| 1 | ஆபிரகாம் கேத்தூராள் என்னும் பேர்கொண்ட ஒரு ஸ்திரீயையும் விவாகம்பண்ணியிருந்தான். | ஆதி 23:1 ஆதி 23:2 ஆதி 28:1 1நாளா 1:32 1நாளா 1:33 |
| 2 | அவள் அவனுக்குச் சிம்ரானையும், யக்க்ஷானையும், மேதானையும், மீதியானையும், இஸ்பாக்கையும், சூவாகையும் பெற்றாள். | 1நாளா 1:32 1நாளா 1:33 எரே 25:25 |
| 3 | யக்க்ஷான் சேபாவையும், தேதானையும் பெற்றான்; தேதானுடைய குமாரர் அசூரீம், லெத்தூசீம், லெயூமீம் என்பவர்கள். | 1இரா 10:1 யோபு 6:19 சங் 72:10 |
| 4 | மீதியானுடைய குமாரர் ஏப்பா, ஏப்பேர், ஆனோக்கு, அபீதா, எல்தாகா என்பவர்கள்; இவர்கள் எல்லாரும் கேத்தூராளின் பிள்ளைகள். | ஏசா 60:6 |
| 5 | ஆபிரகாம் தனக்கு உண்டான யாவையும் ஈசாக்குக்குக் கொடுத்தான். | ஆதி 21:10-12 ஆதி 24:36 சங் 68:18 மத் 11:27 மத் 28:18 யோவா 3:35 யோவா 17:2 ரோம 8:17 ரோம 8:32 ரோம 9:7-9 1கொரி 3:21-23 கலா 3:29 கலா 4:28 கொலோ 1:19 எபிரெ 1:2 |
| 6 | ஆபிரகாமுக்கு இருந்த மறுமனையாட்டிகளின் பிள்ளைகளுக்கோ ஆபிரகாம் நன்கொடைகளைக் கொடுத்து, தான் உயிரோடிருக்கும்போதே அவர்களைத் தன் குமாரனாகிய ஈசாக்கைவிட்டுக் கிழக்கே போகக் கீழ்தேசத்துக்கு அனுப்பிவிட்டான். | ஆதி 25:1 ஆதி 16:3 ஆதி 30:4 ஆதி 30:9 ஆதி 32:22 ஆதி 35:22 நியா 19:1 நியா 19:2 நியா 19:4 |
| 7 | ஆபிரகாம் உயிரோடிருந்த ஆயுசு நாட்கள் நூற்று எழுபத்தைந்து வருஷம். | ஆதி 12:4 |
| 8 | பிற்பாடு ஆபிரகாம் நல்ல நரைவயதிலும், முதிர்ந்த பூரண ஆயுசிலும் பிராணன்போய் மரித்து, தன் ஜனத்தாரோடே சேர்க்கப்பட்டான். | ஆதி 25:17 ஆதி 35:18 ஆதி 49:33 அப் 5:5 அப் 5:10 அப் 12:23 |
| 9 | அவன் குமாரராகிய ஈசாக்கும் இஸ்மவேலும் மம்ரேக்கு எதிரே ஏத்தியனான சோகாரின் குமாரனாகிய எப்பெரோனின் நிலத்திலுள்ள மக்பேலா என்னப்பட்ட குகையிலே அவனை அடக்கம்பண்ணினார்கள். | ஆதி 21:9 ஆதி 21:10 ஆதி 35:29 |
| 10 | அந்த நிலத்தை ஏத்தின் புத்திரர் கையிலே ஆபிரகாம் வாங்கியிருந்தான்; அங்கே ஆபிரகாமும் அவன் மனைவியாகிய சாராளும் அடக்கம்பண்ணப்பட்டார்கள். | ஆதி 23:16 |
| 11 | ஆபிரகாம் மரித்தபின் தேவன் அவன் குமாரனாகிய ஈசாக்கை ஆசீர்வதித்தார். லகாய்ரோயீ என்னும் துரவுக்குச் சமீபமாய் ஈசாக்கு குடியிருந்தான். | ஆதி 12:2 ஆதி 17:19 ஆதி 22:17 ஆதி 50:24 |
| 12 | சாராளுடைய அடிமைப்பெண்ணாகிய எகிப்து தேசத்தாளான ஆகார் ஆபிரகாமுக்குப் பெற்ற குமாரனாகிய இஸ்மவேலின் வம்சவரலாறு: | ஆதி 16:10-15 ஆதி 17:20 ஆதி 21:13 சங் 83:6 |
