| 1 | ஈசாக்கு யாக்கோபை அழைத்து, அவனை ஆசீர்வதித்து, நீ கானானியருடைய குமாரத்திகளில் பெண்கொள்ளாமல், | ஆதி 28:3 ஆதி 28:4 ஆதி 27:4 ஆதி 27:27-33 ஆதி 48:15 ஆதி 49:28 உபா 33:1 யோசு 22:7 |
| 2 | எழுந்து புறப்பட்டு, பதான் அராமிலிருக்கிற உன் தாயினுடைய தகப்பனாகிய பெத்துவேலுடைய வீட்டுக்குப் போய், அவ்விடத்தில் உன் தாயின் சகோதரனாகிய லாபானின் குமாரத்திகளுக்குள் பெண்கொள் என்று அவனுக்குக் கட்டளையிட்டான். | ஓசி 12:12 |
| 3 | சர்வவல்லமையுள்ள தேவன் உன்னை ஆசீர்வதித்து, நீ பல ஜனக்கூட்டமாகும்படி உன்னைப் பலுகவும் பெருகவும்பண்ணி; | ஆதி 17:1-6 ஆதி 22:17 ஆதி 22:18 ஆதி 35:11 ஆதி 43:14 ஆதி 48:3 யாத் 6:3 சங் 127:1 2கொரி 6:18 வெளிப் 21:22 |
| 4 | தேவன் ஆபிரகாமுக்குக் கொடுத்ததும் நீ பரதேசியாய்த் தங்குகிறதுமான தேசத்தை நீ சுதந்தரித்துக்கொள்ளும்படி ஆபிரகாமுக்கு அருளிய ஆசீர்வாதத்தை உனக்கும் உன் சந்ததிக்கும் அருளுவாராக என்று சொல்லி; | ஆதி 12:1-3 ஆதி 12:7-3 ஆதி 15:5-7 ஆதி 17:6-8 ஆதி 22:17 ஆதி 22:18 சங் 72:17 ரோம 4:7 ரோம 4:8 கலா 3:8 கலா 3:14 எபே 1:3 |
| 5 | ஈசாக்கு யாக்கோபை அனுப்பிவிட்டான். அப்பொழுது அவன் பதான் அராமிலிருக்கும் சீரியா தேசத்தானாகிய பெத்துவேலுடைய குமாரனும், தனக்கும் ஏசாவுக்கும் தாயாகிய ரெபெக்காளின் சகோதரனுமான லாபானிடத்துக்குப் போகப் புறப்பட்டான். |
| 6 | ஈசாக்கு யாக்கோபை ஆசீர்வதித்து, ஒரு பெண்ணைக் கொள்ளும்படி அவனைப் பதான் அராமுக்கு அனுப்பினதையும், அவனை ஆசீர்வதிக்கையில்: நீ கானானியருடைய குமாரத்திகளில் பெண்கொள்ளவேண்டாம் என்று அவனுக்குக் கட்டளையிட்டதையும், | ஆதி 27:33 |
| 7 | யாக்கோபு தன் தகப்பனுக்கும் தன் தாய்க்கும் கீழ்ப்படிந்து, பதான் அராமுக்குப் புறப்பட்டுப்போனதையும் ஏசா கண்டதினாலும், | ஆதி 27:43 யாத் 20:12 லேவி 19:3 நீதி 1:8 நீதி 30:17 எபே 6:1 எபே 6:3 கொலோ 3:20 |
| 8 | கானானியருடைய குமாரத்திகள் தன் தகப்பனாகிய ஈசாக்கின் பார்வைக்கு ஆகாதவர்கள் என்பதை ஏசா அறிந்ததினாலும், | ஆதி 28:1 ஆதி 24:3 ஆதி 26:34 ஆதி 26:35 |
| 9 | ஏசா இஸ்மவேலிடத்துக்குப் போய், தனக்கு முன்னிருந்த மனைவிகளுமன்றி, ஆபிரகாமுடைய குமாரனாகிய இஸ்மவேலின் குமாரத்தியும் நெபாயோத்தின் சகோதரியுமாகிய மகலாத்தையும் விவாகம் பண்ணினான். | ஆதி 25:13-17 ஆதி 36:3 ஆதி 36:13 ஆதி 36:18 |
| 10 | யாக்கோபு பெயெர்செபாவை விட்டுப் புறப்பட்டு ஆரானுக்குப் போகப் பிரயாணம்பண்ணி, | ஆதி 11:31 ஆதி 32:10 ஓசி 12:12 அப் 7:2 அப் 25:13 |
| 11 | ஒரு இடத்திலே வந்து, சூரியன் அஸ்தமித்தபடியினால், அங்கே ராத்தங்கி, அவ்விடத்துக் கற்களில் ஒன்றை எடுத்து, தன் தலையின்கீழ் வைத்து, அங்கே நித்திரை செய்யும்படி படுத்துக்கொண்டான். | ஆதி 28:18 ஆதி 31:46 மத் 8:20 2கொரி 1:5 |
| 12 | அங்கே அவன் ஒரு சொப்பனங்கண்டான்; இதோ, ஒரு ஏணி பூமியிலே வைக்கப்பட்டிருந்தது, அதின் நுனி வானத்தை எட்டியிருந்தது, அதிலே தேவதூதர் ஏறுகிறவர்களும் இறங்குகிறவர்களுமாய் இருந்தார்கள். | ஆதி 15:1 ஆதி 15:12 ஆதி 20:3 ஆதி 20:6 ஆதி 20:7 ஆதி 37:5-11 ஆதி 40:1-41 எண் 12:6 யோபு 4:12-21 யோபு 33:15 யோபு 33:16 தானி 2:1-49 தானி 4:1-37 தானி 7:1 மத் 1:20 மத் 2:12 மத் 2:13 மத் 2:19 எபிரெ 1:1 |
