| 1 | கர்த்தர் மோசேயை நோக்கி: முந்தின கற்பலகைகளுக்கு ஒத்த இரண்டு கற்பலகைகளை இழைத்துக்கொள்; நீ உடைத்துப்போட்ட முந்தின பலகைகளில் இருந்த வார்த்தைகளை அவைகளில் எழுதுவேன். | யாத் 31:18 யாத் 32:16 யாத் 32:19 உபா 10:1 |
| 2 | விடியற்காலத்தில் நீ ஆயத்தமாகி, சீனாய் மலையில் ஏறி, அங்கே மலையின் உச்சியில் காலமே என் சமுகத்தில் வந்து நில். | யாத் 19:20 யாத் 19:24 யாத் 24:12 உபா 9:25 |
| 3 | உன்னோடே ஒருவனும் அங்கே வரக்கூடாது; மலையிலெங்கும் ஒருவனும் காணப்படவுங்கூடாது; இந்த மலையின் சமீபத்தில் ஆடுமாடு மேயவுங்கூடாது என்றார். | யாத் 19:12 யாத் 19:13 யாத் 19:21 லேவி 16:17 1தீமோ 2:5 எபிரெ 12:20 |
| 4 | அப்பொழுது மோசே முந்தின கற்பலகைகளுக்கு ஒத்த இரண்டு கற்பலகைகளை இழைத்து, அதிகாலமே எழுந்திருந்து, கர்த்தர் தனக்குக் கட்டளையிட்டபடியே அவ்விரண்டு கற்பலகைகளையும் தன் கையிலே எடுத்துக்கொண்டு, சீனாய் மலையில் ஏறினான். |
| 5 | கர்த்தர் ஒரு மேகத்தில் இறங்கி, அங்கே அவன் அருகே நின்று, கர்த்தருடைய நாமத்தைக் கூறினார். | யாத் 19:18 யாத் 33:9 எண் 11:17 எண் 11:25 1இரா 8:10-12 லூக் 9:34 லூக் 9:35 |
| 6 | கர்த்தர் அவனுக்கு முன்பாகக் கடந்துபோகிறபோது, அவர்: கர்த்தர், கர்த்தர்; இரக்கமும், கிருபையும், நீடிய சாந்தமும், மகா தயையும், சத்தியமுமுள்ள தேவன். | யாத் 33:20-23 1இரா 19:11 |
| 7 | ஆயிரம் தலைமுறைகளுக்கு இரக்கத்தைக் காக்கிறவர்; அக்கிரமத்தையும் மீறுதலையும் பாவத்தையும் மன்னிக்கிறவர்; குற்றவாளியைக் குற்றமற்றவனாக விடாமல், பிதாக்கள் செய்த அக்கிரமத்தைப் பிள்ளைகளிடத்திலும், பிள்ளைகளுடைய பிள்ளைகளிடத்திலும் மூன்றாம் நான்காம் தலைமுறைமட்டும் விசாரிக்கிறவர் என்று கூறினார். | யாத் 20:6 உபா 5:10 நெகே 1:5 நெகே 9:32 சங் 86:15 எரே 32:18 தானி 9:4 |
| 8 | மோசே தீவிரமாகத் தரைமட்டும் குனிந்து பணிந்துகொண்டு: | யாத் 4:31 ஆதி 17:3 2நாளா 20:18 |
| 9 | ஆண்டவரே, உம்முடைய கண்களில் எனக்குக் கிருபை கிடைத்ததானால், எங்கள் நடுவில் ஆண்டவர் எழுந்தருளவேண்டும்; இந்த ஜனங்கள் வணங்காக்கழுத்துள்ளவர்கள்; நீரோ, எங்கள் அக்கிரமத்தையும் எங்கள் பாவத்தையும் மன்னித்து, எங்களை உமக்குச் சுதந்தரமாக ஏற்றுக்கொள்ளும் என்றான். | யாத் 33:13 யாத் 33:17 |