| 13 | பற்பல சந்ததிகளாய்ப் பிரிந்த இஸ்மவேலின் புத்திரருடைய நாமங்களாவன; இஸ்மவேலுடைய மூத்த மகன் நெபாயோத், பின்பு கேதார், அத்பியேல், மிப்சாம், | 1நாளா 1:29-31 |
| 14 | மிஷ்மா, தூமா, மாசா, | ஏசா 21:11 ஏசா 21:16 |
| 15 | ஆதார், தேமா, யெத்தூர், நாபீஸ், கேத்மா என்பவைகளே. | 1நாளா 5:19 யோபு 2:11 |
| 16 | தங்கள் கிராமங்களிலும் அரண்களிலும் குடியிருந்த தங்கள் ஜனத்தாருக்குப் பன்னிரண்டு பிரபுக்களாகிய இஸ்மவேலின் குமாரர்கள் இவர்களே, இவர்களுடைய நாமங்களும் இவைகளே. | ஆதி 17:20 ஆதி 17:23 |
| 17 | இஸ்மவேலின் வயது நூற்று முப்பத்தேழு. பின்பு அவன் பிராணன் போய் மரித்து, தன் ஜனத்தாரோடே சேர்க்கப்பட்டான். | ஆதி 25:7 ஆதி 25:8 |
| 18 | அவர்கள் ஆவிலா துவக்கி எகிப்துக்கு எதிராக அசீரியாவுக்கு போகிற வழியிலிருக்கும் சூர்மட்டும் வாசம்பண்ணினார்கள். இது அவன் சகோதரர் எல்லாருக்கும் முன்பாக அவன் குடியேறின பூமி. | ஆதி 2:11 ஆதி 10:7 ஆதி 10:29 ஆதி 20:1 ஆதி 21:14 ஆதி 21:21 |
| 19 | ஆபிரகாமின் குமாரனாகிய ஈசாக்குடைய வம்சவரலாறு; ஆபிரகாம் ஈசாக்கைப் பெற்றான். | 1நாளா 1:32 மத் 1:2 லூக் 3:34 அப் 7:8 |
| 20 | ஈசாக்கு ரெபெக்காளை விவாகம்பண்ணுகிறபோது நாற்பது வயதாயிருந்தான்; இவள் பதான்அராம் என்னும் சீரியா தேசத்தானாகிய பெத்துவேலுக்குக் குமாரத்தியும், சீரியா தேசத்தானாகிய லாபானுக்குச் சகோதரியுமானவள். | ஆதி 22:23 ஆதி 24:67 |
| 21 | மலடியாயிருந்த தன் மனைவிக்காக ஈசாக்கு கர்த்தரை நோக்கி வேண்டுதல் செய்தான்; கர்த்தர் அவன் வேண்டுதலைக் கேட்டருளினார்; அவன் மனைவி ரெபெக்காள் கர்ப்பந்தரித்தாள். | 1சாமு 1:11 1சாமு 1:27 சங் 50:15 சங் 65:2 சங் 91:15 ஏசா 45:11 ஏசா 58:9 ஏசா 65:24 லூக் 1:13 |
| 22 | அவள் கர்ப்பத்திலே பிள்ளைகள் ஒன்றோடொன்று மோதிக்கொண்டிருந்தன; அப்பொழுது அவள்: இப்படியானால் எனக்கு எப்படியோ என்று சொல்லி, கர்த்தரிடத்தில் விசாரிக்கும்படி போனாள். | 1சாமு 9:9 1சாமு 10:22 1சாமு 22:15 1சாமு 28:6 1சாமு 30:8 எசே 20:31 எசே 36:37 |
| 23 | அதற்குக் கர்த்தர்: இரண்டு ஜாதிகள் உன் கர்ப்பத்தில் உண்டாயிருக்கிறது; இரண்டுவித ஜனங்கள் உன் வயிற்றிலிருந்து பிரியும், அவர்களில் ஒரு ஜனத்தார் மற்ற ஜனத்தாரைப்பார்க்கிலும் பலத்திருப்பார்கள், மூத்தவன் இளையவனைச் சேவிப்பான் என்றார். | ஆதி 17:16 ஆதி 24:60 |
