| 1 | பின்னர் மோசேயும் ஆரோனும் பார்வோனிடம் வந்து அவனை நோக்கி, “பாலைநிலத்தில் எனக்கொரு விழா எடுக்குமாறு என் மக்களைப் போகவிடு என இஸ்ரயேலின் கடவுளாகிய ஆண்டவர் உரைத்துள்ளார்” என்று அறிவித்தனர். | 1இரா 21:20 சங் 119:46 எசே 2:6 யோனா 3:3 யோனா 3:4 மத் 10:18 மத் 10:28 அப் 4:29 |
| 2 | அதற்குப் பார்வோன், “யார் அந்த ஆண்டவர்? அவரது பேச்சைக் கேட்டு இஸ்ரயேலை நான் ஏன் அனுப்ப வேண்டும்? அந்த ஆண்டவரை நான் அறியேன்: இஸ்ரயேலரை நான் போகவிடவும் மாட்டேன்” என்று கூறினான். | யாத் 3:19 2இரா 18:35 2நாளா 32:15 2நாளா 32:19 யோபு 21:15 சங் 10:4 சங் 12:4 சங் 14:1 |
| 3 | அதற்கு அவர்கள், “எபிரேயரின் கடவுள் எங்களைச் சந்தித்தார்.பாலை நிலத்தில் மூன்றுநாள் வழிப்பயணம் செய்து எங்கள் கடவுளாகிய ஆண்டவருக்குப் பலியிடுமாறு எங்களை நீர் போகவிடும்.இல்லையெனில், கொள்ளை நோயாலோ வாளாலோ அவர் எங்களைத் தாக்கிவிடுவார்” என்று கூறினர். | யாத் 3:18 |
| 4 | எகிப்திய மன்னன் அவர்களை நோக்கி, “மோசே! ஆரோன்! நீங்கள் இம்மக்களை அவர்களின் வேலையைச் செய்ய விடாமல் ஏன் குழப்புகிறீர்கள்? உங்கள் வேலைகளுக்குச் செல்லுங்கள்” என்று கூறினான். | எரே 38:4 ஆமோ 7:10 லூக் 23:2 அப் 16:20 அப் 16:21 அப் 24:5 |
| 5 | மேலும், பார்வோன், “பாருங்கள், நாட்டில் உங்கள் மக்கள் இப்போது பெருந்திரளாயுள்ளனர். அப்படியிருக்க, அவர்களைத் தம் வேலையிலிருந்து ஓய்ந்திருக்கச் செய்கிறீர்கள்” என்றான். | யாத் 1:7-11 நீதி 14:28 |
| 6 | அதே நாளில், பார்வோன் மக்களிடம் அடிமைவேலை வாங்கும் அதிகாரிகளுக்கும் மேற்பார்வையாளருக்கும் ஆணைவிடுத்து, | யாத் 5:10 யாத் 5:13 யாத் 5:15 யாத் 5:19 யாத் 1:11 நீதி 12:10 |
| 7 | “செங்கல் செய்வதற்காக இம்மக்களுக்கு இதுவரை வைக்கோல் கொடுத்துவந்ததுபோல் இனிச் செய்யவேண்டாம்! அவர்களே போய் வைக்கோல் சேகரித்துக் கொள்ளட்டும். | ஆதி 24:25 நியா 19:19 |
| 8 | ஆயினும் இதுவரை அவர்கள் அறுத்துக் கொடுத்த அளவு செங்கல் தயாரித்துக் கொடுப்பது அவர்கள் கடமை.அதிலிருந்து எதுவும் குறையக்கூடாது.ஏனெனில், அவர்கள் சோம்பேறிகள்.இதனால்தான்,நாங்கள் போகவேண்டும்: எங்கள் கடவுளுக்குப் பலியிடவேண்டும்”என்று அவர்கள் கூச்சலிட்டுக் கொண்டிருக்கிறார்கள். | சங் 106:41 |
| 9 | அந்த ஆள்களுக்கு வேலைப்பளுவை இன்னும் மிகுதியாக்குங்கள்.வெற்றுப் பேச்சுகளை நம்பாமல் அங்கே அவர்கள் வேலை செய்யட்டும்” என்றான். | 2இரா 18:20 யோபு 16:3 எரே 43:2 சகரி 1:6 மல்கி 3:14 எபே 5:6 |
| 10 | எனவே வேலைவாங்கும் அதிகாரிகளும் மேற்பார்வையாளர்களும் மக்களிடம் சென்று அவர்களை நோக்கி, “பார்வோன் கூறுவது இதுவே: நான் உங்களுக்கு வைக்கோல் கொடுக்கமாட்டேன். | யாத் 1:11 நீதி 29:12 |
| 11 | நீங்களே போய், உங்களுக்குத் தேவையான வைக்கோலைக் கிடைக்கும் இடத்திலிருந்து சேகரித்துக்கொள்ளுங்கள்” என்று அறிவித்தனர். | யாத் 5:13 யாத் 5:14 |
