:4 எரே 46:9 எரே 50:9 எரே 50:14 எரே 50:25 எரே 50:28 எரே 50:29 ஏசா 21:5
12	பாபிலோனின் மதில்கள்மேல் கொடியேற்றுங்கள், காவலைப் பலப்படுத்துங்கள், ஜாமங் காக்கிறவர்களை நிறுத்துங்கள், பதிவிருப்பாரை வையுங்கள்; ஆனாலும் கர்த்தர் எப்படி நினைத்தாரோ அப்படியே தாம் பாபிலோனின் குடிகளுக்கு விரோதமாகச் சொன்னதைச் செய்வார்.	எரே 46:3-5 நீதி 21:30 ஏசா 8:9 ஏசா 8:10 ஏசா 13:2 யோவே 3:2 யோவே 3:9-14 நாகூ 2:1 நாகூ 3:14 நாகூ 3:15
13	திரளான தண்ணீர்களின்மேல் வாசம்பண்ணுகிறவளே, திரண்ட சம்பத்துடையவளே, உனக்கு முடிவும் உன் பொருளாசைக்கு ஒழிவும் வந்தது.	எரே 51:36 வெளிப் 17:1 வெளிப் 17:15
14	மெய்யாகவே, பச்சைக்கிளிகளைப்போல் திரளான மனுஷரால் உன்னை நிரம்பப்பண்ணுவேன்; அவர்கள் உன்மேல் ஆரவாரம்பண்ணுவார்கள் என்று சேனைகளின் கர்த்தர் தம்முடைய ஜீவனைக்கொண்டு ஆணையிட்டார்.	எரே 49:13 ஆமோ 6:8 எபிரெ 6:13
15	அவர் பூமியைத் தமது வல்லமையினால் உண்டாக்கி, பூச்சக்கரத்தைத் தமது ஞானத்தினால் படைத்து, வானத்தைத் தமது பேரறிவினால் விரித்தார்.	எரே 10:12-16 எரே 32:17 ஆதி 1:1-6 சங் 107:25 சங் 146:5 சங் 146:6 சங் 148:1-5 ஏசா 40:26 அப் 14:15 அப் 17:24 ரோம 1:20 கொலோ 1:16 கொலோ 1:17 எபிரெ 1:2 எபிரெ 1:3 வெளிப் 4:11
16	அவர் சத்தமிடுகையில் திரளான தண்ணீர் வானத்தில் உண்டாகிறது; அவர் பூமியின் எல்லைகளிலிருந்து மேகங்களை எழும்பப்பண்ணி, மழையுடனே மின்னல்களை உண்டாக்கி, காற்றைத் தமது பண்டசாலையிலிருந்து ஏவிவிடுகிறார்.	எரே 10:12 எரே 10:13 யோபு 37:2-11 யோபு 40:9 சங் 18:13 சங் 29:3-10 சங் 46:6 சங் 68:33 சங் 104:7 எசே 10:5
17	மனுஷர் அனைவரும் அறிவில்லாமல் மிருக குணமானார்கள்; தட்டார் அனைவரும் சுரூபங்களாலே வெட்கிப்போகிறார்கள்; அவர்கள் வார்ப்பித்த விக்கிரகம் பொய்யே, அவைகளில் சுவாசம் இல்லை.	எரே 10:14 சங் 14:2 சங் 53:1 சங் 53:2 சங் 92:5 சங் 92:6 சங் 115:5 சங் 115:8 சங் 135:18 ஏசா 44:18-20 ரோம 1:20-23 1கொரி 1:19-21
18	அவைகள் மாயையும் மகா எத்துமான கிரியையாயிருக்கிறது; அவைகள் விசாரிக்கப்படும் நாளிலே அழியும்.	எரே 10:8 எரே 10:15 யோனா 2:8 அப் 14:15
19	யாக்கோபின் பங்காயிருக்கிறவர் அவைகளைப்போல அல்ல, அவர் சர்வத்தையும் உண்டாக்கினவர்; இஸ்ரவேல் அவருடைய சுதந்தரமான கோத்திரம்; சேனைகளின் கர்த்தர் என்பது அவருடைய நாமம்.	எரே 10:16 சங் 16:5 சங் 73:26 சங் 115:3 புலம் 3:24