| 13 | அதற்கு மேலாகக் கர்த்தர் நின்று: நான் உன் தகப்பனாகிய ஆபிரகாமின் தேவனும் ஈசாக்கின் தேவனுமாகிய கர்த்தர்; நீ படுத்திருக்கிற பூமியை உனக்கும் உன் சந்ததிக்கும் தருவேன். | ஆதி 35:1 ஆதி 35:6 ஆதி 35:7 ஆதி 48:3 |
| 14 | உன் சந்ததி பூமியின் தூளைப்போலிருக்கும்; நீ மேற்கேயும், கிழக்கேயும், வடக்கேயும், தெற்கேயும் பரம்புவாய்; உனக்குள்ளும் உன் சந்ததிக்குள்ளும் பூமியின் வம்சங்களெல்லாம் ஆசீர்வதிக்கப்படும். | ஆதி 13:16 ஆதி 32:12 ஆதி 35:11 ஆதி 35:12 எண் 23:10 அப் 3:25 வெளிப் 7:4 வெளிப் 7:9 |
| 15 | நான் உன்னோடே இருந்து, நீ போகிற இடத்திலெல்லாம் உன்னைக் காத்து, இந்தத் தேசத்துக்கு உன்னைத்திரும்பி வரப்பண்ணுவேன்; நான் உனக்குச் சொன்னதைச் செய்யுமளவும் உன்னைக் கைவிடுவதில்லை என்றார். | ஆதி 28:20 ஆதி 28:21 ஆதி 26:24 ஆதி 31:3 ஆதி 32:9 ஆதி 39:2 ஆதி 39:21 ஆதி 46:4 யாத் 3:12 நியா 6:16 சங் 46:7 சங் 46:11 ஏசா 7:14 ஏசா 8:10 ஏசா 41:10 ஏசா 43:2 எரே 1:19 மத் 18:20 மத் 28:20 ரோம 8:31 ரோம 8:32 1தீமோ 4:8 |
| 16 | யாக்கோபு நித்திரை தெளிந்து விழித்தபோது: மெய்யாகவே கர்த்தர் இந்த ஸ்தலத்தில் இருக்கிறார்; இதை நான் அறியாதிருந்தேன் என்றான். | யாத் 3:5 யாத் 15:11 யோசு 5:15 1சாமு 3:4-7 யோபு 9:11 யோபு 33:14 சங் 68:35 ஏசா 8:13 |
| 17 | அவன் பயந்து, இந்த ஸ்தலம் எவ்வளவு பயங்கரமாயிருக்கிறது! இது தேவனுடைய வீடேயல்லாமல் வேறல்ல, இது வானத்தின் வாசல் என்றான். | யாத் 3:6 நியா 13:22 மத் 17:6 லூக் 2:9 லூக் 8:35 வெளிப் 1:17 |
| 18 | அதிகாலையிலே யாக்கோபு எழுந்து, தன் தலையின்கீழ் வைத்திருந்த கல்லை எடுத்து, அதைத் தூணாக நிறுத்தி, அதின்மேல் எண்ணெய் வார்த்து, | ஆதி 22:3 சங் 119:60 பிரச 9:10 |
| 19 | அந்த ஸ்தலத்திற்குப் பெத்தேல் என்று பேரிட்டான்; அதற்கு முன்னே அவ்வூருக்கு லூஸ் என்னும் பேர் இருந்தது. | ஆதி 12:8 ஆதி 35:1 ஆதி 48:3 நியா 1:22-26 1இரா 12:29 ஓசி 4:15 ஓசி 12:4 ஓசி 12:5 |
| 20 | அப்பொழுது யாக்கோபு: தேவன் என்னோடே இருந்து, நான் போகிற இந்த வழியிலே என்னைக் காப்பாற்றி, உண்ண ஆகாரமும், உடுக்க வஸ்திரமும் எனக்குத் தந்து, | ஆதி 31:13 லேவி 27:1-34 எண் 6:1-20 எண் 21:2 எண் 21:3 நியா 11:30 நியா 11:31 1சாமு 1:11 1சாமு 1:28 1சாமு 14:24 2சாமு 15:8 நெகே 9:1-10 சங் 22:25 சங் 56:12 சங் 61:5 சங் 61:8 சங் 66:13 சங் 76:11 சங் 116:14 சங் 116:18 சங் 119:106 சங் 132:2 பிரச 5:1-7 ஏசா 19:21 யோவா 1:16 அப் 18:18 அப் 23:12-15 |
| 21 | என்னை என் தகப்பன் வீட்டுக்குச் சமாதானத்தோடே திரும்பிவரப்பண்ணுவாரானால், கர்த்தர் எனக்குத் தேவனாயிருப்பார்; | நியா 11:31 2சாமு 19:24 2சாமு 19:30 |
| 22 | நான் தூணாக நிறுத்தின இந்தக் கல் தேவனுக்கு வீடாகும்; தேவரீர் எனக்குத் தரும் எல்லாவற்றிலும் உமக்குத் தசமபாகம் செலுத்துவேன் என்று சொல்லிப் பொருத்தனைபண்ணிக்கொண்டான். | ஆதி 28:17 ஆதி 12:8 ஆதி 21:33 ஆதி 33:20 ஆதி 35:1 ஆதி 35:15 |