| 10 | அதற்கு அவர்: இதோ, நான் ஒரு உடன்படிக்கைபண்ணுகிறேன்; பூமியெங்கும் எந்த ஜாதிகளிடத்திலும் செய்யப்படாத அதிசயங்களை உன் ஜனங்கள் எல்லாருக்கு முன்பாகவும் செய்வேன்; உன்னோடேகூட இருக்கிற ஜனங்கள் எல்லாரும் கர்த்தருடைய செய்கையைக் காண்பார்கள்; உன்னோடேகூட இருந்து, நான் செய்யும் காரியம் பயங்கரமாயிருக்கும். | யாத் 24:7 யாத் 24:8 உபா 4:13 உபா 5:2 உபா 5:3 உபா 29:12-14 |
| 11 | இன்று நான் உனக்குக் கட்டளையிடுகிறதைக் கைக்கொள்; எமோரியனையும், கானானியனையும், ஏத்தியனையும், பெரிசியனையும், ஏவியனையும், எபூசியனையும் உனக்கு முன்பாகத் துரத்திவிடுகிறேன். | உபா 4:1 உபா 4:2 உபா 4:40 உபா 5:32 உபா 6:3 உபா 6:25 உபா 12:28 உபா 12:32 உபா 28:1 மத் 28:20 யோவா 14:21 |
| 12 | நீ போய்ச் சேருகிற தேசத்தின் குடிகளோடு உடன்படிக்கைபண்ணாதபடிக்கு எச்சரிக்கையாயிரு; பண்ணினால் அது உன் நடுவில் கண்ணியாயிருக்கும். | யாத் 23:32 யாத் 23:33 உபா 7:2 நியா 2:2 |
| 13 | அவர்களுடைய பலிபீடங்களை இடித்து, அவர்கள் சிலைகளைத் தகர்த்து, அவர்கள் தோப்புகளை வெட்டிப்போடுங்கள். | யாத் 23:24 உபா 7:5 உபா 7:25 உபா 7:26 உபா 12:2 உபா 12:3 நியா 2:2 நியா 6:25 2இரா 18:4 2இரா 23:14 2நாளா 31:1 2நாளா 34:3 2நாளா 34:4 |
| 14 | கர்த்தருடைய நாமம் எரிச்சலுள்ளவர் என்பது, அவர் எரிச்சலுள்ள தேவனே; ஆகையால், அந்நிய தேவனை நீ பணிந்துகொள்ளவேண்டாம். | யாத் 20:3-5 உபா 5:7 மத் 4:10 |
| 15 | அந்தத் தேசத்தின் குடிகளோடே உடன்படிக்கைபண்ணுவாயானால், அவர்கள் தங்கள் தேவர்களைச் சோரமார்க்கமாய்ப் பின்பற்றி, தங்களுடைய தேவர்களுக்குப் பலியிடுவார்கள்; ஒருவன் உன்னை அழைக்கையில், நீ போய், அவன் பலியிட்டதிலே புசிப்பாய்; | யாத் 34:10 யாத் 34:12 யாத் 23:32 உபா 7:2 |
| 16 | அவர்கள் குமாரத்திகளில் உன் குமாரருக்குப் பெண்களைக் கொள்ளுவாய்; அவர்கள் குமாரத்திகள் தங்கள் தேவர்களைச் சோரமார்க்கமாய்ப் பின்பற்றுவதும் அல்லாமல், உன் குமாரரையும் தங்கள் தேவர்களைச் சோரமார்க்கமாய்ப் பின்பற்றும்படி செய்வார்கள். | எண் 25:1 எண் 25:2 உபா 7:3 உபா 7:4 1இரா 11:2-4 எஸ்றா 9:2 நெகே 13:23 நெகே 13:25 2கொரி 6:14-17 |
| 17 | வார்ப்பிக்கப்பட்ட தெய்வங்களை உங்களுக்கு உண்டாக்கவேண்டாம். | யாத் 32:8 லேவி 19:4 ஏசா 46:6 ஏசா 46:7 எரே 10:14 அப் 17:29 அப் 19:26 |