20	நீ எனக்கு தண்டாயுதம் அஸ்திராயுதமுமானவன்; நான் உன்னைக்கொண்டு ஜாதிகளை நொறுக்குவேன்; உன்னைக்கொண்டு ராஜ்யங்களை அழிப்பேன்.	எரே 50:23 ஏசா 10:5 ஏசா 10:15 ஏசா 13:5 ஏசா 14:5 ஏசா 14:6 ஏசா 37:26 ஏசா 41:15 ஏசா 41:16 மீகா 4:13 சகரி 9:13 சகரி 9:14 மத் 22:7
21	உன்னைக்கொண்டு குதிரையையும், குதிரை வீரனையும் நொறுக்குவேன்; உன்னைக்கொண்டு இரதத்தையும் இரதவீரனையும் நொறுக்குவேன்.	எரே 50:37 யாத் 15:1 யாத் 15:21 சங் 46:9 சங் 76:6 எசே 39:20 மீகா 5:10 நாகூ 2:13 ஆகா 2:22 சகரி 10:5 சகரி 12:4 வெளிப் 19:18
22	உன்னைக்கொண்டு புருஷனையும் ஸ்திரீயையும் நொறுக்குவேன்; உன்னைக்கொண்டு கிழவனையும் இளைஞனையும் நொறுக்குவேன்; உன்னைக்கொண்டு வாலிபனையும் கன்னிகையையும் நொறுக்குவேன்.	எரே 6:11 உபா 32:25 1சாமு 15:3 2நாளா 36:17 ஏசா 20:4 புலம் 2:11 எசே 9:6
23	உன்னைக்கொண்டு மேய்ப்பனையும் அவனுடைய மந்தையையும் நொறுக்குவேன்; உன்னைக்கொண்டு உழவனையும் அவனுடைய உழவுகாளைகளையும் நொறுக்குவேன்; உன்னைக்கொண்டு அதிபதிகளையும் அதிகாரிகளையும் நொறுக்குவேன்.
24	பாபிலோனுக்கும் கல்தேயர் தேசத்தின் சகல குடிகளுக்கும், அவர்கள் உங்கள் கண்களுக்கு முன்பாகச் சீயோனில் செய்த அவர்களுடைய எல்லாப் பொல்லாப்புக்காகவும் பழிவாங்குவேன் என்று கர்த்தர் சொல்லுகிறார்.	எரே 51:11 எரே 51:35 எரே 51:49 எரே 50:15 எரே 50:17 எரே 50:18 எரே 50:28 எரே 50:29 எரே 50:33 எரே 50:34 சங் 137:8 சங் 137:9 ஏசா 47:6-9 ஏசா 51:22 ஏசா 51:23 ஏசா 61:2 ஏசா 63:1-4 ஏசா 66:6 1தெச 2:15 1தெச 2:16 வெளிப் 6:10 வெளிப் 18:20 வெளிப் 18:24 வெளிப் 19:2-4
25	இதோ, பூமியை எல்லாம் கெடுக்கிற கேடான பர்வதமே, நான் உனக்கு விரோதமாக வந்து, என் கையை உனக்கு விரோதமாக நீட்டி, உன்னைக் கன்மலைகளிலிருந்து உருட்டி, உன்னை எரிந்துபோன பர்வதமாக்கிப்போடுவேன் என்று கர்த்தர் சொல்லுகிறார்.	எரே 50:31
26	மூலைக்கல்லுக்காகிலும் அஸ்திபாரக்கல்லுக்காகிலும் ஒரு கல்லையும் உன்னிலிருந்து எடுக்கமாட்டார்கள்; நீ என்றென்றைக்கும் பாழாய்க்கிடக்கிற ஸ்தலமாவாய் என்று கர்த்தர் சொல்லுகிறார்.	எரே 51:37 எரே 51:43 எரே 50:12 எரே 50:13 ஏசா 13:19-22 ஏசா 14:23
