| 1 | பெசலெயேல் சீத்திம் மரத்தினால் பெட்டியை உண்டுபண்ணினான்; அதின் நீளம் இரண்டரை முழமும் அதின் அகலம் ஒன்றரை முழமும் அதின் உயரம் ஒன்றரை முழமுமானது. | யாத் 25:10-16 யாத் 26:33 யாத் 31:7 யாத் 40:3 யாத் 40:20 யாத் 40:21 எண் 10:33-36 |
| 2 | அதை உள்ளும் புறம்பும் பசும்பொன் தகட்டால் மூடி, சுற்றிலும் அதற்குப் பொன் திரணையை உண்டாக்கி, | யாத் 30:3 |
| 3 | அதற்கு நான்கு பொன் வளையங்களை வார்ப்பித்து, அவைகளை அதின் நாலு மூலைகளிலும் போட்டு, ஒரு பக்கத்தில் இரண்டு வளையங்களும் மறுபக்கத்தில் இரண்டு வளையங்களும் இருக்கும்படி தைத்து, |
| 4 | சீத்திம் மரத்தினால் தண்டுகளைச் செய்து, அவைகளைப் பொன்தகட்டால் மூடி, | எண் 4:14 எண் 4:15 அப் 9:15 |
| 5 | அந்த தண்டுகளால் பெட்டியைச் சுமக்கும்படி, அவைகளைப் பெட்டியின் பக்கங்களில் இருக்கும் வளையங்களிலே பாய்ச்சினான். | எண் 1:50 எண் 4:15 2சாமு 6:3-7 |
| 6 | கிருபாசனத்தையும் பசும்பொன்னினால் பண்ணினான்; அது இரண்டரை முழ நீளமும் ஒன்றரை முழ அகலமுமானது. | யாத் 25:17-22 லேவி 16:12-15 1நாளா 28:11 ரோம 3:25 கலா 4:4 தீத் 2:14 எபிரெ 9:5 1யோவா 2:2 |
| 7 | தகடாய் அடிக்கப்பட்ட பொன்னினால் இரண்டு கேருபீன்களையும் உண்டாக்கி, கிருபாசனத்தின் இரண்டு ஓரங்களிலே, | 1இரா 6:23-29 சங் 80:1 சங் 104:4 எசே 10:2 |
| 8 | ஒருபுறத்து ஓரத்தில் ஒரு கேருபீனும் மறுபுறத்து ஓரத்தில் மற்றக் கேருபீனுமாக அந்தக் கேருபீன்களைக் கிருபாசனத்தின் இரண்டு ஓரங்களிலும் அதனோடே ஏக வேலைப்பாடாகவே பண்ணினான். |
| 9 | அந்தக் கேருபீன்கள் தங்கள் செட்டைகளை உயர விரித்து, தங்கள் செட்டைகளால் கிருபாசனத்தை மூடுகிறவைகளும், ஒன்றுக்கொன்று எதிர்முகமுள்ளவைகளுமாயிருந்தது; கேருபீன்களின் முகங்கள் கிருபாசனத்தை நோக்கிக்கொண்டிருந்தது. | ஆதி 3:24 ஆதி 28:12 ஏசா 6:2 எசே 10:1-22 யோவா 1:51 2கொரி 3:18 பிலிப் 3:8 1தீமோ 3:16 எபிரெ 1:14 |
| 10 | மேஜையையும் சீத்திம் மரத்தால் பண்ணினான்; அது இரண்டு முழ நீளமும் ஒரு முழ அகலமும் ஒன்றரை முழ உயரமுமானது. | யாத் 25:23-30 யாத் 35:13 யாத் 40:4 யாத் 40:22 யாத் 40:23 எசே 40:39-42 மல்கி 1:12 யோவா 1:14 யோவா 1:16 கொலோ 1:27 |
| 11 | அதைப் பசும்பொன்தகட்டால் மூடி, சுற்றிலும் அதற்குப் பொன் திரணையை உண்டாக்கி, |
| 12 | சுற்றிலும் அதற்கு நான்கு விரற்கடையான சட்டத்தையும், அதின் சட்டத்திற்குச் சுற்றிலும் பொன் திரணையையும் உண்டுபண்ணி, |
| 13 | அதற்கு நான்கு பொன்வளையங்களை வார்ப்பித்து, அவைகளை அதின் நாலு கால்களுக்கு இருக்கும் நாலு மூலைகளிலும் தைத்தான். |
| 14 | அந்த வளையங்கள் மேஜையைச் சுமக்கும் தண்டுகளைப் பாய்ச்சும் இடங்களாயிருக்கும்படி சட்டத்தின் அருகே இருந்தது. |
| 15 | மேஜையைச் சுமக்கும் அந்தத் தண்டுகளைச் சீத்திம் மரத்தால் பண்ணி, அவைகளைப் பொன்தகட்டால் மூடி, |
| 16 | மேஜையின்மேலிருக்கும் பாத்திரங்களாகிய அதின் பணிமுட்டுகளையும், அதின் தட்டுகளையும், தூபக்கரண்டிகளையும், அதின் பானபலி கரகங்களையும், மூடுகிறதற்கான அதின் கிண்ணங்களையும் பசும்பொன்னினால் உண்டாக்கினான். | யாத் 25:29 1இரா 7:50 2இரா 12:13 எரே 52:18 எரே 52:19 2தீமோ 2:20 |
