ஆண்டவா கிதியோனை நோக்கி,”உன்னுடன் இருக்கும் மக்கள் ஏராளமாக இருப்பதால், மிதியானியரை அவர்கள் கையில் ஒப்படைக்கமாட்டேன்.இல்லையெனில்,”எம் கையே எம்மைக் காத்தது” என்று கூறி, இஸ்ரயேல் மக்கள் எனக்கெதிராகத் தற்பெருமை கொள்வர்.

ஆண்டவர் கிதியோனிடம்,”மக்கள் இன்னும் ஏராளமாக உள்ளனர்.அவர்களை நீர்நிலைக்கு அழைத்துவா.அங்கே உனக்காக அவர்களைத் தேர்ந்தெடுப்பேன். “இவன் உனடனுடன் செல்வான்” என்று யாரைக் குறித்து உன்னிடம் குறிப்பிடுகிறேனோ அவன் உன்னுடன் செல்வான்:”இவன் உன்னுடன் செல்லமாட்டான்” என்று யாரைக் குறித்துக் குறிப்பிடுகிறேனோ, அவன் உன்னுடன் செல்லமாட்டான்” என்றார்.

நாக்கினால் நக்கிக் குடித்தவர்களின் எண்ணிக்கை முந்நூறு.மற்ற மக்கள் அனைவரும் நீர் அருந்த முழங்காலில் மண்டியிட்டனர்.

அந்த முந்நூறு பேர் தங்கள் கைகளில் உணவுப் பொருள்களையும் தங்கள் எக்காளங்களையும் எடுத்துக் கொண்டனர்.அவர் மற்ற எல்லா இஸ்ரயேலரையும் அவர்கள் கூடாரத்திற்கு அனுப்பிவிட்டு அந்த முந்நூறு பேரைத் தம்முடன் நிறுத்திக்கொண்டார்.மிதியானியரின் பாளையம் அவர் இருந்த இடத்திற்குக் கீழே பள்ளத்தாக்கில் இருந்தது.