27	தேசத்திலே கொடியேற்றுங்கள்; ஜாதிகளுக்குள் எக்காளம் ஊதுங்கள்; ஜாதிகளை அதற்கு விரோதமாக ஆயத்தப்படுத்துங்கள்; ஆரராத், மின்னி, அஸ்கெனாஸ் என்னும் ராஜ்யங்களை அதற்கு விரோதமாக வரக்கூப்பிடுங்கள்; அதற்கு விரோதமாகத் தளகர்த்தனுக்குப் பட்டங்கட்டுங்கள்; சுணையுள்ள வெட்டுக்கிளிகள்போன்ற குதிரைகளை வரப்பண்ணுங்கள்.	எரே 51:12 எரே 6:1 எரே 50:2 எரே 50:41 ஏசா 13:2-5 ஏசா 18:3 ஆமோ 3:6 சகரி 14:2
28	மேதியாதேசத்தின் ராஜாக்களும் அதின் தலைவரும் அதின் சகல அதிகாரிகளும் அவரவருடைய ராஜ்யபாரத்துக்குக் கீழான சகல தேசத்தாருமாகிய ஜாதிகளை அதற்கு விரோதமாக ஆயத்தப்படுத்துங்கள்.	எரே 51:11 எரே 25:25 ஆதி 10:2 1நாளா 1:5
29	அப்பொழுது தேசம் அதிர்ந்து வேதனைப்படும்; பாபிலோன் தேசத்தைக் குடியில்லாதபடிப் பாழாக்க, பாபிலோனுக்கு விரோதமாய்க் கர்த்தர் நினைத்தவைகள் நிலைக்கும்.	எரே 8:16 எரே 10:10 எரே 50:36 எரே 50:43 ஏசா 13:13 ஏசா 13:14 ஏசா 14:16 யோவே 2:10 ஆமோ 8:8
30	பாபிலோன் பராக்கிரம்சாலிகள் யுத்தம்பண்ணாமல், கோட்டைகளில் இருந்துவிட்டார்கள்; அவர்கள் பராக்கிரமம் அழிந்து பேடிகளானார்கள்; அதின் வாசஸ்தலங்களைக் கொளுத்திப்போட்டார்கள்; அதின் தாழ்ப்பாள்கள் உடைக்கப்பட்டது.	எரே 51:32 எரே 51:57 எரே 48:41 எரே 50:36 எரே 50:37 சங் 76:5 ஏசா 13:7 ஏசா 13:8 ஏசா 19:16 நாகூ 3:13 வெளிப் 18:10
31	கடையாந்தர முனைதுவக்கி அவனுடைய பட்டணம் பிடிபட்டது என்றும், துறைவழிகள் அகப்பட்டுப்போய், நாணல்கள் அக்கினியால் சுட்டெரிக்கப்பட்டது என்றும், யுத்தமனுஷர் கலங்கியிருக்கிறார்கள் என்றும் பாபிலோன் ராஜாவுக்கு அறிவிக்க,	எரே 4:20 எரே 50:24 1சாமு 4:12-18 2சாமு 18:19-31 2நாளா 30:6 எஸ்தர் 3:13-15 எஸ்தர் 8:10 எஸ்தர் 8:14 யோபு 9:25
32	அஞ்சற்காரன்மேல் அஞ்சற்காரனும் தூதன்மேல் தூதனும் ஓடுகிறான்.	எரே 50:38 ஏசா 44:27
33	பாபிலோன் குமாரத்தி மிதிக்கப்படுங் களத்துக்குச் சமானம்; அதைப் போரடிக்குங் காலம்வந்தது; இன்னும் கொஞ்சக்காலத்திலே அறுப்புக்காலம் அதற்கு வரும் என்று இஸ்ரவேலின் தேவனாகிய சேனைகளின் கர்த்தர் சொல்லுகிறார்.	ஏசா 21:10 ஏசா 41:15 ஏசா 41:16 ஆமோ 1:3 மீகா 4:13 ஆபகூ 3:12
34	பாபிலோன் ராஜாவாகிய நேபுகாத்நேச்சார் என்னைப் பட்சித்தான், என்னைக் கலங்கடித்தான், என்னை வெறும் பாத்திரமாக வைத்துப்போனான்; வலுசர்ப்பம்போல என்னை விழுங்கி, என் சுவையுள்ள பதார்த்தங்களால் தன் வயிற்றை நிரப்பினான், என்னைத் துரத்திவிட்டான்.	எரே 51:49 எரே 39:1-8 எரே 50:7 எரே 50:17 புலம் 1:1 புலம் 1:14 புலம் 1:15