| 17 | குத்துவிளக்கையும் பசும்பொன்னினால் அடிப்புவேலையாய் உண்டாக்கினான்; அதின் தண்டும் கிளைகளும் மொக்குகளும் பழங்களும் பூக்களும் பொன்னினால் செய்யப்பட்டிருந்தது. | யாத் 25:31-39 யாத் 40:24 யாத் 40:25 லேவி 24:4 1நாளா 28:15 2நாளா 13:11 சகரி 4:2 சகரி 4:11 மத் 5:15 யோவா 1:4-9 பிலிப் 2:15 எபிரெ 9:2 வெளிப் 1:12-20 வெளிப் 2:1-5 |
| 18 | குத்துவிளக்கின் ஒருபக்கத்தில் மூன்று கிளைகளும் அதின் மறுபக்கத்தில் மூன்று கிளைகளுமாக அதின் பக்கங்களில் ஆறு கிளைகள் செய்யப்பட்டது. |
| 19 | ஒவ்வொரு கிளையிலே வாதுமைக்கொட்டைக்கு ஒப்பான மூன்று மொக்குகளும் ஒரு பழமும் ஒரு பூவும் இருந்தது; குத்துவிளக்கில் செய்யப்பட்ட ஆறு கிளைகளிலும் அப்படியே இருந்தது. |
| 20 | விளக்குத்தண்டில் வாதுமைக்கொட்டைக்கு ஒப்பான நாலு மொக்குகளும் பழங்களும் பூக்களும் இருந்தது. | யாத் 25:33 எண் 17:8 பிரச 12:5 எரே 1:11 |
| 21 | அதில் செய்யப்பட்ட இரண்டு கிளைகளின்கீழ் ஒரு பழமும், வேறு இரண்டு கிளைகளின்கீழ் ஒரு பழமும், மற்ற இரண்டு கிளைகளின்கீழ் ஒரு பழமும் இருந்தது; விளக்குத்தண்டில் செய்யப்பட்ட ஆறு கிளைகளுக்கும் அப்படியே இருந்தது. | யாத் 25:35 |
| 22 | அவைகளின் பழங்களும் அவைகளின் கிளைகளும் பசும்பொன்னினால் ஒரே அடிப்பு வேலையாய்ச் செய்யப்பட்டது. | யாத் 25:31 1கொரி 9:27 கொலோ 3:5 |
| 23 | அதின் ஏழு அகல்களையும், அதின் கத்தரிகளையும், சாம்பல் பாத்திரங்களையும் பசும்பொன்னினால் செய்தான். | யாத் 25:37 எண் 8:2 சகரி 4:2 வெளிப் 1:12 வெளிப் 1:20 வெளிப் 2:1 வெளிப் 4:5 வெளிப் 5:5 |
| 24 | அதையும் அதின் பணிமுட்டுகள் யாவையும் ஒரு தாலந்து பசும்பொன்னினால் செய்தான். |
| 25 | தூபபீடத்தையும் சீத்திம் மரத்தினால் உண்டாக்கினான்; அது ஒரு முழ நீளமும் ஒரு முழ அகலமுமான சதுரமும் இரண்டு முழ உயரமுமாய் இருந்தது; அதின் கொம்புகள் அதனோடே ஏக வேலைப்பாடாயிருந்தது. | யாத் 30:1-5 யாத் 40:5 யாத் 40:26 யாத் 40:27 2நாளா 26:16 மத் 23:19 லூக் 1:9 லூக் 1:10 எபிரெ 7:25 எபிரெ 13:10 1பேது 2:5 வெளிப் 8:3 வெளிப் 8:4 |
| 26 | அதின் மேற்புறத்தையும், அதின் சுற்றுப்புறத்தையும், அதின் கொம்புகளையும், பசும்பொன்தகட்டால் மூடி, சுற்றிலும் அதற்குப் பொன் திரணையை உண்டுபண்ணி, |
| 27 | அந்தத் திரணையின்கீழ் அதின் இரண்டு பக்கங்களில் இருக்கும் இரண்டு மூலைகளிலும் இரண்டு பொன்வளையங்களைப் பண்ணி, அதைச் சுமக்கும் தண்டுகளைப் பாய்ச்சும் இடங்களாகத் தைத்து, |
| 28 | சீத்திம் மரத்தால் அந்தத் தண்டுகளைச் செய்து, அவைகளைப் பொன்தகட்டால் மூடினான். |
| 29 | பரிசுத்த அபிஷேகதைலத்தையும், சுத்தமான சுகந்தங்களின் தூபவர்க்கத்தையும், தைலக்காரன் வேலைக்கு ஒப்பாக உண்டுபண்ணினான். | யாத் 30:23-38 சங் 23:5 சங் 92:10 ஏசா 11:2 ஏசா 61:1 ஏசா 61:3 யோவா 3:34 2கொரி 1:21 2கொரி 1:22 1யோவா 2:20 1யோவா 2:27 |
