| 1 | அப்பொழுது சபையார் எல்லாரும் கூக்குரலிட்டுப் புலம்பினார்கள்; ஜனங்கள் அன்று இராமுழுதும் அழுதுகொண்டிருந்தார்கள். | எண் 11:1-4 உபா 1:45 |
| 2 | இஸ்ரவேல் புத்திரர் எல்லாரும் மோசேக்கும் ஆரோனுக்கும் விரோதமாக முறுமுறுத்தார்கள். சபையார் எல்லாரும் அவர்களை நோக்கி: எகிப்துதேசத்திலே செத்துப்போனோமானால் நலமாயிருக்கும்; இந்த வனாந்தரத்திலே நாங்கள் செத்தாலும் நலம். | எண் 16:41 யாத் 15:24 யாத் 16:2 யாத் 16:3 யாத் 17:3 உபா 1:27 சங் 106:24 சங் 106:45 1கொரி 10:10 பிலிப் 2:14 பிலிப் 2:15 யூதா 1:16 |
| 3 | நாங்கள் பட்டயத்தால் மடியும்படிக்கும், எங்கள் பெண்ஜாதிகளும் பிள்ளைகளும் கொள்ளையாகும்படிக்கும், கர்த்தர் எங்களை இந்த தேசத்துக்குக் கொண்டு வந்தது என்ன? எகிப்துக்குத் திரும்பிப் போகிறதே எங்களுக்கு உத்தமம் அல்லவோ என்றார்கள். | சங் 78:40 எரே 9:3 |
| 4 | பின்பு அவர்கள்: நாம் ஒரு தலைவனை ஏற்படுத்திக்கொண்டு எகிப்துக்குத் திருப்பிப்போவோம் வாருங்கள் என்று ஒருவரோடொருவர் சொல்லிக்கொண்டார்கள். | உபா 17:16 உபா 28:68 நெகே 9:16 நெகே 9:17 லூக் 17:32 அப் 7:39 எபிரெ 10:38 எபிரெ 10:39 எபிரெ 11:15 2பேது 2:21 2பேது 2:22 |
| 5 | அப்பொழுது மோசேயும் ஆரோனும் இஸ்ரவேல் புத்திரரின் சபையாராகிய எல்லாக் கூட்டத்தாருக்கு முன்பாகவும் முகங்குப்புற விழுந்தார்கள். | எண் 16:4 எண் 16:22 எண் 16:45 ஆதி 17:3 லேவி 9:24 யோசு 5:14 யோசு 7:10 1இரா 18:39 1நாளா 21:16 எசே 9:8 தானி 10:9 மத் 26:39 வெளிப் 4:10 வெளிப் 5:14 வெளிப் 7:11 |
| 6 | தேசத்தைச் சுற்றிப்பார்த்தவர்களில் நூனின் குமாரனாகிய யோசுவாவும், எப்புன்னேயின் குமாரனாகிய காலேபும், தங்கள் வஸ்திரங்களைக் கிழித்துக்கொண்டு, | எண் 14:24 எண் 14:30 எண் 14:38 எண் 13:6 எண் 13:8 எண் 13:30 |
| 7 | இஸ்ரவேல் புத்திரரின் சமஸ்த சபையையும் நோக்கி: நாங்கள் போய்ச் சுற்றிப்பார்த்து சோதித்த தேசம் மகா நல்ல தேசம். | எண் 13:27 உபா 1:25 உபா 6:10 உபா 6:11 உபா 8:7-9 |
| 8 | கர்த்தர் நம்மேல் பிரியமாயிருந்தால், அந்தத் தேசத்திலே நம்மைக் கொண்டுபோய், பாலும் தேனும் ஓடுகிற அந்தத் தேசத்தை நமக்குக் கொடுப்பார். | உபா 10:15 2சாமு 15:25 2சாமு 15:26 2சாமு 22:20 1இரா 10:9 சங் 22:8 சங் 147:10 சங் 147:11 ஏசா 62:4 எரே 32:41 செப் 3:17 ரோம 8:31 |