35	எனக்கும் என் இனத்தாருக்கும் செய்த கொடுமையின் பழி பாபிலோன்மேல் வரக்கடவதென்று சீயோனில் வாசமானவள் சொல்லுகிறாள்; என் இரத்தப்பழி கல்தேயர் தேசத்துக் குடிகளின்மேல் வரக்கடவதென்று எருசலேம் என்பவளும் சொல்லுகிறாள்.	எரே 50:29 நியா 9:20 நியா 9:24 நியா 9:56 நியா 9:57 சங் 9:12 சங் 12:5 சங் 137:8 சங் 137:9 ஏசா 26:20 ஏசா 26:21 சகரி 1:15 மத் 7:2 யாக் 2:13 வெளிப் 6:10 வெளிப் 16:6 வெளிப் 18:6 வெளிப் 18:20
36	ஆகையால் கர்த்தர் சொல்லுகிறது என்னவென்றால்: இதோ, நான் உனக்காக வழக்காடி, உன் பழிக்குப் பழிவாங்கி, அதின் கடலை வறளவும் அதின் ஊற்றைச் சுவறவும்பண்ணுவேன்.	எரே 50:33 எரே 50:34 சங் 140:12 நீதி 22:23 நீதி 23:11 ஏசா 43:14 ஏசா 47:6-9 ஏசா 49:25 ஏசா 49:26 மீகா 7:8-10 ஆபகூ 2:8-17
37	அப்பொழுது பாபிலோன் குடியில்லாத மண்மேடுகளும், வலுசர்ப்பங்களின் தாபரமும், பாழும், ஈசல் போடப்படுதலுக்கு இடமுமாய்ப்போகும்.	எரே 51:25 எரே 51:26 எரே 51:29 எரே 25:9 எரே 25:12 எரே 25:18 எரே 50:12 எரே 50:13 எரே 50:23-26 எரே 50:38-40 ஏசா 13:19-22 ஏசா 14:23 ஏசா 34:8-17 வெளிப் 18:2 வெளிப் 18:21-23
38	ஏகமாய் அவர்கள் சிங்கங்களைப் போலக் கெர்ச்சித்து, சிங்கக்குட்டிகளைப்போலச் சத்தமிடுவார்கள்.	எரே 2:15 யோபு 4:10 யோபு 4:11 சங் 34:10 சங் 58:6 ஏசா 35:9 நாகூ 2:11-13 சகரி 11:3
39	அவர்கள் களிக்கும் சமயத்திலே நான்அவர்கள் குடிக்கும் பானத்தை அவர்களுக்குக் குடிக்கக்கொடுத்து, அவர்கள் துள்ளத்தக்கதாக அவர்களை வெறியாக்குவேன்; அதினால் அவர்கள் என்றென்றைக்கும் விழிக்காத நித்திரை அடைவார்கள் என்று கர்த்தர் சொல்லுகிறார்.	எரே 25:27 ஏசா 21:4 ஏசா 21:5 ஏசா 22:12-14 தானி 5:1-4 தானி 5:30-4 நாகூ 1:10 நாகூ 3:11
40	அவர்களை ஆட்டுக்குட்டிகளைப்போலவும், ஆட்டுக்கடாக்களைப்போலவும், வெள்ளாட்டுக்கடாக்களைப்போலவும் அடிக்கப்பட இறங்கிப்போகப்பண்ணுவேன்.	எரே 50:27 சங் 37:20 சங் 44:22 ஏசா 34:6 எசே 39:18
41	சேசாக்கு பிடியுண்டு, பூமிமுழுதும் புகழும் புகழ்ச்சி அகப்பட்டது எப்படி? ஜாதிகளுக்குள்ளே பாபிலோன் பிரமிப்பானது எப்படி?	எரே 25:26 தானி 5:1-3