| 18 | புளிப்பில்லா அப்பப்பண்டிகையை நீங்கள் கைக்கொண்டு, நான் உங்களுக்குக் கட்டளையிட்டபடியே, ஆபீப் மாதத்தில் குறித்த காலத்திலே ஏழுநாள் புளிப்பில்லா அப்பம் புசிக்கக்கடவீர்கள்; ஆபீப் மாதத்திலே எகிப்திலிருந்து புறப்பட்டாயே. | யாத் 12:15-20 யாத் 13:4 யாத் 13:6 யாத் 13:7 யாத் 23:15 லேவி 23:6 உபா 16:1-4 மாற் 14:1 லூக் 22:1 அப் 12:3 |
| 19 | கர்ப்பந்திறந்து பிறக்கிற யாவும், உன் ஆடுமாடுகளின் தலையீற்றான ஆண்கள் யாவும் என்னுடையவைகள். | யாத் 13:2 யாத் 13:12 யாத் 22:29 எண் 18:15-17 எசே 44:30 லூக் 2:23 |
| 20 | கழுதையின் தலையீற்றை ஒரு ஆட்டுக்குட்டியால் மீட்டுக்கொள்வாயாக; அதை மீட்டுக்கொள்ளாதிருந்தால் அதின் கழுத்தை முறித்துப்போடு; உன் பிள்ளைகளில் முதற்பேறானவைகளையெல்லாம் மீட்டுக்கொள்ளவேண்டும். வெறுங்கையோடே என் சந்நிதியில் ஒருவனும் வரக்கூடாது. | யாத் 13:10 எண் 18:15 |
| 21 | ஆறுநாள் வேலைசெய்து, ஏழாம் நாளிலே ஓய்ந்திருப்பாயாக; விதைப்புக் காலத்திலும் அறுப்புக் காலத்திலும் ஓய்ந்திருப்பாயாக. | யாத் 20:9-11 யாத் 23:12 யாத் 35:2 உபா 5:12-15 லூக் 13:14 லூக் 23:56 |
| 22 | கோதுமை அறுப்பின் முதற்பலனைச் செலுத்தும் ஏழு வாரங்களின் பண்டிகையையும், வருஷமுடிவிலே சேர்ப்புக்கால பண்டிகையையும் ஆசரிப்பாயாக. | யாத் 23:16 எண் 28:16-31 எண் 29:12-39 உபா 16:10-15 யோவா 7:2 அப் 2:1 |
| 23 | வருஷத்தில் மூன்றுதரம் உங்கள் ஆண்மக்கள் எல்லாரும் இஸ்ரவேலின் தேவனாயிருக்கிற கர்த்தராகிய ஆண்டவரின் சந்நிதியில் வரக்கடவர்கள். | யாத் 23:14 யாத் 23:17 உபா 16:16 சங் 84:7 |
| 24 | நான் புறஜாதிகளை உங்கள் முன்னின்று துரத்திவிட்டு, உங்கள் எல்லைகளை விஸ்தாரமாக்குவேன்; வருஷத்தில் மூன்றுதரம் உங்கள் தேவனாகிய கர்த்தருடைய சந்நிதிக்கு முன்பாகக் காணப்படப் போயிருக்கும்போது ஒருவரும் உங்கள் தேசத்தை இச்சிப்பதில்லை. | யாத் 34:11 யாத் 23:27-30 யாத் 33:2 லேவி 18:24 உபா 7:1 சங் 78:55 சங் 80:8 |
| 25 | எனக்கு இடும் பலியின் இரத்தத்தைப் புளித்தமாவுடன் செலுத்தவேண்டாம்; பஸ்கா பண்டிகையின் பலியை விடியற்காலம்வரைக்கும் வைக்கவும் வேண்டாம். | யாத் 12:20 யாத் 23:18 உபா 16:3 1கொரி 5:7 1கொரி 5:8 |
| 26 | உங்கள் நிலத்தில் முதல் முதல் விளைந்த முதற்பலத்தை உங்கள் தேவனாகிய கர்த்தரின் ஆலயத்துக்குக் கொண்டுவாருங்கள். வெள்ளாட்டுக்குட்டியை அதின் தாயின் பாலிலே சமைக்கவேண்டாம் என்றார். | யாத் 23:19 உபா 26:2 உபா 26:10 நீதி 3:9 நீதி 3:10 மத் 6:33 1கொரி 15:20 யாக் 1:18 |
