| 1 | அந்நாளிலே தெபொராளும் அபினோகாமின் குமாரன் பாராக்கும் பாடினதாவது: | யாத் 15:1 யாத் 15:21 எண் 21:17 1சாமு 2:1 2நாளா 20:21 2நாளா 20:27 யோபு 38:7 சங் 18:1 ஏசா 12:1-6 ஏசா 25:1 ஏசா 26:1 லூக் 1:46 லூக் 1:67 லூக் 1:68 வெளிப் 15:3 வெளிப் 15:4 வெளிப் 19:1-3 |
| 2 | கர்த்தர் இஸ்ரவேலுக்காக நீதியைச் சரிக்கட்டினதினிமித்தமும், ஜனங்கள் மனப்பூர்வமாய்த் தங்களை ஒப்புக்கொடுத்ததினிமித்தமும் அவரை ஸ்தோத்திரியுங்கள். | உபா 32:43 2சாமு 22:47 2சாமு 22:48 சங் 18:47 சங் 48:11 சங் 94:1 சங் 97:8 சங் 136:15 சங் 136:19 சங் 136:20 சங் 149:6-9 வெளிப் 16:5 வெளிப் 16:6 வெளிப் 18:20 வெளிப் 19:2 |
| 3 | ராஜாக்களே, கேளுங்கள்; அதிபதிகளே, செவிகொடுங்கள்; நான் கர்த்தரைப் பாடி, இஸ்ரவேலின் தேவனாகிய கர்த்தரைக் கீர்த்தனம்பண்ணுவேன். | உபா 32:1 உபா 32:3 சங் 2:10-12 சங் 49:1 சங் 49:2 சங் 119:46 சங் 138:4 சங் 138:5 |
| 4 | கர்த்தாவே, நீர் சேயீரிலிருந்து புறப்பட்டு, ஏதோமின் வெளியிலிருந்து நடந்து வருகையில், பூமி அதிர்ந்தது, வானம் சொரிந்தது, மேகங்களும் தண்ணீராய்ப் பொழிந்தது. | உபா 33:2 சங் 68:7 சங் 68:8 ஆபகூ 3:3-6 |
| 5 | கர்த்தருக்கு முன்பாகப் பர்வதங்கள் கரைந்தது; இஸ்ரவேலின் தேவனாகிய கர்த்தருக்கு முன்பாக சீனாயும் கரைந்தது. | உபா 4:11 சங் 97:5 சங் 114:4 ஏசா 64:1-3 நாகூ 1:5 ஆபகூ 3:10 |
| 6 | ஆனாத்தின் குமாரனாகிய சம்காரின் நாட்களிலும், யாகேலின் நாட்களிலும், பெரும்பாதைகள் பாழாய்க் கிடந்தது; வழி நடக்கிறவர்கள் பக்கவழியாய் நடந்தார்கள். | நியா 3:31 |
| 7 | தெபொராளாகிய நான் எழும்புமளவும், இஸ்ரவேலிலே நான் தாயாக எழும்புமளவும், கிராமங்கள் பாழாய்ப்போயின, இஸ்ரவேலின் கிராமங்கள் பாழாய்ப்போயின. | எஸ்தர் 9:19 |
| 8 | நூதன தேவர்களைத் தெரிந்து கொண்டார்கள்; அப்பொழுது யுத்தம் வாசல்வரையும் வந்தது; இஸ்ரவேலிலே நாற்பதினாயிரம்பேருக்குள்ளே கேடகமும் ஈட்டியும் காணப்பட்டதுண்டோ? | நியா 2:12 நியா 2:17 உபா 32:16 உபா 32:17 |
| 9 | ஜனங்களுக்குள்ளே தங்களை மனப்பூர்வமாய் ஒப்புக்கொடுத்த இஸ்ரவேலின் அதிபதிகளை என் இருதயம் நாடுகிறது; கர்த்தரை ஸ்தோத்திரியுங்கள். | நியா 5:2 1நாளா 29:9 2கொரி 8:3 2கொரி 8:4 2கொரி 8:12 2கொரி 8:17 2கொரி 9:5 |
| 10 | வெள்ளைக் கழுதைகளின்மேல் ஏறுகிறவர்களே, நியாயஸ்தலத்தில் வீற்றிருக்கிறவர்களே, வழியில் நடக்கிறவர்களே, இதைப் பிரஸ்தாபியுங்கள். | சங் 105:2 சங் 145:5 சங் 145:11 |