| 24 | பிரசவகாலம் பூரணமானபோது, அவள் கர்ப்பத்தில் இரட்டைப் பிள்ளைகள் இருந்தது. |
| 25 | மூத்தவன் சிவந்த நிறமுள்ளவனாயும் சர்வாங்கமும் ரோம அங்கி போர்த்தவன் போலவும் வெளிப்பட்டான்; அவனுக்கு ஏசா என்று பேரிட்டார்கள். | ஆதி 27:11 ஆதி 27:16 ஆதி 27:23 |
| 26 | பின்பு, அவன் சகோதரன் தன் கையினாலே ஏசாவின் குதிங்காலைப் பிடித்துக்கொண்டு வெளிப்பட்டான்; அவனுக்கு யாக்கோபு என்று பேரிட்டார்கள்; இவர்களை அவள் பெற்றபோது ஈசாக்கு அறுபது வயதாயிருந்தான். | ஆதி 38:28-30 |
| 27 | இந்தப் பிள்ளைகள் பெரியவர்களானபோது, ஏசா வேட்டையில் வல்லவனும் வனசஞ்சாரியுமாய் இருந்தான்; யாக்கோபு குணசாலியும் கூடாரவாசியுமாய் இருந்தான். | ஆதி 10:9 ஆதி 21:20 ஆதி 27:3-5 ஆதி 27:40-5 |
| 28 | ஏசா வேட்டையாடிக் கொண்டுவருகிறது ஈசாக்கினுடைய வாய்க்கு ருசிகரமாயிருந்ததினாலே ஏசாவின்மேல் பட்சமாயிருந்தான்; ரெபெக்காளோ யாக்கோபின்மேல் பட்சமாயிருந்தாள். | ஆதி 27:4 ஆதி 27:19 ஆதி 27:25 ஆதி 27:31 |
| 29 | ஒருநாள் ஏசா வெளியிலிருந்து களைத்து வந்தபோது, யாக்கோபு கூழ் சமைத்துக்கொண்டிருந்தான். | நியா 8:4 நியா 8:5 1சாமு 14:28 1சாமு 14:31 நீதி 13:25 ஏசா 40:30 ஏசா 40:31 |
| 30 | அப்பொழுது ஏசா யாக்கோபை நோக்கி: அந்தச் சிவப்பான கூழிலே நான் சாப்பிடக் கொஞ்சம் தா, இளைத்திருக்கிறேன் என்றான்; இதனாலே அவனுக்கு ஏதோம் என்கிற பேர் உண்டாயிற்று. | ஆதி 36:1 ஆதி 36:9 ஆதி 36:43 யாத் 15:15 எண் 20:14-21 உபா 23:7 2இரா 8:20 |
| 31 | அப்பொழுது யாக்கோபு: உன் சேஷ்ட புத்திரபாகத்தை இன்று எனக்கு விற்றுப்போடு என்றான். |
| 32 | அதற்கு ஏசா: இதோ, நான் சாகப்போகிறேனே, இந்தச் சேஷ்ட புத்திரபாகம் எனக்கு என்னத்திற்கு என்றான். | யோபு 21:15 யோபு 22:17 யோபு 34:9 மல்கி 3:14 |
| 33 | அப்பொழுது யாக்கோபு: இன்று எனக்கு ஆணையிட்டுக்கொடு என்றான்; அவன் யாக்கோபுக்கு ஆணையிட்டு, தன் சேஷ்ட புத்திரபாகத்தை அவனுக்கு விற்றுப்போட்டான். | ஆதி 14:22 ஆதி 24:3 மாற் 6:23 எபிரெ 6:16 |
| 34 | அப்பொழுது யாக்கோபு ஏசாவுக்கு அப்பத்தையும் பயற்றங்கூழையும் கொடுத்தான்; அவன் புசித்துக் குடித்து எழுந்திருந்து போய்விட்டான். இப்படி ஏசா தன் சேஷ்ட புத்திரபாகத்தை அலட்சியம் பண்ணினான். | பிரச 8:15 ஏசா 22:13 1கொரி 15:32 |
