ஏனெனில், இவர்கள் நல்வாழ்வு இல்லாதிருந்தும் “நல்வாழ்வு உளது” எனச் சொல்லி என் மக்களை வழி தவறச் செய்தார்கள். மக்கள் எல்லைச் சுவர் எழுப்பியபோது இவர்கள் அதற்குச் சுண்ணாம்பு பூசினார்கள்.

சுவர் விழும்போது, “நீங்கள் பூசிய சுண்ணாம்பு எங்கே?” என்று உங்களைக் கேட்கமாட்டார்களா?

நீங்கள் சுண்ணாம்பு பூசிய சுவரை நான் இடித்துத் தரைமட்டமாக்குவேன். அதன் அடித்தளம் பெயர்க்கப்படும். அது விழும்போது, அதனடியில் நீங்கள் அழிந்து போவீர்கள். அப்போது, நானே ஆண்டவர் என்பதை அறிந்துகொள்வீர்கள்.

நல்வாழ்வு இல்லாதிருந்தும் “நல்வாழ்வு உளது” என்னும் காட்சி கண்டு எருசலேமுக்காக இறைவாக்குரைக்கும் இஸ்ரயேலின் இறைவாக்கினரும் அவ்வாறே அழிவர், என்கிறார் தலைவராகிய ஆண்டவர்.