| 12 | எனவே வைக்கோலுக்குப் பதிலாகத் தாளடி சேகரிப்பதற்காக மக்கள் எகிப்து நாடெங்கும் அலைந்து திரிந்தனர். | யாத் 15:7 ஏசா 5:24 ஏசா 47:14 யோவே 2:5 நாகூ 1:10 ஒபதி 1:18 1கொரி 3:12 |
| 13 | “வைக்கோல் உள்ளபோது செய்துவந்த அளவில் ஒவ்வொரு நாளுக்கும் உரிய வேலையை அன்றே முடித்துவிடுங்கள்” என்று கூறி, வேலை வாங்கும் அதிகாரிகள் அவசரப்படுத்தினர். |
| 14 | “முன்பு நீங்கள் செய்து வந்த அளவுக்குச் செங்கல் அறுப்பு வேலையை நேற்றும் இன்றும் ஏன் செய்துமுடிக்கவில்லை?” என்று கேட்டு, பார்வோனின் வேலைவாங்கும் அதிகாரிகள் தாங்கள் இஸ்ரயேல் மக்களுள் மேற்பார்வையாளராக நியமித்திருந்தவர்கள் அடித்தனர். |
| 15 | இஸ்ரயேல் மக்களின் மேற்பார்வையாளர் பார்வோனிடம் வந்து, “ஏன் உம் பணியாளர்களை இவ்வாறு நடத்துகிறீர்? |
| 16 | உம் பணியாளர்களாகிய எங்களுக்கு வைக்கோல் தராமலேயேசெங்கல் அறுங்கள்”என்று வேலை வாங்கும் அதிகாரிகள் கூறுகிறார்கள்.குற்றம் உம் மக்களுடையதாய் இருக்க, உம் பணியாளர்களாகிய நாங்கள் அடிக்கப்படுகிறோம்” என்று கதறினர். |
| 17 | அதற்கு அவன், “சாம்பேறிகள்: நீங்கள் சோம்பேறிகள்: அதனால்தான்நாங்கள் போய் ஆண்டவருக்குப் பலியிட வேண்டும்”என்று கூறிக் கொண்டிருக்கிறீர்கள். | மத் 26:8 யோவா 6:27 2தெச 3:10 2தெச 3:11 |
| 18 | எனவே இப்போதே வேலைக்குச் செல்லுங்கள்.வைக்கோல் உங்களுக்குத்தரப்படமாட்டாது.எனினும் வழக்கமான எண்ணிக்கையின்படி செங்கல் அறுத்துக் கொடுக்க வேண்டும்” என்று கூறினான். | எசே 18:18 தானி 2:9-13 |
| 19 | “அந்தந்த நாளுக்குரிய செங்கல் தொகையிலிருந்து எதுவும் குறைக்கப்படமாட்டாது”என்று சொல்லக் கேட்டபோது, தாங்கள் இக்கட்டில் மாட்டிக்கொண்டதாக இஸ்ரயேல் மக்களின் மேற்பார்வையாளர் கண்டனர். | உபா 32:36 பிரச 4:1 பிரச 5:8 |
| 20 | பார்வோனிடமிருந்து திரும்பி வரும்போது, தங்களைச் சந்திப்பதற்காக நின்று கொண்டிருந்த மோசேயையும் ஆரோனையும் அவர்கள் சந்தித்து அவர்களை நோக்கி, |
| 21 | “ஆண்டவர் உங்களைக் கவனித்துக் கொள்ளட்டும்! உங்களுக்குத் தீர்ப்பு வழங்கட்டும்! ஏனெனில், பார்வோன் முன்னிலையிலும் அவனுடைய அலுவலர் முன்னிலையிலும் நம்மவர் வாடையே பிடிக்காதவாறு நீங்கள் செய்து விட்டீர்கள்! நம்மைக் கொல்வதற்கான வாளை அவர்கள் கையில் வைத்துவிட்டீர்கள்” என்றனர். | யாத் 4:31 யாத் 6:9 ஆதி 16:5 |
| 22 | அப்போது மோசே ஆண்டவரிடம் திரும்பிச் சென்று, “என் தலைவரே! இம்மக்களுக்கு நீர் ஏன்தொல்லை கொடுக்கிறீர்? எதற்காக இப்படி என்னை அனுப்பிவைத்தீர்? | யாத் 17:4 1சாமு 30:6 சங் 73:25 எரே 12:1 |
| 23 | உமது பெயரால் பேசுவதற்காகப் பார்வோனிடம் வந்ததிலிருந்தே இம்மக்களுக்கு அவனால் இடர்பாடுதான் ஏற்பட்டுள்ளது.அத்துடன் நீர் உம் மக்களுக்கு விடுதலையளிக்கவும் இல்லை” என்று கூறினார். | சங் 118:26 எரே 11:21 யோவா 5:43 |