| 9 | கர்த்தருக்கு விரோதமாகமாத்திரம் கலகம்பண்ணாதிருங்கள்; அந்த தேசத்தின் ஜனங்களுக்கு நீங்கள் பயப்படவேண்டியதில்லை; அவர்கள் நமக்கு இரையாவார்கள்; அவர்களைக் காத்த நிழல் அவர்களை விட்டு விலகிப்போயிற்று; கர்த்தர் நம்மோடே இருக்கிறார்; அவர்களுக்குப் பயப்படவேண்டியதில்லை என்றார்கள். | உபா 9:7 உபா 9:23 உபா 9:24 ஏசா 1:2 ஏசா 63:10 தானி 9:5 தானி 9:9 பிலிப் 1:27 |
| 10 | அப்பொழுது அவர்கள்மேல் கல்லெறியவேண்டும் என்று சபையார் எல்லாரும் சொன்னார்கள்; உடனே கர்த்தருடைய மகிமை ஆசரிப்புக்கூடாரத்தில் இஸ்ரவேல் புத்திரர் எல்லாருக்கும் முன்பாகக் காணப்பட்டது. | யாத் 17:4 1சாமு 30:6 மத் 23:37 அப் 7:52 அப் 7:59 |
| 11 | கர்த்தர் மோசேயை நோக்கி: எதுவரைக்கும் இந்த ஜனங்கள் எனக்குக் கோபம் உண்டாக்குவார்கள்? தங்களுக்குள்ளே நான் காட்டின சகல அடையாளங்களையும் அவர்கள் கண்டும், எதுவரைக்கும் என்னை விசுவாசியாதிருப்பார்கள்? | எண் 14:27 யாத் 10:3 யாத் 16:28 நீதி 1:22 எரே 4:14 ஓசி 8:5 சகரி 8:14 மத் 17:17 |
| 12 | நான் அவர்களைக் கொள்ளைநோயினால் வாதித்து, சுதந்தரத்துக்குப் பறம்பாக்கிப்போட்டு, அவர்களைப்பார்க்கிலும் உன்னைப் பெரிதும் பலத்ததுமான ஜாதியாக்குவேன் என்றார். | எண் 16:46-49 எண் 25:9 யாத் 5:3 2சாமு 24:1 2சாமு 24:12-15 |
| 13 | மோசே கர்த்தரை நோக்கி: எகிப்தியர் இதைக் கேட்பார்கள், அவர்கள் நடுவிலிருந்து உம்முடைய வல்லமையினாலே இந்த ஜனங்களைக் கொண்டுவந்தீரே. | யாத் 32:12 உபா 9:26-28 உபா 32:27 யோசு 7:8 யோசு 7:9 சங் 106:23 எசே 20:9 எசே 20:14 |
| 14 | கர்த்தராகிய நீர் இந்த ஜனங்களின் நடுவே இருக்கிறதையும், கர்த்தராகிய நீர் முகமுகமாய்த் தரிசனமாகிறதையும், உம்முடைய மேகம் இவர்கள்மேல் நிற்கிறதையும், பகலில் மேகத்தூணிலும், இரவில் அக்கினித்தூணிலும், நீர் இவர்களுக்கு முன் செல்லுகிறதையும் கேட்டிருக்கிறார்கள்; இந்த தேசத்தின் குடிகளுக்கும் சொல்லுவார்கள். | யாத் 15:14 யோசு 2:9 யோசு 2:10 யோசு 5:1 |
| 15 | ஒரே மனிதனைக் கொல்லுகிறது போல இந்த ஜனங்களையெல்லாம் நீர் கொல்வீரானால், அப்பொழுது உம்முடைய கீர்த்தியைக் கேட்டிருக்கும் புறஜாதியார்: | நியா 6:16 |
| 16 | கர்த்தர் அந்த ஜனங்களுக்குக் கொடுப்போம் என்று ஆணையிட்டிருந்த தேசத்திலே அவர்களைக் கொண்டுபோய்விடக்கூடாதே போனபடியினால், அவர்களை வனாந்தரத்திலே கொன்றுபோட்டார் என்பார்களே. | உபா 9:28 உபா 32:26 உபா 32:27 யோசு 7:9 |
