| 1 | சவுல் மரித்தபின்பு, தாவீது அமலேக்கியரை முறிய அடித்து, சிக்லாகுக்குத் திரும்பிவந்து, இரண்டு நாள் அங்கே இருந்த பிற்பாடு, | 1சாமு 30:17-26 |
| 2 | மூன்றாம் நாளிலே ஒரு மனுஷன் சவுலின் பாளயத்திலிருந்து புறப்பட்டு, தன் வஸ்திரங்களைக் கிழித்துக்கொண்டு, தன் தலையின்மேல் புழுதியைப் போட்டுக்கொண்டு, தாவீதினிடத்தில் வந்து, தரையிலே விழுந்து வணங்கினான். | ஆதி 22:4 எஸ்தர் 4:16 எஸ்தர் 5:1 ஓசி 6:2 மத் 12:40 மத் 16:21 |
| 3 | தாவீது அவனைப் பார்த்து: நீ எங்கேயிருந்து வந்தாய் என்று கேட்டதற்கு, அவன்: இஸ்ரவேலின் பாளயத்திலிருந்து தப்பிவந்தேன் என்றான். | 2இரா 5:25 |
| 4 | தாவீது அவனைப் பார்த்து: நடந்த செய்தி என்ன? சொல் என்று கேட்டதற்கு, அவன்: ஜனங்கள் யுத்தத்தைவிட்டு முறிந்தோடிப்போனார்கள்; ஜனங்களில் அநேகம் பேர் விழுந்து மடிந்துபோனார்கள்; சவுலும் அவர் குமாரனாகிய யோனத்தானும் மடிந்தார்கள் என்றான். | 1சாமு 4:16 |
| 5 | சவுலும் அவர் குமாரனாகிய யோனத்தானும் மடிந்துபோனது உனக்கு எப்படித் தெரியும் என்று தாவீது தனக்கு அதை அறிவிக்கிற வாலிபனிடத்தில் கேட்டதற்கு, | நீதி 14:15 நீதி 25:2 |
| 6 | அந்த வாலிபன்: நான் தற்செயலாய்க் கில்போவா மலைக்குப் போனேன்; அப்பொழுது இதோ, சவுல் தம்முடைய ஈட்டியின்மேல் சாய்ந்துகொண்டிருந்தார்; இரதங்களும் குதிரை வீரரும் அவரைத் தொடர்ந்து நெருங்கினார்கள். | ரூத் 2:3 1சாமு 6:9 லூக் 10:31 |
| 7 | அவர் திரும்பிப் பார்த்து: என்னைக் கண்டு கூப்பிட்டார்; அதற்கு நான்: இதோ, இருக்கிறேன் என்றேன். | 2சாமு 9:6 நியா 9:54 1சாமு 22:12 ஏசா 6:8 ஏசா 65:1 |
| 8 | அப்பொழுது அவர்: நீ யார் என்று என்னைக் கேட்டார்; நான் அமலேக்கியன் என்று சொன்னேன். | ஆதி 14:7 யாத் 17:8-16 எண் 24:20 உபா 25:17-19 1சாமு 15:3 1சாமு 27:8 1சாமு 30:1 1சாமு 30:13 1சாமு 30:17 |
| 9 | அவர் என்னை நோக்கி: நீ என்னண்டையில் கிட்டவந்து நின்று, என்னைக் கொன்றுபோடு; என் பிராணன் முழுதும் இன்னும் போகாததினால் எனக்கு வேதனையாயிருக்கிறது என்றார். |
| 10 | அப்பொழுது நான், அவர் விழுந்த பின்பு பிழைக்கமாட்டார் என்று நிச்சயித்து, அவரண்டையில் போய் நின்று, அவரைக் கொன்றுபோட்டேன்; பிற்பாடு அவர் தலையின்மேல் இருந்த முடியையும் அவர் புயத்தில் இருந்த அஸ்தகடகத்தையும் எடுத்துக்கொண்டு, அவைகளை இங்கே என் ஆண்டவனிடத்திற்குக் கொண்டுவந்தேன் என்றான். | நியா 1:7 நியா 9:54 1சாமு 22:18 1சாமு 31:4 1சாமு 31:5 மத் 7:2 |