| 11 | தண்ணீர் மொண்டுகொள்ளும் இடங்களில் வில்வீரரின் இரைச்சலுக்கு நீங்கினவர்கள் அங்கே கர்த்தரின் நீதிநியாயங்களையும், அவர் இஸ்ரவேலிலுள்ள தமது கிராமங்களுக்குச் செய்த நீதிநியாயங்களையுமே பிரஸ்தாபப்படுத்துவார்கள்; அதுமுதல் கர்த்தரின் ஜனங்கள் ஒலிமுகவாசல்களிலே போய் இறங்குவார்கள். | புலம் 5:4 புலம் 5:9 |
| 12 | விழி, விழி, தெபொராளே, விழி, விழி, பாட்டுப்பாடு; பாராக்கே, எழும்பு; அபினோகாமின் குமாரனே, உன்னைச் சிறையாக்கினவர்களைச் சிறையாக்கிக்கொண்டுபோ. | சங் 57:8 சங் 103:1 சங் 103:2 சங் 108:2 ஏசா 51:9 ஏசா 51:17 ஏசா 52:1 ஏசா 52:2 ஏசா 60:1 எரே 31:26 1கொரி 15:34 எபே 5:14 |
| 13 | மீதியாயிருந்தவர்கள் ஜனத்தின் பிரபுக்களை ஆளும்படி செய்தார்; கர்த்தர் எனக்குப் பராக்கிரமசாலிகளின்மேல் ஆளுகை தந்தார். | சங் 49:14 ஏசா 41:15 ஏசா 41:16 எசே 17:24 தானி 7:18-27 ரோம 8:37 வெளிப் 2:26 வெளிப் 2:27 வெளிப் 3:9 |
| 14 | அமலேக்குக்கு விரோதமாக இவர்களுடைய வேர் எப்பிராயீமிலிருந்து துளிர்த்தது; உன் ஜனங்களுக்குள்ளே பென்யமீன் மனுஷர் உனக்குப் பின்சென்றார்கள்; மாகீரிலிருந்து அதிபதிகளும், செபுலோனிலிருந்து எழுதுகோலைப் பிடிக்கிறவர்களும் இறங்கிவந்தார்கள். | நியா 3:27 நியா 4:5 நியா 4:6 |
| 15 | இசக்காரின் பிரபுக்களும் தெபொராளோடே இருந்தார்கள்; பாராக்கைப்போல இசக்கார் மனுஷரும் பள்ளத்தாக்கில் கால்நடையாய் அனுப்பப்பட்டுப்போனார்கள்; ரூபனின் பிரிவினைகளால் உண்டான இருதயத்தின் நினைவுகள் மிகுதி. | 1நாளா 12:32 |
| 16 | மந்தைகளின் சத்தத்தைக் கேட்க, நீ தொழுவங்களின் நடுவே இருந்துவிட்டதென்ன? ரூபனின் பிரிவினைகளால் மனோவிசாரங்கள் மிகுதி. | எண் 32:1-5 எண் 32:24-5 பிலிப் 2:21 பிலிப் 3:19 |
| 17 | கீலேயாத் மனுஷர் யோர்தானுக்கு அக்கரையிலே இருந்துவிட்டார்கள்; தாண் மனுஷர் கப்பல்களில் தங்கியிருந்ததென்ன? ஆசேர் மனுஷர் கடற்கரையிலே தங்கி, தங்கள் குடாக்களில் தாபரித்தார்கள். | யோசு 13:25 யோசு 13:31 |
| 18 | செபுலோனும் நப்தலியும் போர்க்களத்து முனையிலே தங்கள் உயிரை எண்ணாமல் மரணத்துக்குத் துணிந்து நின்றார்கள். | நியா 4:10 |
| 19 | ராஜாக்கள் வந்து யுத்தம்பண்ணினார்கள்; அப்பொழுது கானானியரின் ராஜாக்கள் மெகிதோவின் தண்ணீர் அருகான தானாக்கிலே யுத்தம்பண்ணினார்கள்; அவர்களுக்குத் திரவியக்கொள்ளை கிடைக்கவில்லை. | யோசு 10:22-27 யோசு 11:1-15 சங் 48:4-6 சங் 68:12-14 சங் 118:8-12 வெளிப் 17:12-14 வெளிப் 19:19 |
| 20 | வானத்திலிருந்து யுத்தம் உண்டாயிற்று; நட்சத்திரங்கள் தங்கள் அயனங்களிலிருந்து சிசெராவோடே யுத்தம்பண்ணின. | யோசு 10:11 1சாமு 7:10 சங் 77:17 சங் 77:18 |
| 21 | கீசோன் நதி, பூர்வ நதியாகிய கீசோன் நதியே, அவர்களை அடித்துக்கொண்டு போயிற்று; என் ஆத்துமாவே, நீ பலவான்களை மிதித்தாய். | நியா 4:7 நியா 4:13 1இரா 18:40 சங் 83:9 சங் 83:10 |
