| 1 | கர்த்தர் மோசேயை நோக்கி: |
| 2 | நான் இஸ்ரவேல் புத்திரருக்குக் கொடுக்கும் கானான்தேசத்தைச் சுற்றிப்பார்ப்பதற்கு நீ மனிதரை அனுப்பு; ஒவ்வொரு பிதாக்களின் கோத்திரத்திலும் ஒவ்வொரு பிரபுவாகிய புருஷனை அனுப்பவேண்டும் என்றார். | எண் 32:8 உபா 1:22-25 யோசு 2:1-24 |
| 3 | மோசே கர்த்தருடைய வாக்கின்படியே அவர்களைப் பாரான் வனாந்தரத்திலிருந்து அனுப்பினான்; அந்த மனிதர் யாவரும் இஸ்ரவேல் புத்திரரின் தலைவர்கள். | எண் 12:16 எண் 32:8 உபா 1:19 உபா 1:23 உபா 9:23 |
| 4 | அவர்களுடைய நாமங்களாவன: ரூபன் கோத்திரத்தில் சக்கூரின் குமாரன் சம்முவா. |
| 5 | சிமியோன் கோத்திரத்தில் ஓரியின் குமாரன் சாப்பாத். |
| 6 | யூதா கோத்திரத்தில் எப்புன்னேயின் குமாரன் காலேப். | எண் 13:30 எண் 14:6 எண் 14:24 எண் 14:30 எண் 14:38 எண் 26:65 எண் 27:15-23 எண் 34:19 உபா 31:7-17 யோசு 14:6-15 யோசு 15:13-19 லூக் 1:10-15 1நாளா 4:15 |
| 7 | இசக்கார் கோத்திரத்தில் யோசேப்பின் குமாரன் ஈகால். |
| 8 | எப்பிராயீம் கோத்திரத்தில் நூனின் குமாரன் ஓசேயா. | எண் 11:28 எண் 27:18-22 யாத் 17:9-13 யாத் 24:13 யாத் 32:17 உபா 31:7 உபா 31:8 உபா 31:14 உபா 31:23 உபா 34:9 யோசு 1:1-9 யோசு 1:16-9 யோசு 24:1-33 |
| 9 | பென்யமீன் கோத்திரத்தில் ரப்பூவின் குமாரன் பல்த்தி. |
| 10 | செபுலோன் கோத்திரத்தில் சோதியின் குமாரன் காதியேல். |
| 11 | யோசேப்பின் கோத்திரத்தைச் சேர்ந்த மனாசே கோத்திரத்தில் சூசின் குமாரன் காதி. |
| 12 | தாண் கோத்திரத்தில் கெமல்லியின் குமாரன் அம்மியேல். |
| 13 | ஆசேர் கோத்திரத்தில் மிகாவேலின் குமாரன் சேத்தூர். |
| 14 | நப்தலி கோத்திரத்தில் ஒப்பேசியின் குமாரன் நாகபி. |
| 15 | காத் கோத்திரத்தில் மாகியின் குமாரன் கூவேல். |
| 16 | தேசத்தைச் சுற்றிப்பார்க்கும்படி மோசே அனுப்பின மனிதரின் நாமங்கள் இவைகளே: நூனின் குமாரனாகிய ஓசேயாவுக்கு யோசுவா என்று மோசே பேரிட்டிருந்தான். | ஓசி 1:1 ரோம 9:25 |
| 17 | அவர்களை மோசே கானான்தேசத்தைச் சுற்றிப்பார்க்கும்படி அனுப்புகையில், அவர்களை நோக்கி: நீங்கள் இப்படித் தெற்கே போய், மலையில் ஏறி, | எண் 13:21 எண் 13:22 ஆதி 12:9 ஆதி 13:1 யோசு 15:3 நியா 1:15 |