| 11 | அப்பொழுது தாவீதும் அவனோடிருந்த சகல மனுஷரும் தங்கள் வஸ்திரங்களைக் கிழித்துக்கொண்டு, | 2சாமு 3:31 2சாமு 13:31 ஆதி 37:29 ஆதி 37:34 அப் 14:14 |
| 12 | சவுலும், அவன் குமாரனாகிய யோனத்தானும், கர்த்தருடைய ஜனங்களும், இஸ்ரவேல் குடும்பத்தாரும், பட்டயத்தாலே விழுந்தபடியினால் புலம்பி அழுது சாயங்காலமட்டும் உபவாசமாயிருந்தார்கள். | சங் 35:13 சங் 35:14 நீதி 24:17 எரே 9:1 ஆமோ 6:6 மத் 5:44 2கொரி 11:29 1பேது 3:8 |
| 13 | தாவீது அதைத் தனக்கு அறிவித்த வாலிபனைப் பார்த்து: நீ எவ்விடத்தான் என்று கேட்டதற்கு, அவன்: நான் அந்நிய ஜாதியானுடைய மகன், நான் அமலேக்கியன் என்றான். |
| 14 | தாவீது அவனை நோக்கி: கர்த்தர் அபிஷேகம்பண்ணினவரைக் கொன்றுபோடும்படி நீ உன் கையை நீட்டப் பயப்படாமற்போனது என்ன என்று சொல்லி, | எண் 12:8 1சாமு 31:4 2பேது 2:10 |
| 15 | வாலிபரில் ஒருவனைக் கூப்பிட்டு, நீ கிட்டப்போய் அவன்மேல் விழுந்து, அவனை வெட்டு என்றான்; அவன் அவனை வெட்டினான்; அவன் செத்தான். | 2சாமு 4:10-12 நியா 8:20 1சாமு 22:17 1சாமு 22:18 1இரா 2:25 1இரா 2:34 1இரா 2:46 யோபு 5:12 நீதி 11:18 |
| 16 | தாவீது அவனைப் பார்த்து: உன் இரத்தப்பழி உன் தலையின்மேல் இருப்பதாக; கர்த்தர் அபிஷேகம் பண்ணினவரை நான் கொன்றுபோட்டேன் என்று உன்வாயே உனக்கு விரோதமான சாட்சி சொல்லிற்று என்றான். | ஆதி 9:5 ஆதி 9:6 லேவி 20:9 லேவி 20:11-13 லேவி 20:16-13 லேவி 20:27-13 உபா 19:10 யோசு 2:19 நியா 9:24 1சாமு 26:9 1இரா 2:32 1இரா 2:33 1இரா 2:37 எசே 18:13 எசே 33:5 மத் 27:25 அப் 20:26 |
| 17 | தாவீது சவுலின்பேரிலும், அவன் குமாரனாகிய யோனத்தானின் பேரிலும், புலம்பல் பாடினான். | 2சாமு 1:19 ஆதி 50:11 2நாளா 35:25 எரே 9:17-21 |
| 18 | (வில்வித்தையை யூதா புத்திரருக்குக் கற்றுக்கொடுக்கும்படி கட்டளையிட்டான்; அது யாசேரின் புஸ்தகத்தில் எழுதியிருக்கிறது) அவன் பாடின புலம்பலாவது: | ஆதி 49:8 உபா 4:10 |