| 17 | ஆகையால் கர்த்தர் நீடிய சாந்தமும் மிகுந்த கிருபையுமுள்ளவர் என்றும், அக்கிரமத்தையும் மீறுதலையும் மன்னிக்கிறவர் என்றும், குற்றமுள்ளவர்களைக் குற்றமற்றவர்களாக விடாமல், பிதாக்கள் செய்த அக்கிரமத்தைப் பிள்ளைகளிடத்தில் மூன்றாம் நான்காம் தலைமுறைமட்டும் விசாரிக்கிறவர் என்றும், நீர் சொல்லியிருக்கிறபடியே, | மீகா 3:8 மத் 9:6 மத் 9:8 |
| 18 | என் ஆண்டவருடைய வல்லமை பெரிதாய் விளங்குவதாக. | யாத் 34:6 யாத் 34:7 சங் 103:8 சங் 145:8 யோனா 4:2 மீகா 7:18 நாகூ 1:2 நாகூ 1:3 ரோம 3:24-26 ரோம 5:21 எபே 1:7 எபே 1:8 |
| 19 | உமது கிருபையினுடைய மகத்துவத்தின்படியேயும், எகிப்தை விட்டதுமுதல் இந்நாள்வரைக்கும் இந்த ஜனங்களுக்கு மன்னித்து வந்ததின்படியேயும், இந்த ஜனங்களின் அக்கிரமத்தை மன்னித்தருளும் என்றான். | யாத் 32:32 யாத் 34:9 1இரா 8:34 சங் 51:1 சங் 51:2 எசே 20:8 எசே 20:9 தானி 9:19 |
| 20 | அப்பொழுது கர்த்தர்: உன் வார்த்தையின்படியே மன்னித்தேன். |
| 21 | பூமியெல்லாம் கர்த்தருடைய மகிமையினால் நிறைந்திருக்கும் என்று என்னுடைய ஜீவனைக்கொண்டு சொல்லுகிறேன். | உபா 32:40 ஏசா 49:18 எரே 22:24 எசே 5:11 எசே 18:3 எசே 33:11 எசே 33:27 செப் 2:9 |
| 22 | என் மகிமையையும், நான் எகிப்திலும் வனாந்தரத்திலும் செய்த என் அடையாளங்களையும் கண்டிருந்தும், என் சத்தத்துக்குச் செவிகொடாமல், இதனோடே பத்துமுறை என்னைப் பரீட்சைபார்த்த மனிதரில் ஒருவரும், | எண் 14:11 உபா 1:31-35 சங் 95:9-11 சங் 106:26 எபிரெ 3:17 எபிரெ 3:18 |
| 23 | அவர்கள் பிதாக்களுக்கு நான் ஆணையிட்டுக்கொடுத்த தேசத்தைக் காணமாட்டார்கள்; எனக்குக் கோபம் உண்டாக்கினவர்களில் ஒருவரும் அதைக் காணமாட்டார்கள். | எண் 26:64 எண் 32:11 உபா 1:35-45 நெகே 9:23 சங் 95:11 சங் 106:26 எசே 20:15 எபிரெ 3:17 எபிரெ 3:18 எபிரெ 4:3 |
| 24 | என்னுடைய தாசனாகிய காலேப் வேறே ஆவியை உடையவனாயிருக்கிறபடியினாலும், உத்தமமாய் என்னைப் பின்பற்றி வந்தபடியினாலும், அவன் போய் வந்த தேசத்திலே அவனைச் சேரப்பண்ணுவேன்; அவன் சந்ததியார் அதைச் சுதந்தரித்துக்கொள்ளுவார்கள். | எண் 14:6-9 எண் 13:30 எண் 26:65 உபா 1:36 யோசு 14:6-14 |