42	சமுத்திரம் பாபிலோன்மேல் புரண்டுவந்தது; அதின் அலைகளின் திரட்சியினால் அது மூடப்பட்டது.	சங் 18:4 சங் 18:16 சங் 42:7 சங் 65:7 சங் 93:3 ஏசா 8:7 ஏசா 8:8 எசே 27:26-34 தானி 9:26 லூக் 21:25 வெளிப் 17:15 வெளிப் 17:16
43	அதின் பட்டணங்கள் பாழுமாய், வறட்சியும் வனாந்தரமுமான பூமியுமாய், ஒரு மனுஷனும் குடியிராததும் ஒரு மனுபுத்திரனும் கடவாததுமான நிலமுமாய்ப்போயிற்று.	எரே 51:29 எரே 51:37 எரே 50:39 எரே 50:40
44	நான் பாபிலோனில் இருக்கிற பேலைத் தண்டிப்பேன்; அது விழுங்கினதை அதின் வாயிலிருந்து கக்கப்பண்ணுவேன்; ஜாதிகள் இனி அதினிடத்திற்கு ஓடிவரமாட்டார்கள், பாபிலோனின் மதிலும் விழும்.	எரே 51:18 எரே 51:47 எரே 50:2 ஏசா 46:1 ஏசா 46:2
45	என் ஜனங்களே, நீங்கள் அதின் நடுவிலிருந்து புறப்படுங்கள்; கர்த்தருடைய கோபத்தின் உக்கிரத்துக்குத் தப்பும்படி அவனவன் தன்தன் ஆத்துமாவை இரட்சித்துக்கொள்ளக்கடவன்.	எரே 51:6 எரே 51:9 எரே 51:50 எரே 50:8 ஏசா 48:20 சகரி 2:7 வெளிப் 14:8-11 வெளிப் 18:4
46	உங்கள் இருதயம் துவளாமலும், தேசத்தில் கேட்கப்படும் செய்தியினால் நீங்கள் பயப்படாமலும் இருங்கள்; ஒரு வருஷத்திலே ஒரு செய்தி கேட்கப்பட்டு, பின்பு மறுவருஷத்திலே வேறு செய்தி கேட்கப்படும்; தேசத்திலே கொடுமை உண்டாகும்; ஆளுகிறவன்மேல் ஆளுகிறவன் வருவான்.	2இரா 19:7 மத் 24:6-8 மாற் 13:7 மாற் 13:8 லூக் 21:9-19 லூக் 21:28-19
47	ஆகையால், இதோ, நான் பாபிலோனின் விக்கிரகங்களை தண்டிக்கும் நாட்கள் வரும், அப்பொழுது அதின் தேசம் எல்லாம் கலங்கும்; அதில் கொலையுண்கிற யாவரும் அதின் நடுவில் விழுந்துகிடப்பார்கள்.	எரே 51:52 எரே 50:2 ஏசா 21:9 ஏசா 46:1 ஏசா 46:2
48	வானமும் பூமியும் அவைகளிலுள்ள யாவும் பாபிலோன்மேல் கெம்பீரிக்கும்; பாழ்க்கடிக்கிறவர்கள் அதற்கு வடக்கேயிருந்து வருவார்கள் என்று கர்த்தர் சொல்லுகிறார்.	எரே 51:10 சங் 58:10 சங் 58:11 நீதி 11:10 ஏசா 44:23 ஏசா 48:20 ஏசா 49:13 வெளிப் 15:1-4 வெளிப் 16:4-7 வெளிப் 18:20 வெளிப் 19:1-7
49	பாபிலோன் இஸ்ரவேலில் கொலையுண்டவர்களை விழப்பண்ணினதுபோல, பாபிலோனிலும் சமஸ்த தேசங்களிலும் கொலையுண்கிறவர்கள் விழுவார்கள்.	எரே 51:10 எரே 51:11 எரே 51:24 எரே 51:35 எரே 50:11 எரே 50:17 எரே 50:18 எரே 50:29 எரே 50:33 எரே 50:34 நியா 1:7 சங் 137:8 சங் 137:9 மத் 7:2 யாக் 2:13 வெளிப் 18:5 வெளிப் 18:6