| 22 | அப்பொழுது குதிரைகளின் குளம்புகள், பாய்ச்சலினாலே, பலவான்களின் பாய்ச்சலினாலேயே, பிளந்துபோயின. | சங் 20:7 சங் 33:17 சங் 147:10 சங் 147:11 ஏசா 5:28 எரே 47:4 மீகா 4:13 |
| 23 | மேரோசைச் சபியுங்கள்; அதின் குடிகளைச் சபிக்கவே சபியுங்கள் என்று கர்த்தருடைய தூதனானவர் சொல்லுகிறார்; அவர்கள் கர்த்தர் பட்சத்தில் துணை நிற்க வரவில்லை; பராக்கிரமசாலிகளுக்கு விரோதமாய் அவர்கள் கர்த்தர் பட்சத்தில் துணைநிற்க வரவில்லையே. | 1சாமு 26:19 எரே 48:10 1கொரி 16:22 |
| 24 | ஸ்திரீகளுக்குள்ளே கேனியனான ஏபேரின் மனைவியாகிய யாகேல் ஆசீர்வதிக்கப்ட்டவள்; கூடாரத்தில் வாசமாயிருக்கிற ஸ்திரீகளுக்குள்ளே அவள் ஆசீர்வதிக்கப்பட்டவளே. | நியா 4:17 ஆதி 14:19 நீதி 31:31 லூக் 1:28 லூக் 1:42 |
| 25 | தண்ணீரைக் கேட்டான், பாலைக் கொடுத்தாள்; ராஜாக்களின் கிண்ணியிலே வெண்ணெயைக் கொண்டுவந்து கொடுத்தாள். | நியா 4:19-21 |
| 26 | தன் கையால் ஆணியையும், தன் வலது கையால் தொழிலாளரின் சுத்தியையும் பிடித்து, சிசெராவை அடித்தாள்; அவன் நெறியில் உருவக்கடாவி, அவன் தலையை உடைத்துப்போட்டாள். | 1சாமு 17:49-51 2சாமு 20:22 |
| 27 | அவள் கால் அருகே அவன் மடங்கி விழுந்துகிடந்தான், அவள் கால் அருகே மடங்கி விழுந்தான்; அவன் எங்கே மடங்கி விழுந்தானோ அங்கே மடிந்துகிடந்தான். | சங் 52:7 மத் 7:2 யாக் 2:13 |
| 28 | சிசெராவின் தாய் ஜன்னலில் நின்று பலகணி வழியாய்ப் பார்த்துக்கொண்டிருந்து: அவனுடைய இரதம் வராமல் பிந்திப்போனதென்ன? அவனுடைய இரதங்களின் ஓட்டம் தாமதிக்கிறதென்ன என்று புலம்பினாள். | 2இரா 1:2 உன்ன 2:9 |
| 29 | அவளுடைய நாயகிகளில் புத்திசாலிகள் அவளுக்கு உத்தரவு சொன்னதுமின்றி, அவள் தானும் தனக்கு மறுமொழியாக: |
| 30 | அவர்கள் கொள்ளையைக் கண்டுபிடிக்கவில்லையோ, அதைப் பங்கிடவேண்டாமோ, ஆளுக்கு இரண்டொரு பெண்களையும், சிசெராவுக்குக் கொள்ளையிட்ட பலவருணமான ஆடைகளையும், கொள்ளையிட்ட பலவருணமான சித்திரத் தையலாடைகளையும், கொள்ளையிட்டவர்களின் கழுத்துக்கு இருபுறமும் பொருந்தும் சித்திரத்தையலுள்ள பலவருணமான ஆடையையும் கொடுக்கவேண்டாமோ என்றாள். | யாத் 15:9 யோபு 20:5 |
| 31 | கர்த்தாவே, உம்மைப் பகைக்கிற யாவரும் இப்படியே அழியக்கடவர்கள்; அவரில் அன்புகூருகிறவர்களோ, வல்லமையோடே உதிக்கிற சூரியனைப்போல இருக்கக்கடவர்கள் என்று பாடினார்கள். பின்பு தேசம் நாற்பது வருஷம் அமைதலாயிருந்தது. | சங் 48:4 சங் 48:5 சங் 58:10 சங் 58:11 சங் 68:1-3 சங் 83:9-18 சங் 92:9 சங் 97:8 வெளிப் 6:10 வெளிப் 18:20 வெளிப் 19:2 வெளிப் 19:3 |