| 25 | அமலேக்கியரும் கானானியரும் பள்ளத்தாக்கிலே குடியிருக்கிறபடியினால், நாளைக்கு நீங்கள் திரும்பி சிவந்த சமுத்திரத்துக்குப் போகிற வழியாய் வனாந்தரத்துக்குப் பிரயாணம்பண்ணுங்கள் என்றார். | எண் 13:29 |
| 26 | பின்னும் கர்த்தர் மோசேயையும் ஆரோனையும் நோக்கி: |
| 27 | எனக்கு விரோதமாய் முறுமுறுக்கிற இந்தப் பொல்லாத சபையாரை எதுவரைக்கும் பொறுப்பேன்? இஸ்ரவேல் புத்திரர் எனக்கு விரோதமாய் முறுமுறுக்கிறதைக் கேட்டேன். | எண் 14:11 யாத் 16:28 மத் 17:7 மாற் 9:19 |
| 28 | நீ அவர்களோடே சொல்லவேண்டியது என்னவென்றால்: நீங்கள் என் செவிகள் கேட்கச் சொன்ன பிரகாரம் உங்களுக்குச் செய்வேன் என்பதை என் ஜீவனைக்கொண்டு சொல்லுகிறேன் என்று கர்த்தர் உரைக்கிறார். | எண் 14:21 எண் 14:23 எண் 26:64 எண் 26:65 எண் 32:11 உபா 1:35 சங் 90:8 சங் 90:9 எபிரெ 3:17 |
| 29 | இந்த வனாந்தரத்தில் உங்கள் பிரேதங்கள் விழும்; உங்களில் இருபது வயது முதல் அதற்கு மேற்பட்டவர்களாக எண்ணப்பட்டு, உங்கள் தொகைக்கு உட்பட்டவர்களும் எனக்கு விரோதமாய் முறுமுறுத்திருக்கிறவர்களுமாகிய அனைவரின் பிரேதங்களும் விழும். | எண் 14:32 எண் 14:33 1கொரி 10:5 எபிரெ 3:17 யூதா 1:5 |
| 30 | எப்புன்னேயின் குமாரன் காலேபும், நூனின் குமாரன் யோசுவாவும் தவிர, மற்றவர்களாகிய நீங்கள் நான் உங்களைக் குடியேற்றுவேன் என்று ஆணையிட்டுக்கொடுத்த தேசத்தில் பிரவேசிப்பதில்லை. | ஆதி 14:22 |
| 31 | கொள்ளையாவார்கள் என்று நீங்கள் சொன்ன உங்கள் குழந்தைகளையோ நான் அதில் பிரவேசிக்கச் செய்வேன்; நீங்கள் அசட்டைப்பண்ணின தேசத்தை அவர்கள் கண்டறிவார்கள். | எண் 26:6 எண் 26:64 உபா 1:39 |
| 32 | உங்கள் பிரேதங்களோ இந்த வனாந்தரத்திலே விழும். | எண் 14:29 1கொரி 10:5 எபிரெ 3:17 |
| 33 | அவைகள் வனாந்தரத்திலே விழுந்து தீருமட்டும், உங்கள் பிள்ளைகள் நாற்பது வருஷம் வனாந்தரத்திலே திரிந்து, நீங்கள் சோரம்போன பாதகத்தைச் சுமப்பார்கள். | எண் 32:13 யோசு 14:10 சங் 107:4 சங் 107:40 |
| 34 | நீங்கள் தேசத்தைச் சுற்றிப்பார்த்த நாற்பதுநாள் இலக்கத்தின்படியே, ஒவ்வொரு நாள் ஒவ்வொரு வருஷமாக, நீங்கள் நாற்பது வருஷம் உங்கள் அக்கிரமங்களைச் சுமந்து, என் உடன்படிக்கைக்கு வந்த மாறுதலை உணருவீர்கள். | எண் 13:25 2நாளா 36:21 |
| 35 | கர்த்தராகிய நான் இதைச் சொன்னேன்; எனக்கு விரோதமாய்க் கூட்டங்கூடின இந்தப் பொல்லாத சபையார் யாவருக்கும் இப்படியே செய்வேன்; இந்த வனாந்தரத்திலே அழிவார்கள், இங்கே சாவார்கள் என்று சொல் என்றார். | எண் 23:19 |