50	பட்டயத்துக்குத் தப்பினவர்களே, தங்கித்தரியாமல் நடந்துவாருங்கள்; தூரத்திலே கர்த்தரை நினையுங்கள்; எருசலேம் உங்கள் ஞாபகத்தில் வரக்கடவது.	எரே 51:6 எரே 51:45 எரே 31:21 எரே 44:28 எரே 50:8 ஏசா 48:20 ஏசா 51:11 ஏசா 52:2 ஏசா 52:11 ஏசா 52:12 சகரி 2:7-9 வெளிப் 18:4
51	நிந்தையைக் கேட்டதினால் வெட்கப்பட்டோம்; கர்த்தருடைய ஆலயத்தின் பரிசுத்த ஸ்தலங்களின்மேல் அந்நியர் வந்ததினால் நாணம் நம்முடைய முகங்களை மூடிற்று.	எரே 3:22-25 எரே 31:19 சங் 74:18-21 சங் 79:4 சங் 79:12 சங் 123:3 சங் 123:4 சங் 137:1-3 புலம் 2:15-17 புலம் 5:1 எசே 36:30
52	ஆகையால், கர்த்தர் சொல்லுகிறது என்னவென்றால்: இதோ, நான் அதின் விக்கிரகங்களுக்கு விரோதமாய் விசாரிக்கும் நாட்கள் வரும்; அப்பொழுது அதின் தேசமெங்கும் கொலையுண்கிறவர்கள் கத்துவார்கள்.	எரே 51:47 எரே 50:38
53	பாபிலோன் வானபரியந்தம் ஏறினாலும், அது தன் பலமான அரணை உயர்த்தினாலும், அதைப் பாழாக்குகிறவர்கள் என்னிடத்திலிருந்து வருவார்கள் என்று கர்த்தர் சொல்லுகிறார்.	எரே 51:25 எரே 51:58 எரே 49:16 ஆதி 11:4 சங் 139:8-10 ஏசா 14:12-15 ஏசா 47:5 ஏசா 47:7 எசே 31:9-11 தானி 4:30 ஆமோ 9:4 ஒபதி 1:3 ஒபதி 1:4
54	பாபிலோனிலிருந்து கூக்குரலின் சத்தமும், கல்தேயர் தேசத்திலிருந்து மகா சங்காரமும் கேட்கப்படும்.	எரே 48:3-5 எரே 50:22 எரே 50:27 எரே 50:43 எரே 50:46 ஏசா 13:6-9 ஏசா 15:5 செப் 1:10 வெளிப் 18:17-19
55	கர்த்தர் பாபிலோனைப் பாழாக்கி அதிலுள்ள பெரிய சத்தத்தை ஒழியப்பண்ணுவார்; அவர்களுடைய அலைகள் திரளான தண்ணீர்களைப்போல இரையும், அவர்களுடைய சத்தம் அமளியாயிருக்கும்.	எரே 51:38 எரே 51:39 எரே 25:10 எரே 50:10-15 ஏசா 15:1 ஏசா 24:8-11 ஏசா 47:5 வெளிப் 18:22 வெளிப் 18:23
56	பாபிலோனைப் பாழாக்குகிறவன் அதின்மேல் வருகிறான்; அதின் பராக்கிரமசாலிகள் பிடிபடுவார்கள்; அவர்களுடைய வில்லுகள் முறிந்துபோகும்; சரிக்கட்டுகிற தேவனாகிய கர்த்தர் நிச்சயமாகப் பதில் அளிப்பார்.	எரே 51:48 எரே 50:10 ஏசா 21:2 ஆபகூ 2:8 வெளிப் 17:16
