1	கர்த்தராகிய தேவனுடைய ஆவியானவர் என்மேல் இருக்கிறார்; சிறுமைப்பட்டவர்களுக்குச் சுவிசேஷத்தை அறிவிக்கக் கர்த்தர் என்னை அபிஷேகம்பண்ணினார்; இருதயம் நொறுங்குண்டவர்களுக்குக் காயங்கட்டுதலையும், சிறைப்பட்டவர்களுக்கு விடுதலையையும், கட்டுண்டவர்களுக்குக் கட்டவிழ்த்தலையும் கூறவும்,	ஏசா 11:2-5 ஏசா 42:1 ஏசா 59:21 மத் 3:16 லூக் 4:18 லூக் 4:19 யோவா 1:32 யோவா 1:33 யோவா 3:34
2	கர்த்தருடைய அநுக்கிரகவருஷத்தையும், நம்முடைய தேவன் நீதியைச் சரிக்கட்டும் நாளையும் கூறவும், துயரப்பட்ட அனைவருக்கும் ஆறுதல் செய்யவும்,	லேவி 25:9-13 லூக் 4:19 2கொரி 6:2
3	சீயோனிலே துயரப்பட்டவர்களைச் சீர்ப்படுத்தவும், அவர்களுக்குச் சாம்பலுக்குப் பதிலாகச் சிங்காரத்தையும், துயரத்துக்குப் பதிலாக ஆனந்த தைலத்தையும், ஒடுங்கின ஆவிக்குப் பதிலாகத் துதியின் உடையையும் கொடுக்கவும் அவர் என்னை அனுப்பினார்; அவர்கள் கர்த்தர் தம்முடைய மகிமைக்கென்று நாட்டின நீதியின் விருட்சங்களென்னப்படுவார்கள்.	ஏசா 12:1 எஸ்தர் 4:1-3 எஸ்தர் 8:15 எஸ்தர் 9:22 சங் 30:11 எசே 16:8-13
4	அவர்கள் நெடுங்காலம் பாழாய்க் கிடந்தவைகளைக் கட்டி, பூர்வத்தில் நிர்மூலமானவைகளை எடுப்பித்து, தலைமுறை தலைமுறையாய் இடிந்துகிடந்த பாழான பட்டணங்களைப் புதிதாய்க் கட்டுவார்கள்.	ஏசா 49:6-8 ஏசா 58:12 எசே 36:23-26 எசே 36:33-36 ஆமோ 9:14 ஆமோ 9:15
5	மறுஜாதியார் நின்றுகொண்டு உங்கள் மந்தைகளை மேய்த்து, அந்நிய புத்திரர் உங்கள் பண்ணையாட்களும், உங்கள் திராட்சத்தோட்டக்காரருமாயிருப்பார்கள்.	ஏசா 14:1 ஏசா 14:2 ஏசா 60:10-14 எபே 2:12-20
6	நீங்களோ கர்த்தரின் ஆசாரியரென்று சொல்லப்படுவீர்கள்; உங்களை நமது தேவனுடைய பணிவிடைக்காரரென்பார்கள்; நீங்கள் ஜாதிகளின் செல்வத்தை அநுபவித்து, அவர்கள் மகிமையைக் கொண்டு மேன்மைபாராட்டுவீர்கள்.	ஏசா 60:17 ஏசா 66:21 யாத் 19:6 ரோம 12:1 1பேது 2:5 1பேது 2:9 வெளிப் 1:6 வெளிப் 5:10 வெளிப் 20:6
7	உங்கள் வெட்கத்துக்குப் பதிலாக இரண்டத்தனையாய்ப் பலன் வரும்; இலச்சைக்குப் பதிலாகத் தங்கள் பாகத்தில் சந்தோஷப்படுவார்கள்; அதினிமித்தம் தங்கள் தேசத்தில் இரட்டிப்பான சுதந்தரம் அடைவார்கள்; நித்திய மகிழ்ச்சி அவர்களுக்கு உண்டாகும்.	ஏசா 40:2 உபா 21:17 2இரா 2:9 யோபு 42:10 சகரி 9:12 2கொரி 4:17
8	கர்த்தராகிய நான் நியாயத்தை விரும்பி, கொள்ளைப்பொருளினால் இடப்பட்ட தகனபலியை வெறுக்கிறேன்; நான் அவர்கள் கிரியையை உண்மையாக்கி, அவர்களோடே நித்திய உடன்படிக்கை பண்ணுவேன்.	சங் 11:7 சங் 33:5 சங் 37:28 சங் 45:7 சங் 99:4 எரே 9:24 சகரி 8:16 சகரி 8:17
9	அவர்கள் சந்ததியானது ஜாதிகளின் நடுவிலும், அவர்கள் சந்தானமானது ஜனங்களின் நடுவிலும் அறியப்பட்டிருக்கும்; அவர்களைப் பார்க்கிற யாவரும் அவர்கள் கர்த்தரால் ஆசீர்வாதம் பெற்ற சந்ததியென்று அறிந்துகொள்வார்கள்.	ஏசா 44:3 ஆதி 22:18 சகரி 8:13 ரோம 9:3 ரோம 9:4
10	கர்த்தருக்குள் பூரிப்பாய் மகிழுகிறேன்; என் தேவனுக்குள் என் ஆத்துமா களிகூர்ந்திருக்கிறது; மணவாளன் ஆபரணங்களினால் தன்னை அலங்கரித்துக்கொள்ளுகிறதற்கும், மணவாட்டி நகைகளினால் தன்னைச் சிங்காரித்துக்கொள்ளுகிறதற்கும் ஒப்பாக, அவர் இட்சிப்பின் வஸ்திரங்களை எனக்கு உடுத்தி, நீதியின் சால்வையை எனக்குத் தரித்தார்.	ஏசா 35:10 ஏசா 51:11 1சாமு 2:1 நெகே 8:10 சங் 28:7 ஆபகூ 3:18 சகரி 10:7 லூக் 1:46 லூக் 1:47 ரோம 5:11 பிலிப் 3:1-3 பிலிப் 4:4 1பேது 1:8 வெளிப் 19:7 வெளிப் 19:8
11	பூமி தன் பூண்டுகளை விளைவிப்பது போலவும், தோட்டம் தன்னில் விதைக்கப்பட்டவைகளை முளைவிப்பதுபோலவும், கர்த்தராகிய ஆண்டவர் எல்லா ஜாதிகளுக்கும் முன்பாக நீதியையும் துதியையும் முளைக்கப்பண்ணுவார்.	ஏசா 55:10 ஏசா 55:11 ஏசா 58:11 உன்ன 4:16 உன்ன 5:1 மத் 13:3 மத் 13:8 மத் 13:23 மாற் 4:26-32