| 18 | தேசம் எப்படிப்பட்டதென்றும், அங்கே குடியிருக்கிற ஜனங்கள் பலவான்களோ பலவீனர்களோ, கொஞ்சம்பேரோ அநேகம்பேரோ என்றும், | யாத் 3:8 எசே 34:14 |
| 19 | அவர்கள் குடியிருக்கிற தேசம் எப்படிப்பட்டது, அது நல்லதோ கெட்டதோ என்றும், அவர்கள் பட்டணங்கள் எப்படிப்பட்டதென்றும், அவர்கள் கூடாரங்களில் குடியிருக்கிறவர்களோ கோட்டைகளில் குடியிருக்கிறவர்களோ என்றும், |
| 20 | நிலம் எப்படிப்பட்டது அது வளப்பமானதோ இளப்பமானதோ என்றும்; அதில் விருட்சங்கள் உண்டோ இல்லையோ என்றும் பாருங்கள்; தைரியங்கொண்டிருந்து, தேசத்தின் கனிகளிலே சிலவற்றைக் கொண்டுவாருங்கள் என்றான். அக்காலம் திராட்சச்செடி முதற்பழம் பழுக்கிற காலமாயிருந்தது. | நெகே 9:25 நெகே 9:35 எசே 34:14 |
| 21 | அவர்கள் போய், சீன் வனாந்தரந்தொடங்கி, ஆமாத்துக்குப் போகிற வழியாகிய ரேகொப்மட்டும், தேசத்தைச் சுற்றிப்பார்த்து, | எண் 20:1 எண் 27:14 எண் 33:36 எண் 34:3 எண் 34:4 உபா 32:51 யோசு 15:1 |
| 22 | தெற்கேயும் சென்று, எபிரோன்மட்டும் போனார்கள்; அங்கே ஏனாக்கின் குமாரராகிய அகீமானும் சேசாயும் தல்மாயும் இருந்தார்கள். எபிரோன் எகிப்திலுள்ள சோவானுக்கு ஏழுவருஷத்திற்குமுன்னே கட்டப்பட்டது. | யோசு 11:21 யோசு 11:22 யோசு 15:13 யோசு 15:14 நியா 1:10 |
| 23 | பின்பு, அவர்கள் எஸ்கோல் பள்ளத்தாக்குமட்டும் போய், அங்கே ஒரே குலையுள்ள ஒரு திராட்சக்கொடியை அறுத்தார்கள்; அதை ஒரு தடியிலே இரண்டு பேர் கட்டித் தூக்கிக்கொண்டு வந்தார்கள்; மாதளம் பழங்களிலும் அத்திப்பழங்களிலும் சிலவற்றைக் கொண்டுவந்தார்கள். | எண் 13:24 எண் 32:9 உபா 1:24 உபா 1:25 நியா 16:4 |
| 24 | இஸ்ரவேல் புத்திரர் அங்கே அறுத்த திராட்சக்குலையினிமித்தம், அவ்விடம் எஸ்கோல் பள்ளத்தாக்கு என்னப்பட்டது. |
| 25 | அவர்கள் தேசத்தைச் சுற்றிப் பார்த்து, நாற்பதுநாள் சென்றபின்பு திரும்பினார்கள். | எண் 14:33 எண் 14:34 யாத் 24:18 யாத் 34:28 |
| 26 | அவர்கள் பாரான் வனாந்தரத்தில் இருக்கிற காதேசுக்கு வந்து, மோசே ஆரோன் என்பவர்களிடத்திலும் இஸ்ரவேல் புத்திரராகிய சபையார் எல்லாரிடத்திலும் சேர்ந்து, அவர்களுக்கும் சபையார் அனைவருக்கும் சமாசாரத்தை அறிவித்து, தேசத்தின் கனிகளை அவர்களுக்குக் காண்பித்தார்கள். | எண் 20:1 எண் 20:16 எண் 32:8 எண் 33:36 உபா 1:19 யோசு 14:6 |