57	அதின் பிரபுக்களையும், அதின் ஞானிகளையும், அதின் தலைவரையும், அதின் அதிகாரிகளையும், அதின் பராக்கிரமசாலிகளையும் வெறிக்கப்பண்ணுவேன்; அப்பொழுது அவர்கள் என்றென்றைக்கும் விழிக்காத தூக்கமாய்த் தூங்கிவிழுவார்கள் என்று சேனைகளின் கர்த்தர் என்னும் நாமமுள்ள ராஜா சொல்லுகிறார்.	எரே 51:39 எரே 25:27 ஏசா 21:4 ஏசா 21:5 தானி 5:1-4 தானி 5:30-4 தானி 5:31-4 நாகூ 1:10 ஆபகூ 2:15-17 வெளிப் 18:6 வெளிப் 18:7 வெளிப் 18:9
58	பாபிலோனின் விஸ்தீரணமான மதில்கள் முற்றிலும் தரையாக்கப்பட்டு, அதின் உயரமான வாசல்கள் அக்கினியால் சுட்டெரிக்கப்படும்; அப்படியே ஜனங்கள் பிரயாசப்பட்டது விருதாவும், ஜாதிகள் வருத்தப்பட்டுச் சம்பாதித்தது அக்கினிக்கு இரையுமாகுமென்று சேனைகளின் கர்த்தர் சொல்லுகிறார்.	எரே 51:44 எரே 50:15
59	பாபிலோன்மேல் வரும் எல்லாத் தீங்கையும், பாபிலோனுக்கு விரோதமாக எழுதப்பட்ட இந்த எல்லா வசனங்களையும் எரேமியா ஒரு புஸ்தகத்தில் எழுதினான்.	எரே 32:12 எரே 36:4 எரே 45:1
60	யூதாவின் ராஜாவாகிய சிதேக்கியா ராஜ்யபாரம்பண்ணும் நாலாம் வருஷத்திலே பாபிலோனுக்குப் போன சமயத்தில் அவனோடே கூடப்போன மசெயாவின் மகனாகிய நேரியாவின் குமாரனும் சாந்தகுணமுள்ள பிரபுவுமாகிய செராயாவுக்கு எரேமியா தீர்க்கதரிசி கற்பித்த வார்த்தை.	எரே 30:2 எரே 30:3 எரே 36:2-4 எரே 36:32-4 ஏசா 8:1-4 ஏசா 30:8 தானி 12:4 ஆபகூ 2:2 ஆபகூ 2:3 வெளிப் 1:11 வெளிப் 1:19
61	எரேமியா செராயாவை நோக்கி: நீ பாபிலோனுக்கு வந்தபின்பு நீ இதைப் பார்த்து, இந்த எல்லா வசனங்களையும் வாசித்துச் சொல்லவேண்டியது என்னவென்றால்:	மத் 24:1 மாற் 13:1
62	கர்த்தாவே, இந்த ஸ்தலத்திலே மனுஷனும் மிருகமுமுதலாய்த் தங்கித் தரிக்காதபடிக்கும், அது என்றென்றைக்கும் பாழாய்க் கிடக்கும்படிக்கும், அதை அழித்துப்போடுவேன் என்று தேவரீர் அதைக்குறித்து உரைத்தீர் என்பதை நீ சொல்லி,	எரே 51:25 எரே 51:26 எரே 51:29 எரே 51:37 எரே 50:3 எரே 50:13 எரே 50:39 எரே 50:40 ஏசா 13:19-22 ஏசா 14:22 ஏசா 14:23 வெளிப் 18:20-23
63	நீ இந்தப் புஸ்தகத்தை வாசித்துத் தீர்ந்தபோது, அதிலே ஒரு கல்லைக் கட்டி, அதை ஐப்பிராத்து நடுவில் எறிந்துவிட்டு,	எரே 19:10 எரே 19:11 வெளிப் 18:21
64	இப்படியே பாபிலோன் முழுகிப்போகும், நான் அதின்மேல் வரப்பண்ணும் தீங்கினால் எழுந்திருக்கமாட்டாமல் இளைத்து விழுவார்கள் என்றார் என்று சொல்லுவாயாக என்றான். எரேமியாவின் வசனங்கள் இவ்வளவோடே முடிந்தது.	எரே 51:42 எரே 25:27 நாகூ 1:8 நாகூ 1:9 வெளிப் 14:8 வெளிப் 18:2 வெளிப் 18:21