| 19 | இஸ்ரவேலின் அலங்காரம் உயர்ந்த ஸ்தானங்களில் அதமாயிற்று; பராக்கிரமசாலிகள் விழுந்து போனார்கள். | 2சாமு 1:23 உபா 4:7 உபா 4:8 1சாமு 31:8 ஏசா 4:2 ஏசா 53:2 புலம் 2:1 சகரி 11:7 சகரி 11:10 |
| 20 | பெலிஸ்தரின் குமாரத்திகள் சந்தோஷப்படாதபடிக்கும், விருத்தசேதனம் இல்லாதவர்களின் குமாரத்திகள் களிகூராதபடிக்கும், அதைக் காத் பட்டணத்தில் அறிவியாமலும் அஸ்கலோனின் வீதிகளில் பிரஸ்தாபப்படுத்தாமலும் இருங்கள். | உபா 32:26 உபா 32:27 நியா 14:19 நியா 16:23 நியா 16:24 1சாமு 31:9 மீகா 1:10 |
| 21 | கில்போவா மலைகளே, உங்கள்மேல் பனியும் மழையும் பெய்யாமலும், காணிக்கைக்கு ஏற்ற பலன் தரும் வயல்கள் இராமலும் போவதாக; அங்கே பராக்கிரமசாலிகளுடைய கேடகம் அவமதிக்கப்பட்டது; சவுல் தைலத்தால் அபிஷேகம்பண்ணப்படாதவன்போல அவர் கேடகமும் அவமதிக்கப்பட்டதே. | 1சாமு 31:1 1நாளா 10:1 1நாளா 10:8 |
| 22 | கொலையுண்டவர்களின் இரத்தத்தைக் குடியாமலும், பராக்கிரமசாலிகளின் நிணத்தை உண்ணாமலும், யோனத்தானுடைய வில் பின்வாங்கினதில்லை; சவுலின் பட்டயம் வெறுமையாய்த் திரும்பினதில்லை. | 1சாமு 14:6-14 1சாமு 18:4 ஏசா 34:6 ஏசா 34:7 |
| 23 | உயிரோடே இருக்கையில் சவுலும் யோனத்தானும் பிரியமும் இன்பமுமாயிருந்தார்கள்; மரணத்திலும் பிரிந்துபோனதில்லை; கழுகுகளைப் பார்க்கிலும் வேகமும், சிங்கங்களைப் பார்க்கிலும் பலமுமுள்ளவர்களாயிருந்தார்கள். | 1சாமு 18:1 1சாமு 20:2 |
| 24 | இஸ்ரவேலின் குமாரத்திகளே, உங்களுக்கு இரத்தாம்பரத்தைச் சிறப்பாய் உடுப்பித்து, உங்கள் உடையின்மேல் பொன் ஆபரணங்களைத் தரிப்பித்த சவுலுக்காக அழுது புலம்புங்கள். | நியா 5:30 சங் 68:12 நீதி 31:21 ஏசா 3:16-26 எரே 2:32 1தீமோ 2:9 1தீமோ 2:10 1பேது 3:3-5 |
| 25 | போர்முகத்தில் பராக்கிரமசாலிகள் விழுந்தார்களே. யோனத்தானே, உயரமான ஸ்தலங்களிலே வெட்டுண்டுபோனாயே. | 2சாமு 1:19 2சாமு 1:27 புலம் 5:16 |
| 26 | என் சகோதரனாகிய யோனத்தானே, உனக்காக நான் வியாகுலப்படுகிறேன்; நீ எனக்கு வெகு இன்பமாயிருந்தாய்; உன் சிநேகம் ஆச்சரியமாயிருந்தது; ஸ்திரீகளின் சிநேகத்தைப்பார்க்கிலும் அதிகமாயிருந்தது. | 1சாமு 18:1-4 1சாமு 19:2 1சாமு 20:17 1சாமு 20:41 1சாமு 23:16 |
| 27 | பராக்கிரமசாலிகள் விழுந்துபோனார்களே; யுத்த ஆயுதங்கள் எல்லாம் அழிந்து போயிற்றே, என்று பாடினான். | 2சாமு 1:19 2சாமு 1:25 |