| 27 | பின்னும் கர்த்தர் மோசேயை நோக்கி: இந்த வார்த்தைகளை நீ எழுது; இந்த வார்த்தைகளின்படியே உன்னோடும் இஸ்ரவேலோடும் உடன்படிக்கைபண்ணினேன் என்றார். | யாத் 17:14 யாத் 24:4 யாத் 24:7 உபா 31:9 |
| 28 | அங்கே அவன் அப்பம் புசியாமலும் தண்ணீர் குடியாமலும் இரவும் பகலும் நாற்பதுநாள் கர்த்தரோடே இருந்தான்; அவன் பத்துக்கற்பனைகளாகிய உடன்படிக்கையின் வார்த்தைகளைப் பலகைகளில் எழுதினான். | யாத் 24:18 உபா 9:9 உபா 9:18 உபா 9:25 |
| 29 | மோசே சாட்சிப் பலகைகள் இரண்டையும் தன் கையில் எடுத்துக்கொண்டு, சீனாய் மலையிலிருந்து இறங்குகிறபோது, தன்னோடே அவர் பேசினதினாலே தன் முகம் பிரகாசித்திருப்பதை அவன் அறியாதிருந்தான். | யாத் 32:15 |
| 30 | ஆரோனும் இஸ்ரவேல் புத்திரர் எல்லாரும் மோசேயைப் பார்க்கும்போது, அவன் முகம் பிரகாசித்திருப்பதைக் கண்டு, அவன் சமீபத்தில் சேரப்பயந்தார்கள். | எண் 12:8 மாற் 9:3 மாற் 9:15 லூக் 5:8 |
| 31 | மோசே அவர்களை அழைத்தான்; அப்பொழுது ஆரோனும் சபையிலுள்ள பிரபுக்கள் யாவரும் அவனிடத்திற்குத் திரும்பி வந்தார்கள்; மோசே அவர்களோடே பேசினான். | யாத் 3:15 யாத் 24:1-3 |
| 32 | பின்பு இஸ்ரவேல் புத்திரர் எல்லாரும் அவனிடத்தில் சேர்ந்தார்கள்; அப்பொழுது அவன் சீனாய் மலையில் கர்த்தர் தன்னோடே பேசினவைகளையெல்லாம் அவர்களுக்குக் கற்பித்தான். | யாத் 21:1 எண் 15:40 1இரா 22:14 மத் 28:20 1கொரி 11:23 1கொரி 15:3 |
| 33 | மோசே அவர்களோடே பேசி முடியுமளவும், தன் முகத்தின்மேல் முக்காடு போட்டிருந்தான். | ரோம 10:4 2கொரி 3:13-18 2கொரி 4:4-6 |
| 34 | மோசே கர்த்தருடைய சந்நிதியில் அவரோடே பேசும்படிக்கு உட்பிரவேசித்ததுமுதல் வெளியே புறப்படும்மட்டும் முக்காடு போடாதிருந்தான்; அவன் வெளியே வந்து தனக்குக் கற்பிக்கப்பட்டதை இஸ்ரவேல் புத்திரரோடே சொல்லும்போது, | 2கொரி 3:16 எபிரெ 4:16 எபிரெ 10:19-22 |
| 35 | இஸ்ரவேல் புத்திரர் அவன் முகம் பிரகாசித்திருப்பதைக் கண்டார்கள். மோசே அவரோடே பேசும்படிக்கு உள்ளே பிரவேசிக்கும்வரைக்கும், முக்காட்டைத் திரும்பத் தன் முகத்தின்மேல் போட்டுக்கொள்ளுவான். | யாத் 34:29 யாத் 34:30 பிரச 8:1 தானி 12:3 மத் 5:16 மத் 13:43 யோவா 5:35 பிலிப் 2:15 |