| 27 | அவர்கள் மோசேயை நோக்கி: நீர் எங்களை அனுப்பின தேசத்துக்கு நாங்கள் போய் வந்தோம்; அது பாலும் தேனும் ஓடுகிற தேசந்தான்; இது அதினுடைய கனி. | எண் 14:8 யாத் 3:8 யாத் 3:17 யாத் 13:5 யாத் 33:3 லேவி 20:24 உபா 1:25-33 உபா 6:3 உபா 11:9 உபா 26:9 உபா 26:11-15 உபா 27:3 உபா 31:20 யோசு 5:6 எரே 11:5 எரே 32:22 எசே 20:6 எசே 20:15 |
| 28 | ஆனாலும், அந்த தேசத்திலே குடியிருக்கிற ஜனங்கள் பலவான்கள்; பட்டணங்கள் அரணிப்பானவைகளும் மிகவும் பெரியவைகளுமாய் இருக்கிறது; அங்கே ஏனாக்கின் குமாரரையும் கண்டோம். | உபா 1:28 உபா 2:10 உபா 2:11 உபா 2:21 உபா 3:5 உபா 9:1 உபா 9:2 |
| 29 | அமலேக்கியர் தென்புறமான தேசத்தில் குடியிருக்கிறார்கள்; ஏத்தியரும், எபூசியரும், எமோரியரும் மலைநாட்டில் குடியிருக்கிறார்கள்; கானானியர் கடல் அருகேயும் யோர்தானண்டையிலும் குடியிருக்கிறார்கள் என்றார்கள். | எண் 14:43 எண் 24:20 ஆதி 14:7 யாத் 17:8-16 நியா 6:3 1சாமு 14:48 1சாமு 15:3-9 1சாமு 30:1 சங் 83:7 |
| 30 | அப்பொழுது காலேப் மோசேக்கு முன்பாக ஜனங்களை அமர்த்தி: நாம் உடனே போய் அதைச் சுதந்தரித்துக்கொள்ளுவோம்; நாம் அதை எளிதாய் ஜெயித்துக்கொள்ளலாம் என்றான். | எண் 14:6-9 எண் 14:24-9 யோசு 14:6-8 சங் 27:1 சங் 27:2 சங் 60:12 சங் 118:10 சங் 118:11 ஏசா 41:10-16 ரோம 8:31 ரோம 8:37 பிலிப் 4:13 எபிரெ 11:33 |
| 31 | அவனோடேகூடப் போய்வந்த மனிதரோ: நாம் போய் அந்த ஜனங்களோடே எதிர்க்க நம்மாலே கூடாது; அவர்கள் நம்மைப்பார்க்கிலும் பலவான்கள் என்றார்கள். | எண் 32:9 உபா 1:28 யோசு 14:8 எபிரெ 3:19 |
| 32 | நாங்கள் போய்ச் சுற்றிப் பார்த்து வந்த அந்த தேசம் தன் குடிகளைப் பட்சிக்கிற தேசம்; நாங்கள் அதிலே கண்ட ஜனங்கள் எல்லாரும் மிகவும் பெரிய ஆட்கள். | எண் 14:36 எண் 14:37 உபா 1:28 மத் 23:13 |
| 33 | அங்கே இராட்சதப் பிறவியான ஏனாக்கின் குமாரராகிய இராட்சதரையும் கண்டோம்; நாங்கள் எங்கள் பார்வைக்கு வெட்டுக்கிளிகளைப்போல் இருந்தோம், அவர்கள் பார்வைக்கும் அப்படியே இருந்தோம் என்று சொல்லி, இப்படி இஸ்ரவேல் புத்திரருக்குள்ளே தாங்கள் சுற்றிப்பார்த்து வந்த தேசத்தைக்குறித்து துர்ச்செய்தி பரம்பச்செய்தார்கள். | எண் 13:22 உபா 1:28 உபா 2:10 உபா 3:11 உபா 9:2 1சாமு 17:4-7 2சாமு 21:20-22 1நாளா 11:23 |