| 36 | அந்தத் தேசத்தைச் சோதித்துப் பார்க்கும்படி மோசேயால் அனுப்பப்பட்டுத் திரும்பி, அந்தத் தேசத்தைக்குறித்துத் துர்ச்செய்தி கொண்டுவந்து, | எண் 13:31-33 |
| 37 | சபையார் எல்லாரும் அவனுக்கு விரோதமாய் முறுமுறுக்கும்படி அந்தத் துர்ச்செய்தியைச் சொன்னவர்களாகிய அந்த மனிதர் கர்த்தருடைய சந்நிதியில் வாதையினால் செத்தார்கள். | எண் 14:12 எண் 16:49 எண் 25:9 எரே 28:16 எரே 28:17 எரே 29:32 1கொரி 10:10 எபிரெ 3:17 யூதா 1:5 |
| 38 | தேசத்தைச் சுற்றிப் பார்க்கப்போன அந்த மனிதரில் நூனின் குமாரனாகிய யோசுவாவும், எப்புன்னேயின் குமாரனாகிய காலேபும் மாத்திரம் உயிரோடிருந்தார்கள். | எண் 26:65 யோசு 14:6-10 |
| 39 | மோசே இந்த வார்த்தைகளை இஸ்ரவேல் புத்திரர் அனைவரோடும் சொன்னபோது, ஜனங்கள் மிகவும் துக்கித்தார்கள். | யாத் 33:4 நீதி 19:3 ஏசா 26:16 மத் 8:12 எபிரெ 12:17 |
| 40 | அதிகாலமே அவர்கள் எழுந்திருந்து: நாங்கள் பாவஞ்செய்தோம், கர்த்தர் வாக்குத்தத்தம்பண்ணின இடத்துக்கு நாங்கள் போவோம் என்று சொல்லி மலையின் உச்சியில் ஏறத்துணிந்தார்கள். | உபா 1:41 பிரச 9:3 மத் 7:21-23 மத் 26:11 மத் 26:12 லூக் 13:25 |
| 41 | மோசே அவர்களை நோக்கி: நீங்கள் இப்படி கர்த்தரின் கட்டளையை மீறுகிறதென்ன? அது உங்களுக்கு வாய்க்காது. | எண் 14:25 2நாளா 24:20 |
| 42 | நீங்கள் உங்கள் சத்துருக்களுக்கு முன்பாக முறிய அடிக்கப்படாதபடிக்கு ஏறிப்போகாதிருங்கள்; கர்த்தர் உங்கள் நடுவில் இரார். | உபா 1:42 யோசு 7:8 யோசு 7:12 சங் 44:1 சங் 44:2-11 |
| 43 | அமலேக்கியரும் கானானியரும் அங்கே உங்களுக்குமுன்னே இருக்கிறார்கள்; பட்டயத்தினால் விழுவீர்கள்; நீங்கள் கர்த்தரை விட்டுப் பின்வாங்கினபடியால், கர்த்தர் உங்களோடே இருக்கமாட்டார் என்றான். | எண் 14:25 எண் 13:29 லேவி 26:17 உபா 28:25 |
| 44 | ஆனாலும் அவர்கள் மலையின் உச்சியில் ஏறத் துணிந்தார்கள்; கர்த்தருடைய உடன்படிக்கையின் பெட்டியும் மோசேயும் பாளயத்தை விட்டுப்போகவில்லை. | எண் 15:30 உபா 1:43 |
| 45 | அப்பொழுது அமலேக்கியரும் கானானியாரும் அந்த மலையிலே இருந்து இறங்கி வந்து, அவர்களை முறிய அடித்து, அவர்களை ஓர்மாமட்டும் துரத்தினார்கள். | எண் 14:43 யாத் 17:16 உபா 1:44 உபா 32:30 யோசு 7:5 யோசு 7:11 யோசு 7:12 |
